ရထားတွဲကို လိုက်ပို့ပြီးလို့ ပစ္စည်းတွေ နေရာချပြီး ချိန်မှာတော့ သူ့ဆီက ခပ်ကျိတ်ကျိတ် ရေရွတ်သံ တစ်သံ ထွက်လာပါတယ်။ ဘယ်သူမှတော့ မကြားနိုင်ပါဘူး။ သူနဲ့ ကျွန်မပဲ ကြားသာရုံ တိုးတိုးလေးရယ်။ "ဘယ်လိုများ ထိုင်ခုံဝယ်တာလဲ မသိဘူး" တဲ့လေ။ ဟား ဟား ဟား ... ကျွန်မက သူ့ခံစားချက်ကို ရိပ်မိပြီး ထရယ်တော့ အသံကျယ်နဲ့ ရယ်ရမလား ဆိုတဲ့ ပုံနဲ့ မျက်မှောင်ကြုတ်ပြီး သူ ကျွန်မကို ကြည့်တယ်။ ခုနက စကားကို သူ မပြောလိုက် သလို ဟိုလုပ် ဒီလုပ် လုပ်နေပြန်တယ်။ ကျွန်မ သိတာပေါ့။ ကျွန်မကို သူ အူတိုနေပြီ။ ဒါမှ မဟုတ်လည်း အူတိုချင်ယောင် ဆောင်နေပြီ။ တကယ့်လူပဲ။ အိမ်က ထွက်ခါစက ကျွန်မ စိတ်တွေ ဒီလောက် မပေ့ါပါးသေးဘူး။ ကြီးတော် ရင်ခွင်ထဲမှာ ဘာမသိ ညာမသိ တာ့တာပြ ကျန်ရစ်တဲ့ သားလေးကို ကြည့်ပြီး ခရီး မထွက်ခင် ကတည်းက အိမ်ပြန်ချင်နေပြီ။ ဘူတာရုံ ရောက်တော့မှပဲ ကိုယ့်အဖွဲ့တွေ တစ်အုံ တစ်မကြီးကို မြင်ပြီး သူတို့တွေနဲ့ အတူ လိုက်ယောက်ယက် ခတ်ရင်း စိတ်တွေ အလိုလို မြူးပျံလာခဲ့တာ။ ကျွန်မရဲ့ သက်ဆိုင်သူကတော့ အနားကပ်ကာ ရိမဆုံး။ "တော်တော် ပျော်နေတယ်ပေါ့လေ" ဆိုတာက တစ်မျိုး၊ "သူ့ အသံကြီးပဲ၊ ပါးစပ် ခဏ ပိတ်ထားဦး" ဆိုတာက တစ်ဖုံ၊ သိသိသာသာကြီးကိ မနာလို ဖြစ်နေတော့တာပဲ။ ဖြစ်ချင်တော့ လက်မှတ် ၀ယ်တဲ့သူက ဘယ်လို ၀ယ်လိုက်တယ် မသိ၊ ကျွန်မ တစ်ယောက်တည်းက ကျန်တဲ့ မိန်းကလေးး အဖွဲ့နဲ့ မတူဘဲ ထီးထီးကြီး ယောက်ျားလေးတွေ တွဲကို ရောက်နေခဲ့တော့တာပင်။ ဘာပဲ ဖြစ်ဖြစ် ကျွန်မ အတွက်တော့ အဆင်ပြေပါတယ်။ ကျွန်မ အထင်တော့ အထက်တန်း တွဲချင်း အတူတူတောင် ကျွန်မတို့ တွဲက ပိုသန့်နေသလားလို့။ တွဲကူးကာ ကျွန်မတွဲကို လာကြည့်ကြတဲ့ ကလေးများ အားလုံးကလည်း "မကြီးသူ" တို့တွဲက ပိုသန့်တယ်တဲ့လေ။ ဟော... ရထားဥသြသံ၊ ရထား မထွက်ခင် အထိ ရထား ပြတင်းပေါက် ဘောင်ပေါ် လက်တင်ကာ မှာမဆုံး ဖြစ်နေသော သူ့ကို ကြည့်ကာ ကျွန်မ ရယ်ချင်လာခဲ့ပြီ။ မျက်နှာလည်း နည်းနည်းတော့ ပူသား။ တွဲထဲမှာက ကိုယ့်ထက် ငယ်သော ကလေးတွေချည်း။ သူတို့ အမြင်မှာ ကဲလှချည့် ဖြစ်နေရင် မကောင်းဘူးလေ။ ရထားကြီး တရိပ်ရိပ် မောင်းခဲ့သလို နောက်မှ ရန်ကုန် ပုံရိပ်များလည်း ၀ါးလို့ ကျန်ခဲ့ပြီ။ တကယ်ဆို ကျွန်မ ခရီး မထွက်ဖြစ်တာ အတော့်ကို ကြာခဲ့လေပြီရော။ အတန်ငယ် ကြာမည့် ဒီခရီးမှာ ကျွန်မ နေသားတကျ ပျော်ပါ့မလား။ ကျန်ခဲ့သူများကို လွမ်းနေမလား။ ဘာပဲဖြစ်ဖြစ် အသစ်အဆန်း ခံစားမှု ကိုတော့ ကျွန်မ တကယ်ပဲ စိတ်ဝင်စားပါတယ်။
ရထားထွက်ပြီး မကြာ ခင်မှာဘဲ လက်မှတ်စစ်တွေ တွဲပေါ် ရောက်လာပါတယ်။ ကျွန်မ ဘေးက ချာတိတ် နှစ်ကောင် ပျာယာ ခတ်ကုန်ကြလေရဲ့။ ဘာဖြစ်လို့လဲ မေးလိုက်တော့ မှတ်ပုံတင်မပါဘူး တဲ့လေ။ ခရီးထွက်တာ မှတ်ပုံတင် ယူရမှာပေါ့။ ဒါလေးတောင် မသိဘူးလားလို့ ကျွန်မက မေးတော့ မျက်နှာ လေးတွေက ဆီးရွက်လောက် နဲ့။ ကိစ္စ၀ိစ္စတွေ ပြီးတော့ "အန်တီသူ သူတို့ ကျွန်တော်တို့ လက်မှတ်တွေ သိမ်းသွားပြီ" ဆိုကာ ကျွန်မကို အားကိုး တကြီး ပြောလာချိန် လူကောင်ကြီး ထွားသလောက် စိတ်အားငယ် တတ်ပုံရသော ထိုကလေးကို ကြည့်ကာ ကျွန်မ ရယ်ချင်စိတ်တွေ တလိပ်လိပ်။ တကယ်တော့ ကျွန်မတို့ အဖွဲ့မှာ ကျွန်မရဲ့ အသက်အရွယ်က ပါလာသော ကလေးများနဲ့ စာလျှင် အမေလောက်လည်း အသက်မကြီး၊ အစ်မလောက်လည်း မက ဆိုသော စကောစက အရွယ်ပါ။ ဒါကြောင့်လည်း အားလုံးက စိတ်တူကိုယ်တူ မကြီးသူ ဟု ခေါ်ကြခြင်းပါ။ သို့သော်လည်း ဒီအဖွဲ့ထဲမှာ ငယ်စဉ်ကတည်းက ရင်းခဲ့လေသူ ကလေးမ တစ်ယောက်ကတော့ အန်တီသူ ခေါ်တာ နှုတ်ကျိုး နေတာမို့ ထိုကလေးကို အသည်းစွဲနေသူ ယခုကောင်လေးကလည်း ဓာတ်တူနံတူ အန်တီသူ လုပ်နေခြင်းပင်။ သူတို့ ဘယ်လိုပဲ ခေါ်ခေါ် ကိုယ်ကတော့ "ဟေ" လိုက်ဖို့ အဆင်သင့်ဖြစ်နေပြီး လုပ်ငန်း အရ သူတို့တွေနဲ့ တလုံးလုံး တထွေးထွေးပါ။
ရထားပြတင်းပေါက် ကနေ တစ်ဆင့် မြင်သမျှကို ကြည့်ရင်း ခံစားနေရင်းမှ လယ်ကွင်းများ၊ သစ်ပင်များ၊ ဒါ ဒါတွေချည်း ထပ်လာပြန်တော့ မျက်လုံးက အမြင် အာရုံထပ်လာမှုကို မခံစားချင်တော့။ အိပ်ငိုက်စ ပြုလာပြီ။ ဟိုဘက်ကတော့ ၀ိုင်းကောင်းစ ပြုနေ၏။ ရှေ့ဆင့် နောက်ဆင့် နှစ်ခုံတွဲများကို မျက်နှာချင်းဆိုင် ဖြစ်အောင် တွဲမှ တာဝန်ရှိသူက လာလှည့် ပေးထားကာ ခရီးဆောင် အိတ်များကို အလယ်မှာချ။ အချပ်လေးများ တင်လျက် ငြိမ့်နေကြပြီ။ ဟီးဟီး ဟား ဟားနှင့် အသံများ စည်နေ သည်မို့ ဘယ်လောက်ကြေး လဲဟေ့ ဟု စိတ်ဝင်တစား စပ်စုမိတော့ ၁၀ ကြေးတဲ့။ ဖြစ်မှ ဖြစ်ရလေ။ ၁၀ တည်း နှင့် ရေကုန်ရေခန်း ကစားနေကြမှုကို ကြည့်ကာ ဒါမှ အားကစား စိတ်ဓာတ်ဟုပဲ ကြွေးကြော်ရတော့မလို။ အိပ်ငိုက်နေတဲ့ ကြားထဲက နားထဲဝင်ဝင်လာသော သူတို့ ၀ိုင်းဆီက အချိုးမကျသော သံစဉ်တစ်ခုကို သတိထား မိခဲ့ပါတယ်။ ကလေးတွေက သူတို့ဝိုင်းထဲ စိတ်ရော ကိုယ်ပါ ၀င်အားပေးနေတဲ့ တွဲက ဘိုးတော်ကြီးကို ဘကြီး ဘကြီး ခေါ်ကာ လေးစားပြနေသလောက် ဘိုးတော်က အားကျမခံ သူတို့ကို ညီလေး ညီလေး ပြန်လုပ်နေခြင်းပင်။ ကိုယ်သာဆို သူက ဒီလောက် ညီလေး လုပ်နေရင် အားနာကာ ဘကြီးဆိုသော အခေါ်အဝေါ်ကို ပြင်လိုက်မိမှာပင်။ အခုတော့ သကောင့်သားလေးများက ကစားပွဲမှာ ဘယ်လောက် အာရုံ ၀င်စားနေကြတယ်မသိ။ အင်း...ဘကြီးနှင့် ညီလေးတို့ ကစားပွဲကတော့ ဟုတ်နေပြီ ဆိုကာ ကျွန်မ တပြုံးပြုံး။ ကိုယ်ကြုံဖူးသော အဖြစ် တစ်ခုကိုလည်း သတိရမိ ပါသေးသည်။ ကျွန်မ ကိစ္စ တစ်ခုနဲ့ အပြင်သွားခါနီး အစွမ်းကုန် အလှတွေပြင်ကာ လာခေါ်သော ကားကို ရပ်စောင့်နေစဉ် တစ်နေ့ကပေါ့။ လမ်းထိပ်က မျက်နှာသိ ဆိုက်ကား ဆရာကြီး တစ်ဦးက နှုတ်ဆက်လိုက်ပုံများ "မမသူ ပင်စင် မယူသေးဘူးလား။ အလုပ်လုပ်တုန်းပဲလား"တဲ့ လေ။ အမလေး ဒီတုန်းကများ ကျွန်မမှာ ပါးစပ်ကြီး အဟောင်းသားနဲ့ ဟန်ဆောင် ပန်ဆောင်လေးတောင် တုံ့ပြန်စကား မဆို လိုက်နိုင်။ အသက် သုံးဆယ့် ခုနစ်နှစ် ရှိတဲ့ မိန်းမတစ်ယောက်ကို ပင်စင်အရွယ်နဲ့ မှားတတ် ကြသေးရင် သူ့ ဘကြီးကမှ တော်ဦးမည် ထင်ပါရဲ့။ အတွေးနဲ့ တွဲပေါ်က တာဝန်ကျ ဘကြီးကို ကိုယ်ချင်းတွေ ဘာတွေ စာလို့ရယ်။
"ထမင်းဘူးတွေ ရမယ်၊ ထမင်းဘူးတွေ။ အသင့်စားရုံပဲ။ ကြက်သား၊ ငါး၊ ဘဲဥ။ ဘာနဲ့ စားစား ရှစ်ရာပဲနော်။ ဘူးကလေးနဲ့ စားမယ်၊ ပြီးရင် လွှင့်ပစ်လိုက်ရုံပဲ။ တန်တယ်နော်"
အံမယ်...တန်လှချည်လား။ ကျွန်မတို့ မျက်လုံးတွေ အကုန်လုံး အရောင်တွေ လက်ကုန်ပါတယ်။ ထမင်းစားချိန်နဲ့ ကွက်တိဖြစ်နေတာမို့ ဟိုက တစ်ဘူး၊ ဒီက တစ် ဘူးနဲ့ ထမင်းသည်ကြီး အတော်လေး ရောင်းလိုက်ရသားပင်။ တကယ် စားလိုက်ချိန်မှာတော့ ဗိုက်ဆာနေချိန် ရယ်၊ စားခါစရယ် အသံ ထွက်မလာသော်ငြား တစ်လုပ်၊ နှစ်လုပ် ၀င်ပြီး ချိန်မှာတော့ အချင်းချင်းကြည့်ကာ ခေါင်း တခါခါ ဖြစ်ကုန်ကြပါတယ်။ "ဟင်း ကို ဟင်းနဲ့ မတူအောင် ချက်နိုင်တာ တော်တယ်ကွာ။ ကြက်သားကို မျက်စိမှိတ် စားကြည့်စမ်း။ ဘာသားမှန်း မပြောနိုင်အောင်ကို ချက်ထားတာ။ မရင်းနှီးလို့နော်...ရင်း နှီးရင်..." တဗြဲဗြဲ ထအော်တဲ့ အသံကြီးက ဘယ်သူဝင်ထိန်းလိုက်လဲ မသိဘူး။ အဆုံးသတ်မှာ တော်တော်လေး တိုးသွားပါတယ်။ မတိုးလို့လည်း မရ။ ထမင်းသာရောင်း နေတယ်။ ကာယဗလမောင် တွေနဲ့ နင်လား ငါလား မှားရမယ့် ရင်အုပ်ကားကား၊ ပခုံးသား ထွားထွား ထမင်းသည်ကြီးက မသွားသေးဘဲ တွဲဝမှာ ဂြိုဟ်ကြည့် ရပ်ကြည့် နေတော့တာကိုး။
"ဘဲကင်တွေ ဘဲကင် တွေ ကြွပ်တယ်၊ ရွတယ်။ တစ်ကောင် နှစ်ထောင်တည်း နော်"
ဟော လာပြန်ပြီ။ ဒါလည်း အင်မတန် ဈေးတော်တာပါပဲ။ ရန်ကုန်မှာက ဘဲကင် တစ်စိတ်တောင် မတန်တဆ ဈေးပေးကာ ၀ယ်စားနေရတာလေ။ ဒီမှာ ကတစ်ကောင်လုံးမှ နှစ်ထောင် ထဲဟာ။ အရသာ မရှိဘူးဘဲ ထားဦး။ အိမ်ရောက်တော့မှ ပြုပြင်စားတန်သေးတာပါပဲ။ ခက်တာက အခုခရီးက အပြန်ခရီး မဟုတ်။ အင်း ဘဲကင်ရေ တန်ပေမယ့် နေနှင့်ဦးကွယ်။ ဒီလိုနဲ့ပဲ မနက် ကိုးနာရီက ရန်ကုန်ဘူတာကြီးက ထွက်လာတဲ့ ကျွန်မတို့ရဲ့ ရထားကြီးဟာ ခြောက် နာရီလောက် မောင်းခုတ်ပြီး ချိန်မှာတော့ လိုရာခရီးကို ချောမောစွာ ရောက်ခဲ့ပါတော့တယ်။ သြော် သထုံဆိုတာ ဒီမြို့ပဲလား။ တစ်ခါတစ်ခေါက် အလည် ရောက်ခဲ့ပြီပေါ့ မြို့သထုံရေ။
တိုက်ကြီးကလည်း ကြီးပါဘိ။ ခြံဝင်းကလည်း ကျယ်ပါဘိတော့။ ကျွန်မကတော့ ရောက်ရောက်ချင်းမှာကို ခြံဝင်းထဲရော ပတ်ဝန်းကျင်ကိုပါ အကုန်ပတ် လေ့ လာပြီးပြီ။ မြို့သစ်တို့ရဲ့ ထုံးစံ အတိုင်း ပတ်ဝန်းကျင်မှာ လူနေအိမ်ခြေကတော့ များလှတယ် မဟုတ်သေးပေ။ မျက်နှာချင်းဆိုင် အိမ်လေးကတော့ ရုံးစု၊ ရုံးစုနှင့် ရောက်လာကြသော ခြံနီးချင်း အဖွဲ့ကို ဘာတွေလဲ ဆိုကာ ကွက်ကြည့် ကွက်ကြည့်ရယ်ပါ။ ကျွန်မ ကတော့ ခြံထဲမှာ မီးခိုး တလူလူနှင့် ချက်ပြုတ်စား ကာ ကက်ဆက်ကို မနားတမ်း ဖွင့်ထားသော ထိုအိမ်ကလေးကို ပြန်ပြီး ကွက်ကြည့် ကွက်ကြည့်ပေါ့။ ဖွင့်ထားသည့် သီချင်းများကလည်း နားထောင်ရုံနှင့် ပျော့ ပြဲလွမ်းဆွေး ကြွေကျသွားနိုင်သော အခု ခေတ်စားနေသည့် မိုနို အဆိုတော် တစ်ဦး၏ အသံ။ ကျွန်မ အနေနဲ့တော့ ရန်ကုန်မှာ မမြင်တွေ့တာ ကြာပြီဖြစ်သော ကျယ်ဝန်း လွတ်လပ်မှု၊ အေးမြသန့်စင်သော လေထုတို့ကို ခံစားရင်း သဘောတွေ ကျလို့ရယ်။ တစ်ပတ် ပတ်လို့ဝပြီး တိုက်ထဲ ပြန်ဝင်ကာ ကျွန်မတို့ကို နေရာ ချပေးထားသော အခန်းထဲကို ၀င်ခဲ့ချိန်မှာတော့ အားလုံးက ကျွန်မကို တရှူးရှူး လုပ်ပြနေတာမို့ ကိုယ်လည်း ဘာမှန်း မသိ၊ ညာမှန်း မသိ ချွတ်နင်း လိုက်ရပါတယ်။ ဘာဖြစ်လို့လဲ ဆိုသော ပုံဖြင့် ကျွန်မက မေးဆတ်မေးတော့ တန်းစီ အိပ်နေသော ကလေးမ အားလုံးက အပေါ်ထပ်ဆီကို လက်ညှိုးတွေ ထိုးပြ ပြန်ပါတယ်။ ဘာလဲ။ ကျွန်မတို့ ရန်ကုန်မှာကတည်းက ကြားခဲ့တဲ့ ကလေးသရဲ ဆိုတာလား။ အား ကျွန်မလည်း ကြောက်တယ်နော်။ ၀ုန်းခနဲ သူတို့ကြားထဲ ဘယ်လို ခုန်တက် လိုက်မိမှန်းပင် မသိတော့။ ဒီကလေးသရဲ အကြောင်း ရန်ကုန်က မထွက်ခင်ကတည်းက ကြားပြီး တစိမ့်စိမ့် ကြောက်နေတာ။ အခု တကယ် တွေ့ရတော့မှာလား။ တကယ်တော့ ဒီခြံမှာ ကလေး သရဲရှိတယ်လို့ ဘယ်သူ စဖွခဲ့မှန်း မသိပေမယ့် တစ်ယောက်တစ်ခွန်း ချဲ့ကားတာနဲ့တင် မတွေ့ဖူး ခင်ကတည်းက အတော်ပီပြင် နေပြီ။ ကျွန်မ ကလေး ဆိုရင် အတန်းအစားမရွေး ချစ်တတ် ပေမယ့် ကလေးသူရဲတော့ မချစ်တတ်ဘူးလေကွယ်။ အသံ ညောင်ညက်ညက်နဲ့ပဲ "ကလေး သရဲလား"လို့ ဘေးက တစ်ယောက်ကို မေးလိုက်တော့ "မဟုတ်ပါဘူး မကြီးသူကလည်း၊ နဒီတို့ ခုနက အုပ်စုဖွဲ့ပြီး အတင်း တွေရော၊ သတင်းတွေရော ပေါက်ကရတွေ ပြောနေကြတာ။ တစ်ခန်းနဲ့ တစ်ခန်း မကြားရဘူး ထင်လို့လေ။ အဲ့ဒါ ခုနကမှ အပေါ်ထပ်က အီးပေါက်သံ ကြားလိုက်ရလို့။ အီးပေါက်သံတောင် ကြားရရင် နဒီတို့ ပြောတာတွေလည်း သူတို့ အကုန်ကြားပြီပေါ့။ သေချာအောင် သူတို့ အပေါ်ထပ်က အသံ ဆက်နားထောင် နေတာ။ ဘာသံမှလဲ မကြားရတော့ဘူး" တဲ့လေ။ ဆိုးတဲ့ ကလေးတွေပဲ။ အပေါ်ထပ်က ယောက်ျားလေး အုပ်စု အတွက်၊ အောက်ထပ်က မိန်းကလေးအုပ်စု အတွက် ခွဲခြား နေရာ ပေးထားတာမို့ ခုနက တရားခံဟာ ယောက်ျားလေးတွေထဲက တစ်ယောက်သောသူ ဖြစ်မှာပေါ့။ ကျွန်မ နောက်ပြောင်ချင်စိတ်ကို မထိန်းနိုင်တော့ဘူး။ "ဟေ့ ငါတို့ ခုနက ပြောတာတွေ ကြားသွားလားဟေ့။ မင်းတို့ အီးပေါက်သံ ငါတို့ကြားတယ်ကွ" ကျွန်မ အသံဖျက်ပြီး အော်လိုက်တော့ "၀ါး" ခနဲ ရယ်သံတွေ ထွက်လာပါတော့တယ်။ "မကြီးသူရေ သူတို့ ပြောတာတွေ ကျွန်တော်တို့ အိပ်နေရင်းနဲ့ အကုန် ကြားတယ်။ အီးတရားခံကတော့ ကိုရဲနိုင်ကြီး ဗျို့" အပေါ်ထပ်မှာ တ၀ါးဝါးနဲ့ အသံတွေ ဆူညံကုန်သလို ကလေးမတွေလည်း အဲ့ဒါ နင့်ကြောင့်၊ သူ့ကြောင့်၊ နင်ပြောတာ၊ သူပြောတာတွေ ဖြစ်ကုန်ပါတော့တယ်။
"ဒေါ်စိမ့်စိမ့်သူ ဖုန်း"
ဟော ကျွန်မရဲ့ ဖုန်း။ ဗေဒင် မေးစရာ မလိုသော သက်ဆိုင်သူထံမှ ဖုန်းပေါ့။ သူက အိမ်မှာ ရှိနေလျှင်သာ စကားကို လုံးစေ့ပတ်စေ့ မပြောတာ။ ခရီးထွက်လျှင် အိမ်ကို ဖုန်းအလွန် ဆက်သော သူ။ အခု သူမထွက်ဘဲ ကျွန်မ ထွက်လာချိန်မှာလည်း ဖုန်းပြောချင်နေပြီ ထင်ပါရဲ့။ သထုံဖုန်းကလည်း ဘယ်လိုတုံး။ ကျွန်မ အသံကို သူက ကောင်းကောင်း ကြားရပြီး သူ့ အသံကျတော့ ကျွန်မ ကောင်းကောင်း မကြားရပါ။ ဧည့်ခန်းထဲမှာလည်း တီဗွီအသား ကုန်ဖွင့်ကာ ရှုစားနေကြသူများ အများအပြားမို့ အင်း တစ်လုံး အဲတစ်လုံးနှင့်ပင် ဖုန်းချ လိုက်ရတော့တာပင်။ အဓိကက သားသား ကျန်းမာ၊ သူကျန်းမာတာ သိရင် ပြီးတာ ပါပဲ။
ခြံထဲမှာတော့ ကလေးတွေ အားလုံး ကစားနေကြပြီ။ ဘာမှ လုပ်စရာ မရှိသေးတဲ့ အတူတူ သူတို့ ကစားရာနား သွားကာ ခုံတစ်လုံး ချထိုင်ရင်း အားပေး ဖြစ်ပါတယ်။ ကစား နေကြပုံက ခွက်တွေ၊ ပလုံးတွေထပ်ကာ ဘောလုံးနဲ့ ပစ်ပေါက်ပြီး ပြန်စီ ပြန်ထပ်ရသော ကစားနည်း။ ကျွန်မတို့ ငယ်စဉ်ကလည်း ဒီလို ကစား ဖူးပါတယ်။ ကစားနည်း နာမည်တော့ မေ့နေတာမို့ မေးကြည့်တော့ ကင်းပူကစား နည်းတဲ့လေ။ သူတို့ ကစား နေကြတာက အသည်းယား စရာ၊ ပျော်စရာကြီးမို့ ကိုယ်လည်း မနေနိုင်၊ မထိုင်နိုင် ဘေးကနေ အော်ဟစ် အားပေး မိပါတော့တယ်။ အားလုံးရဲ့ အသက်အရွယ်က နှစ်ဆယ်၊ နှစ်ဆယ့်တစ် အလွန်ဆုံးတွေ။ နုပျိုခြင်းနဲ့ လှပခြင်းက အားလုံးဆီမှာ ကိုယ်စီကိုယ်ငှ။ အခုလို ကစားနေချိန်မှာ အားလုံးရဲ့ ပုံရိပ်များဟာ ဘာဟန်ဆောင်မှုမပါ။ ဘာအိုက် တင်မှမရှိ။ ပြိုင်ဆိုင်ခြင်းတွေ ကင်းလို့ ပီဘိ ကလေးတွေ အလား ကြည့်ကောင်းလွန်း နေပါတယ်။ ကျွန်မ အခန်းထဲ ပြန်ဝင်ကာ ကင်မရာ ယူပြီး သူတို့ရဲ့ လှုပ်ရှားမှုများကို မှတ်တမ်း တင်ထားလိုက်တော့တယ်။ တစ်ချိန် သူတို့ထဲက တစ်ယောက်ယောက် ဒါမှ မဟုတ်လည်း အားလုံးပေါ့။ အောင်မြင် ကျော်ကြားတဲ့ အနု ပညာရှင် လေးတွေများ ဖြစ်ခဲ့မယ်ဆို ဒီပုံဟာ သမိုင်းဝင် ဓာတ်ပုံတစ်ပုံ ဖြစ်နိုင်တာပဲ မဟုတ်လား။ ဒီချိန်မှာပဲ ဆိုင်ကယ်သံ တဖုန်းဖုန်းနဲ့ ရိုက် ကွင်းနေရာတွေ လိုက်ကြည့်တဲ့ ဒါရိုက်တာ ပြန်လာပါတယ်။ "မနက်ဖြန် ခြောက်နာရီမှာ အားလုံး ထမယ်။ ခုနစ်နာရီခွဲ ဆိုတာနဲ့ ရှုတင် တည်မယ်။ အားလုံး အဆင်သင့်ဖြစ်အောင် လုပ်ထားပါ" တဲ့။ ဆော့နေတဲ့ ကလေးတွေ အားလုံး ဒါရိုက်တာဆီကို လှမ်းကြည့်လာတယ်။ မျက်လုံးတွေမှာ မျှော်လင့်ချက် ကိုယ်စီနဲ့။ သြော်....ခုတော့လည်း သူတို့တွေ လူကြီး တစ်ယောက်လိုပါလား။
ဘယ်က ဘယ်လို သတင်းကြားကာ ရောက်လာကြတယ် မသိ။ လမ်းသွယ် တစ်ခုလုံးရော၊ ရိုက်မယ့် အိမ်ဝိုင်းဝန်းကျင်မှာရော လူတွေအပြည့်။ အထူးများပြား စွာ အားပေးနေတာကတော့ ကလေး ပရိသတ်ပါ။ ကလေးတွေမှ တကယ့် အရွယ်စုံ၊ ဆိုက်စုံ။ ကျွန်မကတော့ ထုံးစံအတိုင်း ဟိုးငေး၊ ဒီငေးနဲ့ သူများ စိတ်မ၀င် စားသော အရာတွေကိုမှ ကိုယ်က စိတ်ဝင်တစား လိုက်ကြည့် နေမိပါတော့တယ်။ ချစ်စရာ ငြိမ်းချမ်းလှတဲ့ အိမ်ကလေးကွယ်။ သို့သော်ငြား ကျွန်မ ရေးထားတဲ့ ဇာတ်လမ်းထဲက မုန့်ဟင်းခါးသည် ဇာတ်လိုက် ကောင်လေးရဲ့ဇာတ်ဝင်ခန်း အိမ်ဟာ ဒီလောက် သပ်ရပ်လှပစရာ လိုသလား။ ကျွန်မတော့ ပြဿနာ ရှာနေပြီ ထင်ပါရဲ့။ ဒီချိန်ကျမှ အငြင်းအခုံတွေ လုပ်နေဖို့လည်း မကောင်းတော့ဘူး ထင်ပါတယ်။ အလိုက်သိစွာနဲ့ပဲ ကျွန်မ နှုတ်ဆိတ် နေမိရင်း ခြေတံရှည်အိမ်ကြီးကို လှည့်ပတ် ကြည့်နေမိတော့တယ်။ ကျွန်မ ဟိုးငယ်ငယ်လေးကတည်းက အလွန်တရာ သဘော ကျတတ်တာ ဒီလို ရေနံချေး ၀နေတဲ့ ခြေတံရှည် အိမ်မည်း မည်းကြီးတွေပေါ့။ အိမ်ပေါ်တက် ကြည့်ပြန်တော့လည်း ကြမ်းတစ်ချောင်းချင်း ချွတ်သုတ်ထားသလား အောက်မေ့ရအောင် ပြောင်ရှင်း သပ်ရပ် နေပြန်ပါတယ်။ ဒီလို သပ်ရပ်မှုမျိုးကို အိမ်ရှင်မကောင်းတွေသာ ထိန်းသိမ်း နိုင်မှာလို့ တွေးမိပေမယ့်လည်း အိမ်ရှင် အမျိုးသမီးက နေ့စေ့၊ လစေ့ ကိုယ်ဝန်ကြီးနဲ့မို့ အင်း အိမ်ရှင်အမျိုးသား လက်စွမ်း ပြနေသည် ထင်ပါရဲ့ပေါ့လေ။ မြေသားတွေပဲ ရှိတဲ့ ခြံဝင်းထဲမှာ အမှိုက်သရိုက် ဆိုလို့ တစ်စက်မရှိ ပြောင်နေအောင် လှည်းထားပုံကလည်း အောချလောက်ပါရဲ့။ သားသားသာ ပါလာလို့ကတော့ ဒီကောင် ခြံဝင်းထဲ ဆော့ရတာ ပျော်လွန်းလို့ အိမ်ပေါ် တောင် မနည်းခေါ် ယူရမှာ သေချာပါတယ်။ ခြံကျယ်ကျယ်၊ သန့်ရှင်း သပ်ရပ်တဲ့ အိမ်ကလေး တစ်လုံး၊ မိသားစုလေး တစ်စု နေပျော်စရာ ကောင်းလိုက်တာနော်။ သူတို့တွေ ဘာများ လုပ်ကိုင်စား ကြပါလိမ့်။ ဒီနေရာလေးက သထုံမြို့ရဲ့ အစွန်ကျတဲ့ နေရာလေးပါ။ ဟင် အိမ်အောက်မှာ အ၀တ်စကြီးနဲ့ ဖုံးထားတာ ဆိုက်ကား တစ်စီးပါလား။ ဒီအိမ်နဲ့ ဒီဆိုက်ကား ဘယ်လို ပတ်သက်ပါလိမ့်။
"အစ်မ...အစ်မ ကြည့်ရတာ ကျွန်တော်တို့ အိမ်ကို အတော် စိတ်ဝင်စားနေတယ် ထင်တယ်"။ ဟောတော့ ကြည့်စမ်း၊ အားနာစရာ ကောင်းလိုက်တာ။ ကျွန်မ စပ်စုနေတာကို အိမ်ရှင် အမျိုးသား သိသွားပြီပဲ။ စကားရောဖောရော လုပ်ရင်းနဲ့ပဲ ကျွန်မနဲ့ အိမ်ရှင်အမျိုးသား အဖွဲ့ကျသွားပါတယ်။ ဒီတော့မှပဲ အမျိုးသမီးက ကျောင်းဆရာမ လုပ်တယ် ဆိုတာရော၊ သူက ၀န်ထမ်းဟောင်း ဆိုတာရော၊ အသက်ကြီးမှ အိမ်ထောင် ကျတာဆိုတာရော စုံလို့ပါပဲ။ အိမ်အောက်မှာ ရပ်ထားတဲ့ ဆိုက်ကားက အပျက်ကြီး ဖြစ်ပြီး လောလောဆယ် ဆိုက်ကား ဆယ်စီး ထောင်ထားကာ တစ်စီးကို အုံနာခ တစ်နေ့ ငါးရာ ရတယ်လို့ သိလိုက်ရ တော့ ကျွန်မ မနေနိုင်၊ မထိုင်နိုင်။ "ကောင်းလိုက်တာနော်၊ အေးအေးဆေးဆေးပဲ"လို့ အားပေး လိုက်မိပါသေးတယ်။ ကျွန်မ ရေရွတ်သံ အတွက် အားတက် သွားပုံရတဲ့ အမျိုးသားက ပြုံးပြုံးကြီးနဲ့ "ဒီမှာက နေလို့ကောင်းတယ် အစ်မ ရဲ့။ ဒီခြံဆို ကျွန်တော်တို့ ၀ယ်ခါစက ငါးထောင်ပဲ ပေးရတာ။ အခုတော့ အိမ်ရော၊ ခြံရောဆို ငါးဆယ်လောက် တန်နေပြီ"တဲ့ လေ။ အင်း လောကမှာ လူတွေ အားလုံးဟာ သူ့နေရာနဲ့သူ ပြဌာန်း ပြီးသား ပါလာတယ် ထင်ပါရဲ့။ ကျွန်မ လျှော့လျှော့ပေါ့ပေါ့နဲ့ ရထားတဲ့ တစ်ရာတန် တိုက်ခန်းကျဉ်းနဲ့ ဒီအိမ်ခြံကို အလိုက်ပေးစရာ မလို လဲကြမယ် ဆိုရင်တောင် ဘယ်သူ့ ဘယ်သူမှ နေနိုင်ကြမယ် မထင်ပါဘူး။ ကိုယ့်အလုပ် ကိုယ့်ဘ၀ အပ်စပ်ရာမှာသာ နေကြ ပျော်ကြရတာပဲ မဟုတ်လား။
ခြံထဲမှာတော့ ကျွန်မတို့ အဖွဲ့သားတွေ သဲကြီးမဲကြီး ကြိုးစားပမ်းစား ရိုက်နေကြပါတယ်။ ကျွန်မကတော့ လိုအပ်ရင် ဇာတ်ညွှန်းကို ရိုက်ကွင်း အနေအထား အရ ပြင်ပေးလိုက်၊ မော်နီတာ ရှေ့ထိုင်ကာ လိုအပ်တာလေးတွေ ကြည့်ပေးလိုက်နဲ့ တခြား လူတွေလိုတော့ အချိန်ပြည့် အလုပ်ရှုပ် မနေပါဘူး။ ဒီတော့လည်း အားတဲ့ ခဏ ကျွန်မရဲ့ အာရုံစူးစိုက်မှုက တစ်မျိုး ပြောင်းသွားပြန်ပါတယ်။ ဒီတစ်ခါ ကျွန်မရဲ့ အာရုံက ပရိသတ်ထဲက ကလေး တစ်ဦး။ သူ့ကို ကျွန်မ မနက်ခင်း ကတည်းက မြင်နေခဲ့တာ။ ကျောင်းဆင်းချိန်၊ ကျောင်းတက်ချိန်တွေ ပြောင်းသလို လာကြည့်တဲ့ ကလေးတွေ ပြောင်းသွားမယ်။ သူကတော့ တုတ်တုတ် မလှုပ်ပါဘူး။ မုန့်စားချိန်၊ ထမင်းစားချိန်တွေမှာ သက်ဆိုင်ရာ လူကြီးမိဘတွေ ကိုယ့်ကလေးကို ပြန်လာခေါ်သွား ကြသော်ငြား အဲဒီ့ကလေးက တော့ လာခေါ်သူ မရှိ။ သူကလည်း ထမင်းမစား၊ မုန့်မစား ဒီအတိုင်းပါပဲ။ ရုပ်ရည်လေးက သန့်သန့်ပြန့်ပြန့်လေး ပါ။ အ၀တ်အစားတွေက မသစ်ပေမယ့် ဟောင်းနွမ်း စုတ်ပြတ်နေတဲ့ အထဲလည်း မပါပါဘူး။ ဖြစ်ချင်တော့ ဒီနေ့မှ ကျွန်မတို့ ရှုတင် ထမင်းကား နောက်ကျနေတယ်။ ကျွန်မ ဗိုက်ဆာနေပြီ ဆိုတော့ အနားမှာ လာရောင်းတဲ့ အကြော်သည်ကို ခေါ်ပြီး ၀ယ်စားမိတယ်။ အနားမှာ အဲ့ ဒီကလေးကလည်း ကပ်ရပ်နေတော့ စားမလား မေးလိုက်မိတယ်။ သူလေးက ဟန်ဆောင် ပန်ဆောင်တောင် မငြင်းဘူး။ စားမယ် ဆိုပြီး ခေါင်းညိတ်နေလို့ သူနဲ့ ကျွန်မ အကြော်အတူ စားရင်း စကားတွေ ပြောဖြစ် ပြန်တာပေါ့။
"မင်းကွာ၊ တစ်နေကုန် လာကြည့်နေတာပဲ။ ကျောင်း မသွားဘူးလား"
"သားမှာ အဖေနဲ့ အမေမှ မရှိတာ၊ သားကျောင်းတက် စရာ မလိုဘူး"
"ဟင်း ဒါဆို ဘယ်သူနဲ့ နေလဲ"
"သားအဘွားနဲ့"
"သားအဘွားက ဘာလုပ်လဲ"
"ဘာမှမလုပ်ဘူး။ သားပဲ လုပ်တာ။ သားက ရေခဲချောင်း ရောင်းတယ်"
"အဟုတ်...ဒါဆို ဒီနေ့ ဘာလို့ မရောင်းလဲ"
"ဒီလောက် ချမ်းနေတာ ဘယ်သူက ၀ယ်စားမှာလဲ" ကျွန်မ ဘာဆက်မေးရမှန်း မသိတော့ပါဘူး။ ကလေးက ဖြေတာ သွက်လက် လွန်းလို့ ဟုတ်ရော ဟုတ်ရဲ့လား တွေးနေမိပါတယ်။ ဒီချိန်မှာပဲ ဒိုင်ယာလော့ခ် ပြင်စရာလေးတွေ ကိုယ့်ရှေ့ ရောက်လာ တာမို့ အလုပ်များ သွားတာနဲ့ ဒီကလေး ကိုယ့်နားက ဘယ်ချိန် ထွက်သွားမှန်း သတိ မထားမိလိုက်ပါဘူး။ ဒါပဲ ကောင်းပါတယ်။ ကျွန်မက စိတ်ညစ် မခံနိုင်ဘူး။ ကိုယ်က ဒရာမာဇာတ်တွေ ရေးရလွန်းလို့ စာတွေ့နဲ့ တင် မောနေပြီ။ စိတ်မောစရာတွေ ဘာမှ မကြားချင်တော့ဘူးကွယ်။
ဘူတာကို ကျွန်မနဲ့၊ ထွန်းလင်းနဲ့ နှစ်ယောက် ဆင်းခဲ့ကြတယ်။ ထွန်းလင်း ဆိုတာ ကျွန်မတို့ တည်းတဲ့ အိမ်က မွေးစားထားတဲ့ ကလေး။ အိမ်ရှင်တွေက ရန်ကုန်မှာ နေကြတာ။ သထုံမှာ ရိုက်မယ်။ ဒီအိမ်မှာ နေပြီး ရိုက်မယ် ဆိုလို့ သဘော ကောင်းတဲ့ အိမ်ရှင်တွေက အိမ်သော့ရော၊ အိမ်အကြောင်း အကုန်သိတဲ့ ထွန်းလင်းရော တစ်ခါတည်း ထည့်လွှတ် လိုက်တာ။ ကျွန်မတို့အတွက် ထွန်းလင်းက မရှိမဖြစ် ဂိုက်။
"အန်တီ ပြန်တက်လာမယ် မဟုတ်လား"
"အေး လာမှာပေါ့။ ရန်ကုန်က ကိစ္စပြီးတာနဲ့ ချက်ချင်းကို ပြန်လာမှာ"
"အန်တီ ရောက်မယ့်နေ့ ကြိုဖုန်းဆက်။ ကျွန်တော် လာကြိုမယ်။ မနဒီတို့ကတော့ အန်တီ ပြန်သွားလို့ ညစ်နေကြတယ်"
ဟုတ်ပ။ ကလေးတွေ အားလုံး ကျွန်မ ပြန်မယ်ဆိုလို့ စိတ်မကောင်းကြပါ။ ရောက်တာမှ ရက်ပိုင်း ရှိသေးတဲ့ ဟာတဲ့လေ။ မဟုတ်ပါဘူး။ ခဏပြန်တာပါ။ ကိစ္စပြီးတာ နဲ့ ချက်ချင်း ပြန်လာမှာပါ အထပ်ထပ် ပြောမှပဲ မျက်နှာလေးတွေ ပြန်ပြီး ကြည်လာ ကြပါတယ်။ ရန်ကုန်က အရေးပေါ် ကိစ္စကလည်း ကျွန်မ မပြန်လို့ မဖြစ်တဲ့ အခြေအနေ တစ်ခုပါ။ ရထား မလာသေးတာမို့ ကျွန်မနဲ့ ထွန်းလင်း စကားတွေ ဟိုဟို ဒီဒီ ပြောနေကြတုန်း အနားကို ရေခဲချောင်းပုံး လွယ်ထားတဲ့ ကလေးတစ်ယောက် ရောက်လာတာမို့ ကြည့်လိုက်တော့ ဟိုနေ့က ကလေးပါလား။
"ဟယ်...ဒီနေ့တော့ တကယ် ရောင်းပြီပေါ့ ဟုတ်လား"
"မရောင်းလို့ မဖြစ်တော့ဘူးလေ အန်တီရဲ့။ ၀ယ်စားပါဦး အန်တီ"
"အမလေး ကလေး ရယ်၊ ငါ့မှာ အနွေးထည် နှစ်ထပ်တောင် ၀တ်ထားရတာပါကွယ်"
ကျွန်မ ရယ်ရယ်မော မောနဲ့ ပြောရင်း ငြင်းလိုက် ပေမယ့် စိတ်ထဲမှာတော့ ဒီကလေးကို အားပေးတဲ့ အနေနဲ့ ၀ယ်စားရင် ကောင်းမယ်လို့ စိတ်ဖြစ်နေပါတယ်။ ခက်တာက ကျွန်မမှာ အကြွေ မပါ။ အိတ်ထဲမှာ တစ်ထောင်တန် တွေချည်းပဲ ဆိုတော့ ၀ယ်စားလိုက်ဖို့ကို လက်က ခက်နေမိပါတယ်။ ကျွန်မ စိတ်တွေ ဒွိဟ ဖြစ်နေချိန်မှာပဲ ကြားသား မိုးကြိုး၊ ကျွန်မ ဟန်းဖုန်းက လိုင်းတွေ ဘာတွေမိကာ ထခေါ်လို့ပါလား။ သထုံရောက် ကတည်းက လိုင်းမမိခဲ့သမျှ ထူးထူး ဆန်းဆန်းရယ်ပါ။ အမျိုးသားနဲ့ ကျွန်မ ဖုန်းပြောဖြစ်ရင်း တစ်ခဏ အတွင်းမှာ ကျွန်မရဲ့ ရေခဲချောင်းသည်လေးနဲ့ မောင်ထွန်းလင်းကလည်း အဖွဲ့တွေ ဘာတွေ ကျလို့ပါပဲ။ ဖုန်းချပြီးချိန်မှာ ကြားလိုက်မိတဲ့ စကား အစွန်းအစလေး အရ ရေခဲချောင်းသည်လေးရဲ့ ဘ၀ ဇာတ်ကြောင်းကို ကျွန်မ နည်းတူ မောင်ထွန်းလင်းလည်း သိသွားပုံ ရပါတယ်။ ဒီ ကလေး သူ့ဘ၀ကို သူများကို ရင်ဖွင့်ရတာ အတော် အာတွေ့တယ် ထင်ပါရဲ့။ မောင်ထွန်းလင်းကတော့ ကရုဏာ မျက်ဝန်းတွေနဲ့ ငေးကြည့်ပြီး ဆက်မေး နေပါတယ်။
"မင်းနာမည်ကရော ဘယ်လိုခေါ်လဲ"
"ထွန်းလင်း"
"ဘာ"
"ထွန်းလင်း ပါဆိုကွာ။ ထွန်းလင်း တောက်ပမယ့် သဘောတဲ့။ ငါ့အဘွား ပြောတာပဲ"
"ဟုတ်လား။ ငါ့နာမည်လည်း ထွန်းလင်းပဲ။ ကဲ ပေးပါကွာ ရေခဲချောင်း တစ်ချောင်း၊ ရော့ ပိုက်ဆံ"
"မင်းဟာက ငါးရာတန်ကြီးပါလား။ ငါက အခုမှ ဈေးဦး ပေါက်တာကွ"
"ပြန်မအမ်းနဲ့တော့ ရတယ်"
ဟိုကလေးက ၀မ်းသာ အားရနဲ့ ရောင်းပြီး ပျော်ပျော် ရွှင်ရွှင် ထွက်သွားပါတယ်။ ထွန်းလင်းကတော့ ရေခဲချောင်းလေး ကိုင်ပြီး သူ့နဲ့ နာမည်တူ ကောင်လေးကို ငေးကြည့် ကျန်ရစ်ပါတယ်။ ကျွန်မက ဘာရယ်မဟုတ်။
"ထွန်းလင်းက ပြန်တောင် မအမ်းခိုင်းတော့ဘူး။ ထောနေတယ်ပေါ့လေ"
"မထောပါဘူး အန်တီ ရယ်။ ကျွန်တော့်မှာ ရှိတာ အဲ့ဒါ အကုန်ပဲ။ သူ့ ရေခဲချောင်းလည်း မစားချင်ပါဘူး။ သူ စိတ်ချမ်းသာအောင်သာ ၀ယ်လိုက်တာ"
"ထွန်းလင်းက တော်လိုက်တာ၊ လူကြီးလေး ကျနေတာပဲ"
"ကျွန်တော်လည်း အရင်တုန်းက ဒီလိုပဲ၊ အစုံ လုပ်ခဲ့ ဖူးတယ်။ ထမင်းငတ်တဲ့ နေ့တွေ အများကြီးပဲ။ ဒါမျိုးက ကိုယ်တိုင် ခံစားဖူးမှ သိတာ အန်တီရဲ့"
ကျွန်မ အသက်ရှူ ရပ်သွားသလိုပဲ။ ထွန်းလင်းက သူခံစားရတဲ့ အတိုင်း ရိုးရိုးလေး ပြောချလိုက်တာ။ ကျွန်မ ကလေးတစ်ယောက် ရှေ့မှာ ဟိုဟာ လုပ်ရမလို၊ ဒီဟာ လုပ်ရမလိုနဲ့ တော်တော် အနေရခက် သွားတာပဲ။ ရထားဆိုက်လာတော့ ကျွန်မဖြင့် ၀မ်းသာလိုက်တာ။ ရထားက ရောက်ရောက် ထွက်ထွက်ပါပဲ။ ကျွန်မ ပြတင်းပေါက်ဝကနေ ကြည့်လိုက်တော့ ကျွန်မကို လိုက်ပို့တဲ့ မောင်ထွန်းလင်းလေးက ဘူတာထဲမှ တာ့တာ ပြရင်း ကျန်ခဲ့တယ်။ ရေခဲချောင်းသည် မောင်ထွန်းလင်းကတော့ ဘူတာထဲမှာ ဘယ်သူ ၀ယ်စားဦးမလဲ တစ်လည်လည်နဲ့ ရောင်းနေတယ်။ ဒရာမာ ဇာတ်လမ်းတွေ အရမ်း အရေးကောင်းတယ် ဆိုတဲ့ စာရေးဆရာမ၊ ဇာတ်ညွှန်းဆရာမ စိမ့်စိမ့်သူ ဆိုတဲ့ ကျွန်မကတော့ ရထားကြီးရဲ့ အထက်တန်းတွဲ တစ်တွဲပေါ်မှာ သူဟာသူပဲ သိတဲ့ ရှက်ခြင်းတွေ တစ်စိမ့်စိမ့်နဲ့ ပါလာပါတော့တယ်။
မီမိုး