ရူးလောက်အောင်ဆိုး

အရှေ့ကို လျှောက်ပါလို့ အနောက်ကိုတဲ့ မျှော်လိုက်ရင်......တံခွန်တိုင် ရွှေကုက္ကားနဲ့ ဘုရားလေးလေး.............ဘုရားလေးလေး။

တိတ်ဆိတ်တဲ့ ညအချိန် ကာလတွေမှာ ဆွေးမြည့်ဖွယ် အသံကြီးနဲ့ ဒီသီချင်းကို ပိုင်ပိုင်နိုင်နိုင်ကြီး ဆိုတတ်တဲ့ အမျိုးသမီးကြီး တစ်ဦးကို ကျွန်မ ဘ၀မှာ မှတ်မှတ်ရရ ရှိဖူးပါတယ်။ ဒီသီချင်းကို သူဆိုတဲ့ အခါတိုင်း ကျောစိမ့်အောင် ကြောက်ခဲ့ရတဲ့ ကျွန်မရဲ့ ဖီလင်ကို ဘယ်မေ့ပျောက်နိုင်ပါ့မလဲ။ ဒီသီချင်းသံကို တစ်လတစ်ခါ မှန်မှန်ကြားရတတ်ပြီး ကြားရတဲ့ အချိန်ကာလတွေဟာလည်း ညပိုင်းအချိန်တွေပဲ ဖြစ်တတ်ပါတယ်။ တိတိကျကျ ပြောရမယ်ဆိုရင် လတစ်လရဲ့ လခထုတ်ရက် ညပိုင်းတွေမှာ ကြားရတတ်တာပါ။

ကျွန်မ ဒီသီချင်း ကြားတိုင်း ကြောက်တတ်တာဟာ သီချင်းကြောင့်လား၊ သူ့အသံနဲ့ ဆိုဟန်ကြောင့်လား၊ ဒီသီချင်းဆုံးတဲ့ အခါမှာ ကြားရတတ်တဲ့ ပေါက်ကွဲ သံစဉ်တွေကြောင့်လား သေသေချာချာ မမှတ်မိပေမယ့် ကျွန်မ နေစရာ မရှိအောင် ကြောက်ခဲ့ တာတော့ အသေအချာပါပဲ။ အဆိုရှင်ဟာ စိတ်မူ မမှန်ဘူး လို့ ကျွန်မ သိထားခဲ့တယ်လေ။ ပြီးတော့ အဆိုရှင်ဟာ ဒီသီချင်းကို ဆိုပြီး တောင်ကုန်းထိပ်က အရာရှိ ရိပ်သာကို ခြေလှမ်း မှန်မှန်နဲ့ တက်သွားတတ်တယ်။ သူ့သီချင်း အဆုံးနဲ့ သူတောင်ကုန်းထိပ်ကို ရောက်တာနဲ့က အမြဲ ကွက်တိကျတတ်တာဟာ တိုက်ဆိုင်မှုလား၊ ဘာလား ဆိုတာ ကျွန်မ မသိပါဘူး။ ဒီလို တိုက်ဆိုင်လို့လည်း သူဟာ ဒီသီချင်းကို စွဲစွဲမြဲမြဲ ဆိုခဲ့လေရော့သလားလို့တော့ တွေးစရာပါ။ သူ့သီချင်း အပြီး တောင်ကုန်းပေါ်ကို အရောက်မှာတော့ “ကိုမြမင်း၊ အို ကိုမြမင်း၊ ဒီနေ့ လခ ထုတ်ပြီလေ။ ရှင် ကျွန်မကို လခလည်း မပေးပါလား။ ရှင်လခ မပေးရင် ရှင့်ကလေးတွေ ကျွန်မ ဘယ်လိုကျွေးမှာ လဲ”ဆိုတဲ့ စကားမျိုးတွေကို အလဲလဲ အကျော့ကျော့ ဆိုရင်း အိမ်တံခါးကိုလည်း ခဲနဲ့ မှန်မှန် ထုတတ်ပါတယ်။

ဒီလို သူလုပ်နေတာဟာ တစ်နာရီလောက် ကြာတတ်ပြီး နောက်တော့ အသံတဖြည်းဖြည်း တိုးသွားလို့ သူလက်လျှော့ ပြန်ဆင်း သွားတတ်ပါတယ်။ တက်လာတုန်းက သီချင်း တကြော်ကြော်နဲ့ တက်လာပြီး သူပြန်ဆင်းသွားချိန်မှာ ဘယ်လို စိတ်ခံစားမှုမျိုးနဲ့များ ဆင်းသွားခဲ့ပါလိမ့်။ ဒီအချိန်ဆိုရင်တော့ ကျွန်မ လည်း အမေ့ ရင်ခွင်ထဲ တိုးဝှက် ပုဝင် နေရတာ ညောင်းလှပြီမို့ အညောင်းအညာ ဆန့်ရပါတော့တယ်။ အိမ်က လူကြီးတွေ၊ အစ်ကို၊ အစ်မတွေ အတွက်တော့ ကျွန်မရဲ့ ကြောက်ရွံ့မှုမှာ ရယ်စရာ ဖြစ်ကောင်း ဖြစ်နေမှာပါ။ လူကြီးတွေရဲ့ ရယ်မော ကျီစယ်မှုတွေကို ကျွန်မပြန် တွေးကြည့်ရင် မှတ်မိ နေသလိုပါပဲ။ ဒါပေမယ့် ဒါဟာ ကျွန်မ ဟန်ဆောင်ကာ မူပိုနေခြင်း မဟုတ်ဘဲ ရင်ထဲ အသည်းထဲက ကြောက်နေတာ ဆိုတာ ငယ်ဘ၀ အမှတ်တရ တစ်ခုပါ။ ကျွန်မ အခု အရွယ် အထိ အဲ့ဒီ ကြောက်ရွံ့မှုကို မမေ့နိုင် ဘဲရှိနေခဲ့တာမို့ အခုအသက် အရွယ်အတွေးနဲ့ သီချင်းရှင်ရဲ့ အဖြစ်ကို ခဏခဏ ဆင်ခြင် ကြည့်မိဖူးပါတယ်။ အကျိုး အကြောင်း တိုက်ဆိုင်တဲ့ အခါမျိုးမှာပေါ့လေ။

တကယ်တော့ အဲဒီ သီချင်းရှင်ဟာ ဒေါ်သိန်းတင် ဆိုတဲ့ အဒေါ်ကြီး တစ်ဦးပါ။ ကျွန်မတို့ရဲ့ အင်မတန် ဝေးလံ ခေါင်သီတဲ့ ဒီမြို့ငယ်လေးမှာ ဒေါ်သိန်းတင်ဆိုရင် မသိသူ မရှိပါဘူး။ သူဟာ မွေးရာပါ စိတ်မူ မမှန်ခြင်း မဟုတ်ဘဲ အသက်ကြီးမှ စိတ်မူ မမှန်ခဲ့တာ ဆိုတာကိုလည်း တစ်မြို့လုံးက သိထားခဲ့ကြပါတယ်။ ကျွန်မလည်း ကလေးဆိုပေမယ့် ဒေါ်သိန်းတင်ရဲ့ အကြောင်းက ဒီမြို့မှာ ပြောစရာ ပါးစပ် ရာဇ၀င်တစ်ခုမို့ အများနည်းတူ သိထားခဲ့ တော့တာပေါ့။ အများနဲ့ ကျွန်မက မတူတာဆိုလို့ ကျွန်မက တိတ်တဆိတ် ဒေါ်သိန်း တင်ဘက်တော်သား ဖြစ်နေ ခဲ့ခြင်းပါပဲ။ ဒါကို အဖေနဲ့ အမေတောင် သိခဲ့မှာ မဟုတ်ပါဘူး။ လေးတန်းကျောင်းသူ အရွယ် ကျွန်မဟာ ဒေါ်သိန်းတင် ဘာကြောင့် ဒီလို ဖြစ်သွားလဲ ဆိုတာကို သိခဲ့ပြီး ချိန်ကစပြီး ဒေါ်သိန်းတင်ကို ကြောက်တာက ကြောက်တာ သတ်သတ်၊ သူ့အတွက် စိတ်မကောင်း ဖြစ်ရတာက သတ်သတ်ဖြစ်နေတာဟာ နည်းနည်းတော့ ထူးဆန်းပါသည်။ ဒေါ်သိန်းတင် ဖြစ်ပုံက ဒီလိုပါ။

ဒေါ်သိန်းတင်ရဲ့ အသက်ဟာ ငါးဆယ်တော့ ကျော်လောက်ရောပေါ့။ သန့်သန့်ရှင်းရှင်း သပ်သပ်ရပ်ရပ် နေတတ် ထိုင်တတ်တဲ့ အပျိုကြီး တစ်ဦး ဆိုပေမယ့် ရုပ်ရည်ရူပ ကာက ခေရှာပါတယ်။ သူရောင်းတဲ့ အသုပ်က စားဖူးသူတိုင်း အသည်း စွဲစေပေမယ့် သူ့ကိုကျ အသည်းစွဲသူ မရှိတာဟာ ဒီရုပ်ရည်ကြောင့် လည်း ဖြစ်မှာပါ။ ဒီလို အသုပ်သည် အပျိုကြီးကို တစ်နေ့သော အခါမှာ ဖောက်သည် အသစ်တစ်ဦး တိုးလာ ခဲ့ပါတယ်။ သူကတော့ ကျွန်မတို့ ဖေဖေ့ ရုံးကို ပြောင်းရွှေ့ ရောက်ရှိလာတဲ့ အရာရှိငယ် တစ်ဦးဖြစ်တဲ့ ကိုမြမင်းပါပဲ။ ကျွန်မ အခေါ်တော့ ဦးမြမင်း ပေါ့လေ။ တကယ်တော့ ဒီမြို့ငယ်လေးဟာ လမ်းပန်းဆက် သွယ်ရေးအရရော၊ တည်နေရာ အရရော ဘယ်လို ထူးခြား စည်ကားမှုမှ မရှိတဲ့ မြို့လေးပါ။ ဒီမြို့လေးဟာ ဖေဖေတို့ တာဝန်ကျရာ ဌာနဆိုင်ရာ စီမံကိန်းတစ်ခု ရှိနေတာမို့ လှုပ်ရှား အသက်ဝင် နေတာပဲ ဖြစ်ပါတယ်။ ဒါကို မြို့ခံလူတွေကလည်း ကောင်းကောင်းသဘော ပေါက်တဲ့ အတွက် စီမံကိန်းက ၀န်ထမ်းတွေဆိုရင် နေရာပေး ဆက်ဆံ တတ်ကြပါတယ်။ ဒေါ်သိန်းတင်လို ရိုးရိုးသားသား အသုပ်သည် တစ်ဦး အနေနဲ့လည်း ကိုမြမင်းလို တူအရွယ်၊ သား အရွယ် အရာရှိငယ်လေးကို အရေးပေး ဆက်ဆံခဲ့ ရှာတာပေါ့။ ဒါဟာ ဘာများ မှားလို့လဲ။ ကိုမြမင်း အတွက်ဆို သီးသန့် ချန်ထားချင်တယ်။

ကိုမြမင်းကိုဆို စပါယ်ရှယ် လုပ်ပေးတယ်။ ကိုမြမင်း လာမစားသေးရင် ဆိုင်မသိမ်းသေးဘူး။ ဒါတွေဟာ လုပ်သင့်လုပ်ထိုက်တဲ့ ဖြစ်ရိုး ဖြစ်စဉ် ကဏ္ဍတွေပဲ မဟုတ် ဘူးလား။ ဒါကိုပဲ ဒေါ်သိန်းတင်ရဲ့ ဈေးသည် အသိုက် အ၀န်းကရော၊ ကိုမြမင်းရဲ့ အသိုက်အ၀န်းကရော ကိုမြမင်း ကွယ်ရာမှာ ဒေါ်သိန်းတင်ကို နေ့စဉ်နဲ့အမျှ ကလူ ကျီစယ် ပြုခဲ့ကြသတဲ့။ ဆိုးလိုက်တာနော်။ ဒေါ်သိန်းတင်လို ရိုးရိုးအအ မျက်နှာမွဲ အပျိုကြီးတစ်ယောက် အတွက် ဒီလို အစအနောက်တွေကို စိတ်တို ဒေါသနဲ့ တုံ့ပြန်ဖို့ အခွင့်အရေး ရှိမတဲ့လား။ တဟင်းဟင်း၊ တဟဲဟဲနဲ့ပဲ “မဟုတ်တာတွေရှင်၊ မဟုတ်ရပါဘူး။ မလုပ်ပါနဲ့” ဆိုတဲ့ တောင်မရောက်၊ မြောက် မရောက်စကားတွေကိုပဲ နေ့စဉ်နဲ့ အမျှ ရေလဲသုံးရင်း သူ့ရဲ့ အတွင်းစိတ်တွေဟာ ကိုမြမင်းနဲ့ ယဉ်ပါး သွားခဲ့ပုံရပါ တယ်။ တကယ်ဆို စိတ်ပညာရှင်တွေ၊ စိတ်ရောဂါကု ဆရာဝန်တွေ အနေနဲ့ ဒီလို ဝေဒနာကို ဘယ်လို သတ်မှတ်မလဲ မသိပေမယ့် ကျွန်မ သတ်မှတ်တာကတော့ ရိုးရိုးလေးပါ။ အချွန်နဲ့ အမခံရတဲ့ သနားစရာ ဝေဒနာရှင် ဆိုတာပါပဲ။ ဟုတ်တယ်လေ။ လူတစ်ယောက်ရဲ့ အနားမှာ သူသိပ်မုန်းပါတယ် ဆိုတဲ့ သီချင်း တစ်ပုဒ်ကို နေ့စဉ်နဲ့ အမျှ ဖွင့်ပေးထား ကြည့်ပါ လား။

အဲ့ဒီလူ သီချင်းဆိုချင် စိတ်ပေါ်လာတဲ့ အခါမှာ နှုတ်က ညည်းမိတဲ့ သီချင်းဟာ သူမုန်းပါတယ် ဆိုတဲ့ သီချင်းပဲ ဖြစ်နေတတ်ပါတယ်။ ဒါဟာ မသိစိတ်ရဲ့ယဉ်ပါးမှု ပေါ့။ ဒီလိုပဲ ကိုမြမင်းနဲ့ မဟုတ်နိုင်မှန်း၊ မဖြစ်နိုင်မှန်း သိသိကြီးနဲ့ ထပ်ဖန်တလဲလဲ စနောက်ခံရခြင်းဟာ ဒေါ်သိန်းတင်လို ပညာ အခြေခံမရှိ၊ ဘာသာတရားနဲ့ ကင်းဝေးတဲ့ အပျိုကြီး တစ်ယောက် အတွက် ကောင်းကောင်းကြီး ကတိမ်းကပါး ဖြစ်သွားစေနိုင်တာပေါ့။ ဒီလိုနဲ့ပဲ ဒေါ်သိန်းတင် ဟာ မသိမသာကနေ သိသိ သာသာ ပြောင်းလဲလာပြီး သူနဲ့ ကိုမြမင်းနဲ့ဟာ သက်ဆိုင်တယ်။ သူတို့မှာ မိသား စုလေးရှိတယ် ရယ်လို့ လွဲလွဲ မှားမှားတွေ ယုံကြည်စွဲလမ်း သွားပြီး လစဉ်လတိုင်းရဲ့ လခထုတ် ရက်တွေမှာ ကိုမြမင်းကို သွား၊ သွားရမ်းခြင်းနဲ့ စိတ်ထွက်ပေါက်တွေ လွဲခဲ့ပုံ ရပါတယ်။ နောက်ဆုံးတော့ ကိုမြမင်း ကိုယ်တိုင် ဒီအဖြစ် ကြီးကို ရှက်ရွံ့ ခါးသီးပြီး အထက် လူကြီးကလည်း နားလည်စာနာလို့ ကိုမြမင်းကို ဌာနပြောင်း၊ နယ်ပြောင်း လုပ်ပေးခဲ့ကြပါတယ်။ စာနာ နားလည်မယ့်သူ မရှိဘဲ ဘ၀ပျက် ကျန်ခဲ့တာက ဒေါ်သိန်းတင် ကြီးပဲပေါ့။ ကိုမြမင်း ဒီမြို့မှာ ရှိမှန်း၊ မရှိမှန်းတောင် မသိတော့ဘဲ သူစိတ်ထင်သလို လုပ်ရင်းနဲ့ အများရဲ့အချွန်နဲ့ မမှု ဒဏ်ကို သူ့ဘ၀ မဆုံးမချင်း ခါးစည်းခံပေတော့ပေါ့။

ကျွန်မငယ်စဉ်က ဒေါ်သိန်းတင် အကြောင်းကို မေမေက စကားစပ်မိလို့ ပြောဖြစ်ကြတိုင်း “လူတွေ မကောင်းတာပါ”လို့ ရေရွတ် အဆုံးသတ်တတ်ပါတယ်။ မေမေ ဒီလို ရေရွတ်တိုင်း “ဟုတ်တယ်၊ မကောင်းဘူး” လို့ ကျွန်မစိတ်ထဲ အမြဲ သံယောင်လိုက်မိပေမယ့် နှုတ် ကတော့ ဖွင့်မပြောဖြစ်ပါဘူး။ ကလေးသဘာဝအရ စိတ်မူ မမှန်တဲ့သူဆို ရှေ့မှာရော၊ ကွယ်ရာမှာပါ တုန်နေအောင် ကြောက်တတ်တာမို့ ဒေါ်သိန်းတင်ကြီးကို စာနာပါတယ် ဆိုပေမယ့် ပေါ်တင်ကြီး တော့ မပြောရဲခဲ့ပါဘူး။ အခု လို ကြီးလာတဲ့အချိန်မှသာ မဖြစ်သင့်တဲ့ ကိစ္စပဲလို့ ရဲရဲတွေး ရဲရဲ ပြောရဲလာတာပါ။ ဒီမြို့လေးမှာပဲ ကျွန်မရဲ့နောက်ထပ် ဇာတ်လိုက်ကျော်တစ် ယောက် ရှိပါတယ်။ သူ ကတော့ ဘန်ဂလိုစောင့် ဦးဂျင်မီဆိုတဲ့ လူကြီးပါ။ ဘန် ဂလိုစောင့် တာဝန်ယူထား တယ်ဆိုတော့ သူ့အခြေအနေ က ဒေါ်သိန်းတင်လောက် မဆိုးတာ သေချာပါတယ်။ ဒါပေမယ့် မြို့လေးကလူတွေ ကတော့ သူ့အကြောင်းပြောရင် ခေါင်းကို လက်ညှိုးထိုးပြီး ခါပြတတ်ကြတာမို့ သူလည်း မူမမှန် စာရင်းဝင်ပါပဲ။ ကျွန်မ တို့ ဒီမြို့ကိုရောက်တဲ့အချိန် ကစပြီး ပြောင်းလာတဲ့ အချိန်ထိ ဘန်ဂလိုကို လာတည်းတဲ့ ဧည့်သည် ဆိုတာလည်း မကြုံ ဖူးခဲ့တာမို့ ဦးဂျင်မီကြီး အနေ အစားချောင် ထင်ပါရဲ့။

ညနေ ခင်းတွေ အထူးသဖြင့် ဖေဖေ ရုံးက ပြန်လာလို့ မိသားစု စုံစုံ ညီညီ စကား ပြောနေကြချိန်ဆို ဦးဂျင်မီတစ်ယောက် သူ့ ၀တ်စုံဖြစ်တဲ့ အပေါ်အဖြူ အောက်အဖြူ ၀တ်စုံကို ကျကျနန ၀တ်လာပြီး ရောက်ရောက် လာပါလေရောလား။ အနား ရောက်ပြီဆိုရင်လည်း “လေး စားပါတယ် ဆရာ”ဆိုပြီး တဖျောင်းဖျောင်းနဲ့ ဆလု ရိုက်တော့တာပါပဲ။ သူ့ရဲ့ လေးစားပါတယ်ဆိုတဲ့ စကားကိုလည်း ငါးကြိမ်ပြည့်အောင် အမြဲ ပြောတတ်ပါတယ်။ ဒါ သူ့ရဲ့ ထူးဆန်းတဲ့ အကျင့်ပါ။ ငါးကြိမ်ထက်လည်း မပို၊ ငါးကြိမ်ထက်လည်း မလျော့အောင် သူဘယ်လို ချိန်ဆ ပြောလဲ ကျွန်မ မသိပေမယ့် အမြဲတမ်း လက်ချိုးရေတွက် ထားတိုင်း ငါးကြိမ်ကွက်တိ ပါပဲ။ ဦးဂျင်မီကို သူများ အပြောနဲ့ ကျွန်မ ကြောက်မိ ပေမယ့် တစ်ခါမှတော့ ရမ်းရမ်းကားကား အပြုအမူ အပြောအဆိုတွေ မတွေ့ခဲ့ရဖူး ပါဘူး။ ပုံမှန် မဟုတ်တဲ့ ခပ်ကြောင်ကြောင် အပြုအမူ ဆိုလို့ ခုနက ငါးကြိမ်ပြည့်အောင် အရိုအသေပြုတတ် တာလေးပဲ ပြောစရာ ရှိပါတယ်။ ပျင်းစရာ ကောင်းတဲ့ မြို့ငယ်လေးမှာ ဦးဂျင်မီဟာ ကျွန်မတို့ ကလေးတွေ အတွက် စိတ်လှုပ်ရှားစရာ ပျော်တော် ဆက်တစ်ဦးလည်း ဖြစ်ခဲ့ ပြန်ပါတယ်။ ဒါကတော့ ကျောင်းပိတ်ရက်တွေမှာ ကလေးတွေ စုပြီး ဦးဂျင်မီကြီးကို သွားသွား ချောင်းကြခြင်းပါပဲ။

ကျွန်မကတော့ အကြောက်ကြီးသူပီပီ အားလုံး ရဲ့နောက်ဆုံးနားလောက်စီမှာ မမီမကမ်းနဲ့ တမော့မော့ပေါ့။ ဒီမှာတင် ဦးဂျင်မီရဲ့ ထူးဆန်း အံ့သြဖွယ် အပြုအမူကို တွေ့ခဲ့ကြရခြင်းပါ။ ဦးဂျင်မီရဲ့ အခန်းလေးက သပ်သပ်ရပ်ရပ် သန့်သန့် ရှင်းရှင်းလေးပါ။ သူ့ခုတင်ဘေးမှာ စာကြည့် စားပွဲလေး တစ်လုံး ရှိပြီး အဲ့ဒီ စားပွဲပေါ်မှာ ဓာတ်ပုံတစ်ပုံ ရှိပါတယ်။ ကျွန်မတို့ ချောင်းကြည့်တဲ့ အခါတွေမှာ မြင်ရတာကတော့ ဦးဂျင်မီဟာ ဒီဓာတ်ပုံလေးကို ကိုင်ပြီး စကားတွေ ပြောလိုက်၊ မျက်ရည်ကျလိုက်နဲ့ ဟန်မူရာပါပါ ဇာတ်စုံခင်း နေတာမျိုးတွေ တွေ့ရတာပါ။ သူစကား ပြောနေပုံဟာ သက်ရှိ လူတစ်ယောက်နဲ့ ပြောနေဘိ အလား အသက်ဝင် လွန်းပါတယ်။ ကျွန်မတို့တွေ အတွက်တော့ ရယ်လည်း ရယ်ချင်၊ ကြောက်လည်း ကြောက်၊ စိတ်ဝင်စားမှုကလည်း အပြည့်နဲ့ ထက်ထက် သန်သန် ချောင်းခဲ့ကြရတာပေါ့။ တစ်ခု ဆန်းတာက ဦးဂျင်မီဟာ ကျွန်မတို့ ချောင်းကြည့်တာကိုလည်း သိသိနေ ခြင်းပါပဲ။ သူ့ဟာသူ ဖီလင် အပြည့်နဲ့ ပြောဆိုနေရင်းက “ဟေ့” ဆိုတဲ့ အသံကြီး ပေးပြီး ကျွန်မတို့ဘက်ကို လှည့်ခြောက်တတ်ပါတယ်။

ဒါဆို ကျွန်မတို့ အဖွဲ့ ပြေးကြ ပေတော့ပေါ့။ အငယ်ဆုံး လည်းဖြစ်၊ အ၀ဆုံးလည်းဖြစ် တဲ့ ကျွန်မပဲ နောက်ဆုံးမှာ အလဲလဲ အပြိုပြို အငိုငိုအယို ယိုနဲ့ပါ။ မှတ်လား ဆိုတော့လည်း မမှတ်ပါဘူး။ နောက် တစ်ခါ သွားချောင်းရင် ပြန် လိုက်တာပါပဲ။ တခြား ကလေးတွေ အတွက်တော့ ဒီအဖြစ်ကို ရယ်စရာ၊ ကြောက်စရာအဖြစ်ထက် ပိုပြီးထူးခံစားနေကြမှာ မဟုတ်ပေမယ့် ကျွန်မ ကတော့ ဦးဂျင်မီ လက်ထဲက ဓာတ်ပုံကို အင်မတန် စိတ်ဝင် စားပါတယ်။ ဒါကြောင့် လည်း ဖေဖေ့ကို အကျိုး အကြောင်းပြောပြပြီး ဒီဓာတ် ပုံက ဦးဂျင်မီနဲ့ ဘယ်လို ပတ်သက်သလဲ၊ ဘယ်သူ့ပုံ လဲဆိုတာ အတင်း မေးကြည့် ခိုင်းမိပါတော့တယ်။ ကျွန်မ ပူဆာလွန်းတာနဲ့ပဲ ဖေဖေက ဘန်ဂလိုကို သွားစစ်တဲ့ပုံနဲ့ ဟိုဒီ ၀င်ကြည့်ရင်း ဓာတ်ပုံကို ကြည့်ပေးခဲ့ပါတော့တယ်။ အိမ်ပြန်ရောက်လာတော့ ဖေဖေ့မျက်နှာက သဘောကျ တဲ့ပုံနဲ့ တပြုံးပြုံး လုပ်ရင်း “တကယ့်လူ ဆိုဖီယာလော ရင်စ်ပုံကို ထောင်ပြီး စိတ်ကူး ယဉ်နေတာပဲ”တဲ့လေ။ ဖေဖေ ပြောပြမှ ဒီဓာတ်ပုံဟာ နိုင်ငံခြား မင်းသမီး အကျော်အမော် တစ်ပါးရဲ့ ပုံဆိုတာ ကျွန်မ သ ခဲ့ရတာပါ။ ဖေဖေနဲ့ မေမေက ဒီအကြောင်း ပြောတိုင်း ရယ်မော သဘော ကျတတ်ပေမယ့် ကျွန်မ အတွက်တော့ ဦးဂျင်မီဟာ ဘာကြောင့်များ ဒီလို ဖြစ်နေရတာလဲ ဆိုတာ မီးခိုး မဆုံး တွေးနေမိပါတော့တယ်။ အဖြစ်မှန်ကိုတော့ မသိခဲ့ရပါ ဘူး။ ဒါဟာ ကျွန်မ ဖေဖေ တာဝန်ကျရာ မြို့ငယ်လေးက ကျွန်မရဲ့ ဇာတ်လိုက်ကျော် များပေါ့။

ကျွန်မ ငါးတန်းနှစ်မှာတော့ ဖေဖေ ရန်ကုန်ကို ပြောင်းရွှေ့ တာဝန်ထမ်းဆောင် ရပါပြီ။ ဒါပေမယ့် အကူးအသန်း ကာလမှာ ကျွန်မတို့ ကလေးတွေ ကသီလင်တနိုင်မယ် ဆိုပြီး ကျွန်မတို့ မောင်နှမ တွေကို ဘွားဘွားတို့ ရှိရာ ဧရာဝတီတိုင်း မြို့ငယ်လေး တစ်မြို့ကို ပို့ထားခဲ့ပါတယ်။ ရောက်ပြီး သိပ်မကြာခင်မှာပဲ နေ၀င်ရီတရော အချိန်မှာ ကျွန်မတို့ ခြံပေါက်ဝမှာ လိပ်ပြာလွင့်မတတ် ကြောက်စရာ ကောင်းတဲ့ လူကြီး တစ်ဦးကို ကျွန်မ တွေ့ခဲ့ရတာပါပဲ။ ကျွန်မကိုက ဒီလို လူတွေနဲ့ ရေစက်ပါတယ် ထင်ပါရဲ့။“ဟေ့ မခင်အေး ရှိလား”ဆိုတဲ့ အသံကြီးကလည်း အောင်ပါပေ့။ ကျွန်မ အတွက်တော့ သူ့ မေးခွန်းကို ဖြေဖို့ နေနေသာသာ စုတ်ပြတ်သတ်ပြီး လူရုပ် မပေါ်အောင် ညစ်ပတ်ပေတူး နေတဲ့ ဒီလူကြီးရဲ့အသွင် သဏ္ဌာန်၊ သူ့နဖူး အလယ် တည့်တည့်မှာ ပြည်တွေ တောင်တည်နေပြီ ဖြစ်တဲ့ အနာကြီး၊ သူ့ပါးစပ်က တဂွက်ဂွက်နဲ့ စားနေတဲ့ မာလကာသီးကြီး။ ဒါတွေကိုပဲ ပါးစပ် အဟောင်းသားနဲ့ ကြည့်ရင်း အိမ်ထဲပြန်လှည့် ပြေးချင်နေပေမယ့် ခြေလှမ်းက တစ်လှမ်းတောင် ရွှေ့လို့ မရအောင် ကြက်သေသေ နေခဲ့တော့တာပါပဲ။

တော်သေးတာက အဲ့ဒီ အချိန်မှာပဲ ဘွားဘွားက ဘုန်းကြီးကျောင်းက ပြန်ရောက်လာပြီး သူ့ကို ရင်းရင်းနှီးနှီး ဟန်နဲ့ “ဖိုးထူးရေ နိပ်လားဟေ့”လို့ မေးလိုက်ပါ တယ်။ ဘွားဘွား ဒီလို မေးလိုက်တာနဲ့ ဖိုးထူးကြီးက “နိပ်တယ်ဟေ့ နိပ်တယ်”ဆို ပြီး ဘွားဘွား လှမ်းပေးတဲ့ ပိုက်ဆံကို လှမ်းယူလို့ ထွက်သွား ပါတော့တယ်။ ဒီနောက်ပိုင်းတော့ ကျွန်မ အတွက် ဘွားဘွားတို့မြို့က ဇာတ်လိုက်ကျော် ဖိုးထူးနဲ့ ရင်းနှီးသွားပါပြီ။ ဒီမြို့က လူတွေ အားလုံးဟာ ဖိုးထူးနဲ့ တွေ့တိုင်း “ဖိုးထူး နိပ်လား ဟေ့”ဆိုတာ သူတို့ရဲ့ ပဋိ သန္ဓာရ စကားဆိုတာ ကျွန်မ ကောင်းကောင်း သဘော ပေါက်သွားပါပြီ။ တစ်ခါတလေ ကျွန်မတို့ မောင်နှမ တွေ ကျောင်းသွား၊ ကျောင်းပြန် စက်ဘီးပေါ်ကနေ ဖိုးထူးကို “နိပ်လားဟေ့” လို့တောင် ပျော်ပျော်ပါးပါး နှုတ်ဆက်ရဲတဲ့ အထိ ရဲတင်း လာခဲ့ပါတယ်။ ဖိုးထူး အကြောင်းကို ဘွားဘွားအားတဲ့ အချိန်အခါမှာ ကျွန်မ စိတ်လိုလက်ရ စပ်စုဖူးပါတယ်။ ကျွန်မတို့ မောင်နှမတွေ ရောက်လာမှပဲ စည်စည်ကားကား ဖြစ်သွားတဲ့ ဘွားဘွားက သူ့အနားမှာ ဒီလို ကယုကယင်နဲ့ လာထိုင် စကား ပြောတတ်တဲ့ မြေးမလေးကို ကျေကျေနပ်နပ်နဲ့ပဲ ပြောင်းဖူးဖက် ဆေးလိပ်ကြီး တဖွာဖွာ လုပ်ပြီး ပြောပြခဲ့တာက ဒီလိုပါ။

ဖိုးထူးဟာ အရင်ထဲက ဒီမြို့သားဖြစ်ပြီး ပန်းထိမ် အလုပ်သမား တစ်ယောက် ပါတဲ့လေ။ မိဘ ဆွေမျိုးသားချင်းတွေတော့ မရှိရှာတော့ဘူးလို့ ဆိုပါတယ်။ ဒီလို ဖိုးထူးနဲ့ ဖူးစာဆုံဖို့ ဖြစ်လာတာက တစ်ဖက်ကမ်းကနေ ဆရာမ လာလုပ်တဲ့ မမြလေး ဆိုတဲ့ မူလတန်းပြ ဆရာ မလေးဆိုပဲ။ ဖိုးထူးနဲ့ ဆရာ မလေးက ဟုတ်နေကြရင်း ဆရာမလေးက တက်လမ်း ရှာချင်တော့ တခြားမြို့ တစ်မြို့ကို အဖော်ကောင်းလို့ စီးပွားရှာဖို့ လိုက်သွားသတဲ့။ အဲ့ဒီမြို့မှာပဲ အချစ်သစ် တွေ့ပြီး အိမ်ရာ ထူထောင်လို့ အဆင်ပြေသွားတယ်လို့ ဆိုပါ တယ်။ စီးပွားအတူ သွားရှာတဲ့ အဖွဲ့တွေကတော့ မြို့ကို ပြန်ရောက်လာတဲ့ အခါ ဖိုးထူးကို အဖြစ်မှန် ပြောပြနေရင် စိတ်မကောင်းမှာ စိုးတဲ့ အတွက် သူ့ချစ်သူ ဆရာမလေး ရောဂါ တစ်ခုနဲ့ သေသွားပြီ။ သေခါ နီးမှာ ဖိုးထူးကို နောက်ဘ၀မှာ ပြန်လာတွေ့ဖြစ်အောင် တွေ့မယ်လို့ ပြောသွားတယ် ဆိုပြီး လုပ်ဇာတ် ဆင်ကြသတဲ့။ ပြောတဲ့ သူတွေက သူတို့ ဥာဏ်လေးတွေ တစ်ထွာတစ်မိုက်နဲ့ သက်သာလို သက်သာငြား ပြောခဲ့ကြပေမယ့် ဖိုးထူး အတွက်တော့ ဆရာမလေးကို စွဲလမ်းစိတ်၊ သနားစိတ်နဲ့ နှလုံး ကွဲလေသတည်းပေါ့။

မိသားစုမရှိ၊ နှစ်သိမ့်မယ့်သူ မရှိတဲ့ တစ်ကိုယ်ရေသမား ဖိုးထူး အတွက် တစ်ပတ်ကိုး သီတင်း အိမ်တွင်းအောင်း ခံစားနေရပြီး လူတောထဲ ပြန် တိုးလာချိန်မှာ အပြုအမူ အပြောအဆိုတွေက ပုံမှန် မဟုတ်တော့ပါဘူးတဲ့လေ။ တွေ့တဲ့ လူတိုင်းကို “မမြလေး ငါ့ကိုလာတွေ့တယ်” ဆိုတာ မျိုးတွေ “မမြလေးက ငါ့ အတွက် ရွှေမန်ကျည်းသီးတောင့်တွေ လာပေးသွားတယ်” ဆိုတာမျိုးတွေဖြစ်ကုန်ရင်း သွေးလေချောက်ချားသထက် ချောက်ချားလို့ နောက်ဆုံး ဒီဘ၀ရောက်သွားပါတော့ သတဲ့။ ဇာတ်လမ်းအဆုံးမှာ ဘွားဘွားကတော့ မေမေ့လို “လူတွေ မကောင်းဘူး”လို့ မရေရွတ်ခဲ့ပါဘူး။ ဒါပေမယ့် ကျွန်မစိတ်ထဲမှာတော့“လူတွေ မကောင်းတာပဲ”လို့ မှတ်ချက် ပေးမိခဲ့ပြန်ပါတယ်။ တကယ် ဆို အမှန်တရားကိုသာ ပြော ပြခဲ့ရင် ယောက်ျားတစ် ယောက်အတွက် မခံချင်စိတ်၊ မာနစိတ်နဲ့ ဒီလို အဖြစ်ကို ရောက်ချင်မှတောင် ရောက်မှာလေ။ ဒါတွေဟာ ကျွန်မငယ် ဘ၀ရဲ့ အမှတ်တရ ဖြစ်ရပ်များပဲ ဖြစ်ပါတယ်။

အခု ကျွန်မအသက် သုံးဆယ် ရှိပါပြီ။ ဘွားဘွားလည်း ဆုံးပါးသွားတာ ကြာပြီ ဖြစ်သလို မေမေလည်း လွန်ခဲ့တဲ့ နှစ်က ကွယ်လွန် သွားခဲ့ပါတယ်။ ကျွန်မတို့ မောင်နှမတွေ အကုန်လုံးလည်း ကျွန်မက လွဲလို့ အားလုံး အိမ်ထောင်ရက်သားကျ ကုန်ကြပါပြီ။ ဖေဖေဟာလည်း အစိုးရ၀န်ထမ်း ဘ၀က အငြိမ်းစား ယူပြီး ပြင်ပ ကုမ္ပဏီတစ်ခု ထူထောင်ရင်း အရင့်အရင် အချိန်တွေကထက် အဆများစွာ တိုးတက်ကြီးပွား နေပါပြီ။ ကျွန်မက ဖေဖေ့ အနားမှာ အနီးကပ် ပြုစုစောင့် ရှောက်နေရတဲ့ သမီးတစ်ဦး အဖြစ် တာဝန် ယူရင်းပေါ့။ ဒါဟာလည်း စကား အဖြစ်သာ ပြောတာပါ။ ကျွန်မထက် ဖေဖေ့ကို အနီးကပ် ပြုစုနိုင်သူ တစ်ဦး ရှိနေတာမို့ ကျွန်မ ဖေဖေ့ ကိစ္စများမှာ သိပ်ဝင်ပါစရာ မလိုခဲ့ပါဘူး။

အဲ့ဒီ လူကတော့ ဖေဖေ့ရဲ့ အတွင်းရေးမှူးမလေး ဖြစ်ပြီး ကျွန်မနဲ့ သက်တူရွယ်တူ လောက်ပါပဲ။ အတွင်းရေးမှူး ဆိုတာ အလုပ် ကိစ္စတွေမှာ သာပါရတာလို့ ထင်ထားတဲ့ အတွေးဟာ ကျွန်မရဲ့ခေတ် နောက်ကျနေတဲ့ အတွေးများလား မသိပါဘူး။ ဖေဖေ့ရဲ့ အတွင်းရေးမှူးမလေးကတော့ ဖေဖေ့ အလုပ် ကိစ္စများ သာမက စားရေးသောက်ရေး၊ အ၀တ်အစား၊ ကျန်းမာရေး စသဖြင့် ထောင့်စေ့အောင်ပါ တတ်ပါတယ်။ ဒါကို ဖေဖေကလည်း ကြည်ကြည်ဖြူဖြူ ကျေကျေနပ်နပ်ပါ။ ကျွန်မသာ အတွင်းရေးမှူး လုပ်ခဲ့မယ် ဆိုရင် ဒီလို ကိစ္စမျိုးတွေကို ၀င်လုပ်ပေးဖြစ်မယ် မထင်ပါဘူး။ ခိုင်းလာခဲ့ရင်လည်း စိတ်ဆိုးမိမယ် ထင်ပါတယ်။ အင်း ဒါကြောင့်လည်း နာမည်ကျော် ပုဂ္ဂိုလ် တစ်ယောက်ရဲ့ အတွင်းရေးမှူး မဖြစ်ခဲ့တာ နေမှာပါပဲ။ ထားပါတော့လေ။ ကျွန်မလည်း အရွယ်ရောက်တဲ့ အပြင် အရွယ်တောင်ကျော် လာပြီဆိုတော့ တချို့ ကိစ္စတွေမှာ မသိသလို နေပေးဖို့ အလိုက် သိသိပါပဲ။

ဒီနေ့ကတော့ ဖေဖေ့ရဲ့ ခမ်းနား ကြီးကျယ်စွာ ကျင်းပတဲ့ မွေးနေ့ မင်္ဂလာပွဲကြီးပေါ့။ ကျွန်မတို့ မောင်နှမတွေ အား လုံးလည်း ပွဲတက်သားသမီး များအဖြစ် ပွဲခင်းထဲမှာ ရှိနေကြပါတယ်။ ကျင်းပတာကလည်း စရိတ်စက အကြီးဆုံး နာမည်ကြီး ဟိုတယ်၊ ဖိတ် ထားတာကလည်း နာမည် ကြီး စီးပွားရေးလုပ်ငန်းရှင် ကြီးတွေပါပဲ။ ဖေဖေ ကိုယ်တိုင်ကလည်း အသက်အရွယ်နဲ့ မမျှအောင် နုပျို လန်းဆန်းမှုတွေ အပြည့်နဲ့ ပျော်စရာကြီး ပါ။ အခမ်းအနား စစချင်းမှာ ပဲ ဖေဖေ့မိတ်ဆွေတွေ တစ်ဦး ပြီးတစ်ဦး စင်ပေါ်ကိုရောက် လာပြီး မွေးနေ့ဆုတောင်း စကား ခြွေကြပါတယ်။ တစ် ဦးမက ပြောနေကြတဲ့ စကား တွေဟာ ထပ်သထက်ထပ် လာချိန်မှာ ကျွန်မနားထဲကို ဒီစကား တစ်ခွန်းဟာ မြားတစ်စင်းလို လာလာစိုက်ပါ တော့တယ်။ ဟုတ်တယ်။ သူတို့ အားလုံးဟာ ဖေဖေ့ အတွက် ရည်ရွယ်ပြီး ပြောနေကြတဲ့ စကားတစ်ခွန်း။ ဒါဟာ ဘာသဘောနဲ့ ပြောနေကြတာလဲ။

တကယ်ဆို ကျွန်မ အဖေဟာ ဂုဏ်သရေရှိပြီး သား။ မိသားစု အသိုက်အ၀န်းနဲ့ ငြိမ်းချမ်းပြီးသားသူ တစ်ဦးလေ။ ဒီလို လူတစ်ယောက်ကို စိတ်တွေ ကတိမ်းကပါး ဖြစ်အောင် သူတို့ဘာလို့ ဒီလို ပြောနေကြရတာတဲ့လဲ။ “ကျွန်တော်တို့ရဲ့မိတ်ဆွေ လူပျိုကြီး”တဲ့လား။ ကျွန်မ ဖေဖေဟာ လူပျိုကြီးမှ မဟုတ်တာ။ ရယ်စရာ သဘောနဲ့ပဲ ဖြစ်ဖြစ်၊ ချစ်ခင်မှု ကျီစယ်တာ ပဲဖြစ်ဖြစ်၊ အနေအထားတွေကို ကြိုမြင်လို့ လမ်းခင်းပေး တာပဲဖြစ်ဖြစ်၊ ဒါတွေဟာ ပတ်ဝန်းကျင်ရဲ့ ပံ့ပိုးမှုကြောင့် မဟုတ်ဘဲ ကာယကံရှင် သူ့ ဘာသာသူ ဆုံးဖြတ်ရမယ့် ကိစ္စပဲ။ ဘာလို့များ အချွန်နဲ့ “မ” ချင်နေကြတာပါလိမ့်။ ကျွန်မ ဒီပွဲခင်းထဲ ဆက်နေ ချင်စိတ် မရှိတော့ဘူး။ စလင်းဘက် ကောက်ဆွဲပြီး ရုတ်ခနဲ ထထွက်လာတော့ မမက “ဟဲ့ ဘယ်လဲ” လို့ လှမ်းမေးတယ်။ မဖြေဖြစ် ဘူး။ ဖြေချင်စိတ်လည်း မရှိဘူး။ မေမေ့ကိုပဲ စိတ်ထဲက လှမ်းတိုင်တည်မိတယ်။ “မေမေ လူတွေ မကောင်းဘူး။ ဆိုးတယ်”

မီမိုး