ရာသီဥတုလေး သာသာယာယာ ရှိနေသည့်အတွက် ဝရန်တာဘက်ထွက်ခဲ့ကာ ပတ်ဝန်းကျင်အလှကို ရှုစားမိသည်။ ဝရန်တာမှာ မတ်တတ်ရပ်ကာ ကော်ဖီလေးမော့သောက်လိုက် လေနုအေးလေးခံလိုက်နှင့် ငြိမ်းချမ်းနေသောအသက်၏မြင်ကွင်းထဲကို ခုန်ပေါက်မြူးထူးနေသော သမီးလေး၏ ပုံရိပ် က ဝင်လာခဲ့သည်။ နှင်းဆီနှင့် ခုန်ပေါက်ဆော့ ကစားနေသော သမီး၏ပုံစံမှာ မြင်ရသူကိုပင် အပျော်တွေကူးစေ၏။ နှင်းဆီဆို၍လူဟု မထင်ပါနှင့်ဦး၊ သမီး၏ အချစ်ဆုံးခွေး တစ်ကောင်သာ ဖြစ်လေသည်။ သူ့အချစ်ဆုံး သူငယ်ချင်းလေးဖြစ်သော နှင်းဆီဆိုသည့် ကလေးမ နယ်ပြောင်းသွားချိန်မှစလို့ ဒီခွေးကို ကင်ပွန်းတပ်ဂုဏ်ပြုကာအဖော်လုပ်ပုံက နှင်းဆီတဲ့လေ၊ ဖြူမမှာ လောလောလတ်လတ်ကြီး နာမည်ပြောင်းခံလိုက်ရသမို့ နှင်းဆီဟုခေါ်ခါစ သူ့ကိုခေါ်သည်ဟုပင် မထင်၊နောက်တော့မှ သူလည်း ကျင့်သားရကာ သမီးက နှင်းဆီရေဆိုသည်နှင့် အမြီးကိုခါနေအောင် ပြေးလာတော့တာ ဖြစ် သည်။ ”ဟား ဟ..ဟား ဟ”သမီးရယ်သံက ဝရန်တာမှ အတိုင်းသား၊ သမီးအသံမှာ သူ့အဖေတင်စားသလိုဆိုလျှင်တော့ အက်ကွဲ Rock ပေါ့၊ ဇော်ဝင်းထွဋ်လေလား၊သျှီလေလားလို့ ပြောရမည့်ပုံ၊ အသက်အတွက်တော့ သမီးအသံကို အားမရ၊ သူ့အဖေကတော့ ”ဆန်းတာပေါ့” ဆိုကာ ရှာဖွေ ကြိုက်နေတော့သည်။ ဆော့နေရင်း ထွက်လာသောချွေးများကို ဘယ်ပြန်ညာပြန် သုတ်နေသောသမီးကိုကြည့်ကာ အသက် စချင်လာသည့်မို့ ဝရန် တာမှ ကိုယ်တစ်ပိုင်းထွက်ရင်း အော်ခေါ်မိတော့သည်။
”ကြယ်စင်လက်လက်စင်”
”ဟေး..ကြယ်စင်လက်လက်စင်”
ဒီလိုခေါ်လျှင် သမီးက နည်းနည်းမှ မကြိုက်တတ်ပေ၊ သူ့နာမည် ‘ကြယ်စင်ဝင်းလက်’ကို ဆော့လွန်းကဲလွန်းသမို့ ကြယ်စင်လက်လက်စင်ဟု ပြောင်း ခေါ်ပြီဆိုနှုတ်ခမ်းတစူစူ၊ အသက် နှစ်ခါလောက် ထပ်အော်ပေးလိုက်ချိန်မှာတော့ ဆံပင်တွေ ဝဲခါနေအောင် ဝရန်တာကိုမော့ကြည့် လာတော့သည်။ အသက်က စပ်ဖြဲဖြဲပြန်ကြည့်ပြလိုက်တော့ မျက်နှာဝိုင်းလေးတစ်ခုလုံး ပြဲနေအောင်ပြုံးကာ ‘ရှကီးသက်’ဟု ပြန်အော်လေတော့၏။ ကြည့်စမ်း၊ အသက်မှာသူဆက်မအော်ဖြစ်အောင် ရှူးဟုတိုးတိုးပုံ လုပ်ပြကာ အံကြိတ်ပြလိုက်တော့မှ ဇက်ကလေးပုပြကာ ပြန်ဆော့နေတော့သည်။ အထဲမှကြား နေရသော သူ့အဖေကတော့ ”ကောင်းတယ်၊သူများကို မဟုတ်တဲ့နာမည် ခေါ်ချင်ဦး”ဟု ဝမ်းသာအားရ သူ့သမီးဘက်က၊ အသက် စိတ်မဆိုးဖြစ်ဘဲ အသံထွက် အော်ရယ်မိတော့သည်။ သားအဖ နှစ်ဦးပေါင်းကာ အသက်ကို နာမည်ဖျက်ကြပုံက ‘ရှကီးသက်’ တဲ့လေ။ ဘောလုံးသီချင်းဖြစ်သည့် ရှကီးရားရဲ့ ဝါကာ ဝါကာ သီချင်းခွေ ဝယ်လာပြီး သားအဖတွေ ကြည့်မဝရှုမဝဖြစ်နေကြသည်အထိ အသက်မှာ ရှကီးရားကို မျက်စိမယဉ်သေး၊ နောက်တော့ သမီးက ပြုံးစိစိဖြင့်အတင်းလက်ဆွဲခေါ်ကာ လာကြည့်လာကြည့် လုပ်လွန်း၍သာ အသက်ကြည့်ဖူးသွားခြင်း ဖြစ်သည်။ အသက်ကြည့် ချင်အောင် ဆွဲဆောင်ပုံကလည်းကြည့်ဦးလေ။ ဒီအခွေထဲမှာ မေမေလည်းပါသည်ဆိုပဲ။ နောက်တော့ ရှကီးရားဘေးမှာ ခုန်ပေါက်ကနေသော ကပ္ပလီ မမည်းမည်းကြီးကို မေမေဟုဆိုကာ သားအဖတွေ စိတ်တူကိုယ်တူနာမည် ပေးလိုက်ပုံက ရှကီးသက်ဆိုပဲ။ အသက်စိတ်ဆိုးမှန်းသိတော့ သူ့အဖေက ပိုစချင်သည်။ သမီးကလည်း ရှကီးသက်ဆိုတာ ပါးစပ်ဖျားကမချ။ အထူးသဖြင့် သူ့ကို ကြယ်စင်လက်လက်စင်လို့ ခေါ်လျှင် အသက်ကို ရှကီးသက်ဟု ချက်ချင်း တုံ့ပြန်တတ်လေသည်။ သမီးမှာ ကိုယ်လက်မခံနိုင်လျှင် ချက်ချင်းတုံ့ပြန်တတ်သည့်ဥဉ်ကို အသက် သိပ်သဘောကျသည်။ အသက်ငယ် ငယ်ကနှင့် သိပ်တူလှပေါ့။ မှတ်မှတ်ရရ အသက်ငယ်ဘဝ အခုသမီးအရွယ်တုန်းက ဖြစ်ရပ်လေးဆို မှတ်မှတ်ရရရှိလွန်းလှ၏။ အသက်တို့ အတန်းထဲမှာ ထက်ထက်မြင့်ဆိုသော ဗိုလ်ကျအနိုင်ကျင့်တတ်သည့် သူငယ်ချင်းမတစ်ဦးရှိလေသည်။ နာမည်အတိုင်း အရပ်ကထွားထွား လူက လန်ဘားဆိုတော့လည်း မိန်းကလေးများသာမက ယောက်ျားလေးများပင် သူအနိုင်ကျင့်ဗိုလ်ကျတာကို ခံရတတ်၏။ အသက်ကတော့ သူ့အမူအကျင့် ကို မကြိုက်ကာ သူနှင့် ခပ်ကင်းကင်းမို့ပြဿနာတော့ မရှိခဲ့ပေ။ တစ်နေ့မှာတော့ ထမင်းစားချိန်မှာ ထမင်းဘူးလေးဖွင့်ကာ အသက် ထမင်းစားနေချိန် သူရှေ့တည့်တည့်ကို လာရပ်လေသည်။ပြီးတော့ ပြောလိုက်ပုံက ‘ဝက်ပုပ်ဘာတွေစားနေလဲ’တဲ့လေ။ တကယ်ဆို အသက်က သူနာမည်ဆိုးတတ်ရ အောင် ဝနေသည်လည်းမဟုတ်၊ တစ်ခါမှလည်း ထိုနာမ်စားမျိုး အခေါ်မခံခဲ့ဖူးသမို့ စိတ်ထဲထောင်းခနဲဖြစ်ကာ ချက်ချင်းလိုပင် ”ထမင်းစားနေတာ မမြင်ဘူးလား မျောက်မလန်ဘားရဲ့” ဟုပယ်ပယ်နယ်နယ်ကို ပြန်ခွပ်ထည့်လိုက်တော့သည်။ သူ့မျက်နှာမည်းခနဲဖြစ်ကာ အံ့အားကြီးသင့်နေသလို ဘေးနားက ထောမနာပြုကြတဲ့ ရယ်သံတွေလည်း ကြားလိုက်ရသမို့ အသက် ကျေနပ်အားရလိုက်သည်မှာ မပြောပါနှင့်တော့၊ ထိုအချိန်တည်းက ထက်ထက်မြင့်ဟာ သူများကိုသာနိုင်စားချင်နိုင်စားမည်။ အသက်ကိုတော့ ဝေါင်ဝေါင်ရှေး၊ ဝေးဝေးရှောင် ဆိုထဲကပင်၊ အခု အသက်ရဲ့ သမီးဟာလည်းအသက်ရဲ့ ဗီဇသွေး အပြည့်နှင့်ဟု ဆိုရမည်ပေါ့။ ‘
‘မရွှေသက် ဒီမှာ လာကြည့်စမ်း”
”ဘာလဲ”
”ဘာလဲ နောက်မှထား လူအရင်လာ” အသက်နှင့် အိမ်ဦးနတ်ကတော့ ဒီလိုပင် ဦးသူဟောက်စတမ်းပင်၊ သူ့အသံကတစ်ခုခုကို စိတ်ဝင်တစားရှိနေသံမို့ အသက်နာခံစွာပင် အိမ်ထဲပြန်ဝင်လာမိတော့သည်။ သူ့အနားမှာတော့ သမီးကျောပိုးအိတ်နှင့် ကျောင်းစာအုပ်တွေက ပြန့်ကျဲလို့ရယ်၊ဒါ ဘာမှတော့ မဆန်းပါ။ သမီးပညာရေးကို အသက်ထက် သူကပိုပြီး စိတ်ဝင်စားလေသည်။ စာသင်ချိန်ဆိုလည်း သားအဖနှစ်ဦး ငြင်းခုံသံက ကျွက်ကျွက် ညံလို့ရယ်။
”လာကြည့် မရွှေသက် ဒီမှာ ကြည့်စမ်း”
လူကို အတင်းဆွဲထိုင်ခိုင်းကာ အသက်လက်ထဲကို စာအုပ်လေးတစ်အုပ်ထည့်ပေးသည်မို့ ကြည့်ဖြစ်သည်။ မြင်လိုက်တာနှင့် သမီး ကျောင်းစာအုပ် မဟုတ်မှန်း အသက် သိပါသည်။ ကျောင်းသုံးစာအုပ်မဟုတ်သော စာအုပ်လှလှလေးဟာ သမီးတို့ကျောင်းပေါက်ဝမှာ ရောင်းနေသောပစ္စည်းများ ထဲက ကလေးတွေ အော်တိုစာအုပ်အဖြစ် သုံးကြဝယ်ကြသော စာအုပ်လေး။
”အထဲကို လှန်ကြည့်လိုက်”
သူ့အသံက ခပ်လောလောမို့ ဘာအရေးကြီးနေလဲ မျက်စောင်းခဲကာ အထဲကိုလှန် ကြည့်ဖြစ်သည်။ မျဉ်းကြောင်းမပါသော စာအုပ်လေးမှာ ရေးထား သော လက်ရေးလေးတွေက အတန်းလိုက်လေးတွေ ယိုင်ထိုးနေတာမို့ ပြုံးချင်ချင်ဖြစ်ရင်း စာပါအကြောင်း အရာတွေကို ဖတ်မိချိန် အသက် ဟယ်ခနဲ ဖြစ်သွားရတော့၏။ စာပိုဒ်မစခင်မှာကပ်ခွာ စတစ်ကာအရုပ်တွေကိုကပ်ကာ အဲ့ဒီစတစ်ကာအရုပ်တွေကို ဇာတ်ကြောင်းဖော် ရေးဖွဲ့ထားသော အရေး အသားများ၊ အလိုလို.. ခင်ရွှေသက် သမီးအရွယ်က ဒါမျိုးမရေးတတ်ခဲ့ပါလား။ ကလေးအတွေး ကလေးအရေးမို့ လိုအပ်တာတွေ အများကြီးရှိ သော်လည်း ဖတ်ရတာအတော့်ကို အဆင်ပြေလှသည်။
”မင်း အံ့သြသွားပြီမလား။ ငတိမလေးက တကယ်ရေးတတ်တယ်နော်”
”ဟုတ်ပဟယ်၊ တော်လိုက်တဲ့ ငါတို့ငတိ”
အသက်တို့ နှစ်ဦးလုံးအသံက ကြည်နူးပီတိတွေနှင့် အာလုပ်သံကြီးတွေ ဖြစ်နေတော့သည်။ သူ့အဖေကတော့ သူ့သမီး ဒီအရွယ်လေးနှင့် ရေးတတ် တာကို ဂုဏ်ယူဝမ်းသာခြင်း ဖြစ်နိုင်ပါသည်။ အသက်ကတော့ အသက်ခြေရာနင်းမည့် သမီးလေလားဆိုသည့် ပီတိဇောကပိုများတာ ကိုယ့်ဟာကိုယ် အသိဆုံး၊ ခုပုံအတိုင်းဆိုရင်ဖြင့် ခြေရာက နင်းရုံမက ကျော်လို့တောင်သွားဦးမည့်ပုံ၊ အသက်ငယ်စဉ်က ဒါမျိုးတွေ ရေးမှမရေးတတ်ခဲ့သည်ဟာပဲ၊ အသက်ဆယ်တန်းအထိ စာစီစာကုံးကို သူများရေးထားတာ ကျက်ဖြေခဲ့တာပါဟု ဆိုချိန် ခင်ရာမင်ရာတွေက ဘယ်လိုစာရေးဆရာမလဲဆိုသည့်ပုံနှင့် ကြည့်ကြသည်။ ဘယ်တတ်နိုင်မည်လဲ၊ ဒါဟာ ဖြစ်ရပ်မှန် တစ်ခုပဲဖြစ်သည်။ တစ်ခုတော့ရှိသည်။ အသက်က ငယ်ငယ်ကရေးအားသာ မကောင်း ခဲ့တာ၊ တွေးအားကတော့ ကောင်းမှကောင်း၊ အိပ်ရာထဲရောက်ပြီ။ ခြင်ထောင်ထဲဝင်ပြီဆိုသည်နှင့် ဒီနေ့အဖို့ ဇာတ်လမ်းပမာ စလေပြီ။ အသက် ဇာတ်လမ်းထဲမှ ဇာတ်ရုပ်များမှာ သူ့ နေရာနှင့်သူ အံဝင်တကျ၊ လွမ်းစရာဇာတ်များ္ဖဆင်မိပြီဆိုပါက ဇာတ်ကောင်တွေအတိုင်း လိုက်ငိုရသည်မှာ ခေါင်း အုံးကြီးတောင် ရွှဲပါသည်ဟု ဆိုလျှင် ဘယ်သူယုံမည်တဲ့လဲ၊ တစ်ခါတစ်ရံများဆိုလျှင် ငိုရလွန်း၍ နှာခေါင်းတွေပိတ်ကာ အိမ်သာထဲ အပေါ့သွားချင် ယောင်ဆောင်ပြီး နှာညှစ်ယူရသေး၏။ တော်သေးသည်မှာ ကိုယ်ကလည်း ကိုယ့်ဟာကိုယ် မရူးမှန်းသိနေ၍၊ ဘေးက မိသားစုကလည်း အသက် စိတ် ကူးယဉ်နေတာကို မသိခဲ့ကြ၍သာ၊ နို့မို့များဆို စိတ္တဇဆေးရုံတောင် ရောက်သွားနိုင်လေသည်။ တက္ကသိုလ်ရောက်တော့လည်း ဒီပုံစံ ဒီအချိုးပင်၊ ပရယ်တီကယ်လုပ်ရမည့်နေ့ဆို နေ့စဉ်နဲ့အမျှ ပျားတုပ်တော့သည်။ ဆရာမတွေက ဒီနေ့လုပ်ရမည့် အကြောင်းအရာတွေကို စရှင်းပြီဆို ကိုယ့်ကို တွေး ခွင့်ပေးလိုက်သည့်ပမာ ဟိုတွေး ဒီတွေး၊ ဆရာမများမှ ကဲ စလုပ်ဟုဆိုသည်နှင့် အသက်မှာ ဘာကဘယ်လို စကိုင်ရမှန်းကို မသိတော့၊ နောက်ထပ် မိသားစုကြားမှာ အသက်ကို သြချစရာဖြစ်ကြသေးတာရှိ၏။ ရန်ကုန် ထောက်ကြံ့အကွာအဝေးကို ကြာလွန်းဝေးလွန်း၍ဟုဆိုကာ မိသားစုဝင်များ တညည်းညည်း တညူညူ ရှိနေကြချိန် အသက်က ထိုခရီးကို တစ်တွေးစာပဲရှိတယ်ဟု ဆိုခဲ့ဖူးသည်။ ကားစထွက်ကတည်းက အသက် တွေးလိုက် သည်မှာ ရောက်ပြီဆိုသည်နှင့် အတွေးအဆုံးသတ်က ကွက်တိပဲမို့ တစ်တွေး စာခရီးဟုဆိုတာ အသက်အလွန်မှ မဟုတ်ခဲ့သည်ပဲ။
”ခြေသံကြားတယ်ကွ၊ တက်လာပြီ၊ ပြန်သိမ်းထားလိုက်မယ်၊ သူ့အရှိန်နဲ့သူ ဆက်ရေးပစေ”
သူ့ဟာသူပြော သူ့ဟာသူသိမ်းကာ သမီးအနားရောက်လာချိန် မှာတော့ သူ့အဖေကဟန်မပျက် သမီးကို ထွေးပွေ့ပြီးသားဖြစ်နေလေပြီ။ ထုံးစံအတိုင်း သမီးကိုတွေ့သည်နှင့် သူ့နှာခေါင်းထိပ်ဖြင့် ဖိကပ်ကာ မွှေးကြူနေကြမို့ အသက် အမေ့ကို သတိပင်ရသေးတော့၊ အသက်တို့ အမေရှိစဉ်ကဆို သမီး အဖေ သမီးကိုဒီလိုနမ်းလျှင် လုံးလုံးမကြိုက်၊ သမက်ကြားအောင်မပြောဘဲ ကွယ်ရာမှာအသက်ကို ကျိတ်ပြောတတ်သည်က ”နှုတ်သီးကြီးနဲ့ နမ်းတာ မကြိုက်ပါဘူးအေကလေးကို” ဟု ရေရွတ်တတ်လေသည်။ အသက်က ထိုစကားကို သူ့နားရောက်အောင် ပြန်ဖောက်တော့ သမီးတို့အဖေက သဘော ကျမဆုံး၊ ”မင်းတို့ မိသားစုက စကားအဆန်းတွေ သိပ်ပြောတတ်တာပဲ” ဟု တသောသော ပြောတတ်လေသည်။
”ဗိုက်ဆာတယ်မေ့ ထမင်းစားကြမယ်လေ၊ ဘာချက်လဲ”
”ကြက်သားလေ သမီးရဲ့ စားမလား ခူးလိုက်မယ်”
”အင် ကြက်သားကြီး၊ မစားချင်ဘူး၊ ထမင်းသုပ် သွားဝယ်စားမယ်”
”သဘောပဲလေ”
”မေ ကျေနပ်လို့လား”
”သဘောပဲလို့ ပြောတယ်လေ”
”မေ ကျေနပ်လားဆို”
”သဘောပဲ”
”အင် ကျေနပ်တယ်ပြောလေ”
”သဘောပဲ”
”မင်းတို့ဟာက မပြီးတော့ဘူး၊ ဖေကြီး ကျေနပ်တယ် သမီး၊ သွား သွား ဝယ်စား၊ ရော့
ပိုက်ဆံ၊ သွား”
ကိစ္စက ထိုတော့မှ ပြတ်လေသည်။ ဒီလိုပုံစံသည် အသက်တို့ သားအမိကြားမှာ မရိုးနိုင်သော ပြဿနာဖြစ်၏။ သမီးက သူ တစ်ခုခု လုပ်ချင်တိုင်း အသက် သဘောမတူလည်း သဘောတူပါတယ် ပြောယူရအောင် ရစ်တတ်လွန်းသည်။ အသက်ကလည်း အသေသာခံမည်၊ မပြောရေးချ မပြောဆို သည့်အထဲက၊ နောက်ဆုံးကြားလူက ဝင်ရှင်းမှပဲ ပြဿနာပြေလည် သွားတတ်လေသည်။သမီး ထမင်းသုပ်ဝယ်ရန် အပြေးထွက်သွားချိန်မှာတော့ ခင်ပွန်းမှ အမေတူသမီးဟု မေးငေါ့ရေရွတ်ကျန်လေ၏။ ဟုတ်ပ၊ သမီးသည် အသက်နှင့် ဘာကြောင့်များ ဒီလောက်တူညီနေရပါလိမ့်၊ ရုပ်ရည်က အဖေ့ရုပ်သွင် ဖြစ်နေသော်လည်း စိတ်ဓာတ်ကတော့ အဖေ့ဘက်မယိမ်းဘဲ အသက်နှင့်သာ လုံးလုံးကြီး လာတူနေတော့သည်။ စကားပြောလျှင် လည်း ဘေးလူ ရုတ်တရက်နားမလည်အောင် မြန်တတ်တာတွေ၊ အသက်အရွယ်နှင့်မမျှအောင် ဟိုဟာတတ်ချင် ဒီဟာတတ်ချင်နှင့် သိချင်တတ် ချင် တာ များလွန်းနေတာတွေ တူမှတူရယ်ပါ၊ အတူဆုံးကတော့ အမေ့ကို ခင်တွယ်လွန်းသည့် အပိုင်းများပဲဖြစ်သည်။ အသက်ဟာ အမေကို ခင်တွယ် လွန်းသူဖြစ်ပြီး သမီးဟာလည်း အသက်ကို ခင်တွယ်လွန်းအားကြီးလေသည်။ တကယ်ဆို အသက်တို့ မိဘနှစ်ပါးမှာ သူ့အဖေက သမီးကို ပိုအလို လိုက် အကြိုက်ဆောင်သူဖြစ်၏။ သို့သော်ငြား သမီးကတော့ တစ်ခုခုဆို အသက်ကိုသာ ပိုမိုတွယ်တာ ငဲ့ညှာတတ်လေသည်။ အသက်တို့ မောင်နှမ တွေ ကြားမှာလည်း ဟိုးငယ်စဉ် ပိစိကွေးဘဝထဲက အမေမဆုံးခင်အချိန်ထိ အသက်နှင့်အမေ၏ တွယ်တာမှုဟာ ပြောမဆုံးပေါင် တောသုံးထောင်၊ အသက် တစ်တန်းအရွယ် ကဖြစ်ရပ်လေးဆို မောင်နှမများ တသသပြောမဆုံး၊ ထိုစဉ်က အသက်ကျောင်းသွားလျှင် ထမင်းဘူးယူမသွား၊ တစ်ခါ တည်း ယူသွားလျှင်ရသော်ငြား အသက်က အိမ်နှင့်ကျောင်း နီးသည်ကို အကြောင်းပြကာ နေ့စဉ်လို အိမ်ပြန်စားသည်။ တကယ်တမ်း အိမ်ကို ထမင်း ပြန်စားရသည့်ရည်ရွယ်ချက်မှာ အမေ့ကို သီချင်းဆိုပြီး နေ့လယ်နေ့ခင်း တစ်ရေး သိပ်ရန်ဖြစ်သည်။ အသက်သီချင်းဆိုပြီး ကျောလေးပုတ်သိပ်လို့ အမေအိပ်ပျော်သွားသည့် မြင်ကွင်းကို အသက်အလွန်ကျေနပ်သည်။ အမေ အိပ်ပျော်ပြီဆို ခြေခံမကြားအောင် ခုတင်ပေါ်မှ ဖွဖွဆင်းကာ ကျောင်းကို ပြန်သွားတတ်မြဲ၊ အခုလိုအသက် အရွယ်ရလာချိန်မှာတော့ ကိုယ်သိပ်လို့ အမေအိပ်ပျော်သွားတယ်ဆိုတဲ့ အသက်ရဲ့ ကျေနပ်ပီတိစိတ်ထက် အမေက ကိုယ်ကျေနပ်ဖို့ အိပ်ပျော်ယောင်ဆောင် ပေးရတာဆိုတာကိုတော့ တွေးတတ်ခဲ့ပါပြီ၊ ဘာပဲဖြစ်ဖြစ် ဒီလိုအပြုအမူလေးတွေဟာ အသက်နဲ့ အမေ့ကြား မှာ ဘယ်တော့မှ မေ့ပျောက်မှာမဟုတ်သော ပုံရိပ်များဖြစ်ခဲ့ရ သည်။ ဒီလိုခံစားမှုမျိုးကို သမီးလေးအလှည့်မှာ အံ့သြစဖွယ် အသက် ပြန်လည်ကြုံတွေ့ နေရပြန်၏။ အမေ့ကို ကျောင်းတက်နေရင်းနဲ့ သတိရကာ မျက်ဝဲလာသည်ဟု သမီး ပြောလာခဲ့စဉ်က၊ အသက်က သူ့ကို အနီးကပ် ပြုစုစောင့်ရှောက် နေချိန်များဆို မျက်လုံးထောင့်မှာ မျက်ရည်ကြည်များဝဲအောင် သမီးခံယူနေသည် ကို သတိထားမိစဉ်က၊ အသက် ရုံးပြန်နောက်ကျတတ်သည့် နေ့များမှာ ပုတီးလေးတစ်ကုံးနှင့် ယောက်ယက်ခတ် ပုတီးစိပ်ကာ စိတ်ပူတတ်သော သမီးအကြောင်းကို ကြားခဲ့စဉ်က..အိုး ဖြစ်စဉ်တွေ များမှများ ရယ်ပါ။ တစ်ခုပဲရှိသည်။ အသက်က ကလေးဘဝတည်းက သိပ်မပျော်တတ်ခဲ့၊ အရွယ်နှင့်မလိုက်အောင် သိတတ်မှုတွေ၊ ဟိုလူ့အတွက်ပူ၊ ဒီလူ့ အတွက်ပူ၊ ဘာတွေ ဖြစ်မလဲတွေး၊ ဖြစ်လာမှာတွေကို တွေးကြောက်နှင့် အသက်ငယ်စဉ်က ထုံပေပေလေးသာဖြစ်သည်။ အခု သမီးလေးကတော့ ထာဝစဉ်ရွှင်လန်းခုန်ပေါက်လျက် သူမလေးအတွက် မြင်သမျှကြုံသမျှသည် ပျော်ရွှင်ကျေနပ်စရာ ဖြစ်လို့နေတော့သည်။ သမီးပျော်တတ်ပုံများ ရပ်နေ လျှင်တောင် ခုန်ဆွခုန်ဆွ လုပ်နေတတ်သည်မို့ သူမလေးရဲ့ စိတ်အစဉ် ဘယ်လောက် ပျော်ရွှင်မြူးထူးနေသည်ဆိုတာကို သရုပ်ပြနေသလိုပင်၊ တကယ်တော့ ကလေးငယ်တစ်ယောက် ပျော်ရွှင်မြူးထူးနေတဲ့ မြင်ကွင်းဟာ ဘယ်လောက်များ ကျေနပ်နှစ်သက်စရာ ကောင်းလိုက်သလဲ၊ ထိုက လေးဟာ အသက်ရဲ့ရင်သွေးလေးဖြစ် နေတာကိုက အသက်တို့မိဘနှစ်ပါးရဲ့ အောင်မြင်မှုပေပေါ့။ တကယ်ဆိုလျှင် သမီးလေး ဖေဖေရော အသက် ရော ငယ်စဉ်ဘဝမှာ ပျော်ရွှင် ကျေနပ်စရာ များများစားစား ရခဲ့ဖူးသူများ မဟုတ်ပေ။ သူ ကိုယ်ဝန်ရှိစကတည်းက ဖခင်ဆုံးပါးသွားပြီး မိခင်မုဆိုးမ ကြီး၏ ရှာဖွေရုန်းကန်မှုတွေနှင့် ကြီးပြင်းခဲ့ရသော သမီး လေးဖေဖေမှာ သူ့ဘဝလေးနှင့်သူ လိမ္မာသိတတ်စွာ ကြီးပြင်းခဲ့ရတာဖြစ်သည်။ အသက်ကရောတဲ့..၊ အသက်လည်း အဖေစုံအမေစုံဆိုသော်ငြား ဆုတောင်းမှားခဲ့ကြပုံရသော မိဘနှစ်ပါးကြားမှာ စိတ်ဒဏ်ရာများနှင့် မလူးသာ မလိမ့်သာ ကြီးပြင်းလာရတာပင်၊ ဖူးစာပါ၍ တွေ့ဆုံခဲ့ကြသော် အသက်တို့နှစ်ယောက်မှာ နှစ်ဦးဘဝရောက်မှသာ တစ်ဦး၏ ပျော်ရွှင်မှုအတွက် တစ်ဦး က မောင်နှမလို၊ သူငယ်ချင်းလို၊ လက်တွဲဖော်လို အလိုက်တသိ ဖြည့်ဆည်းပေးကြရင်း မိသားစုပျော်ရွှင်မှုအစစ်အမှန်ကို ကြုံတွေ့ခံစားဖူးကြတာ ဖြစ် သည်။ စကားနည်းသော သမီးလေး ဖေဖေမှာ အခုတော့လည်း စကားတွေ ဖောင်ဖွဲ့ပြောတတ်သော အရယ်အမော တသောသောနဲ့ ဘဝကို ကျေနပ် စွာ ပျော်ရွှင်နေတတ်သောသူတစ်ဦးဖြစ်ခဲ့ပြီ၊ အသက်လည်း သူနှင့်ထပ်တူထပ်မျှ ပြောင်းလဲမှုတွေနဲ့ လက်ရှိမိသားစုဘဝကို အင်မတန် ခင်တွယ်ကျေ နပ်နေတတ်ခဲ့ပြီရော။
”ငယ်ဘဝရဲ့ အစိတ်အပိုင်း တော်တော်များများမှာ စိတ်ဒဏ်ရာများနဲ့ ရုန်းကန်လှုပ်ရှားကြီးပြင်းခဲ့ရသူတွေရဲ့ ရှစ်ဆယ်ရာခိုင်နှုန်းဟာ သူတို့ ကြီးပြင်း လာတဲ့အခါ စာရေးဆရာများ ဖြစ်လာတတ်ကြတယ်”
ဒီစာသားလေးကို အသက် ဖတ်ဖူးခဲ့သည်မှာ စိတ်ပိုင်းဆိုင်ရာ တက်ကျမ်းစာအုပ်တစ်အုပ်မှာ ဖြစ်သည်။ ဖတ်ပြီးပြီးချင်း ဟယ်ဟု ရေရွတ်ကာ ပြုံးမိ သလို စိတ်ထဲလည်း မကောင်းသလိုဖြစ်သွားမိတာ အမှန်ပင်၊ တကယ်တမ်း ဒီကောက်ချက်သည် သေချာစစ်တမ်းလုပ်ပြီးမှ ထွက်လာတာ ဖြစ်နိုင် သလို၊ တစ်ဦးတစ်ယောက်၏ ထင်မြင်မှုလည်းဖြစ်နိုင်သည်။ ထားပါတော့၊ သို့သော် သို့သော် ငြားပေါ့လေ၊ ခင်ရွှေသက်ဆိုသည့် စာရေးဆရာမ၏ သမီး ကြယ်စင်ဝင်းလက်တို့ ခေတ်မှာတော့  ”ငယ်ဘဝကိုပျော်ရွှင်ကျေနပ်စွာ ဖြတ်သန်းခဲ့ရသော
“ကလေးများရဲ့ ရှစ်ဆယ်ရာခိုင်နှုန်းဟာ ကြီးပြင်းလာတဲ့အခါမှာ စာကောင်းပေမွန်များ ရေးသားတတ်သော စာရေးဆရာ အကျော်အမော်များ ဖြစ်လာတတ်ကြတယ်” ဆိုသည့် စစ်တမ်းတစ်ခုလောက်တော့ ထုတ်ဖော်ချင်မိ၏။ စစ်တမ်းပိုင်ရှင်ကတော့ ပုံ – စာရေးဆရာမ ခင်ရွှေသက်ပဲ ဖြစ်လိမ့် မည် ထင်ပါရဲ့။
မီမိုး
Yatimagazine
