”တကယ်ဆိုရင် အချစ်ပဲလို တယ် ဘာကြောင့် သတ္တိမရှိလဲ ကွယ်” အဘိုးပါးစပ်ဖျားကသီချင်းညည်း သံကိုကြားလိုက်ရတော့ ကျွန်တော် တော်တော်ရယ်ချင်သွား တယ်။ ဘိုးက အဲ့လိုပဲ၊ သူ့ပါးစပ်ဖျားမှာ သီချင်း သံစဉ်တစ်ခုခု စွဲနေ ပြီဆို ပါးစပ်ဖျားက မချတမ်းတ ညည်းညည်း လုပ်နေတတ် တော့ တာ။ တစ်လော ကလေးတင် ပဲခူးက တူမတွေဆီသွား လည်ရင်း ဇာတ်ပွဲ ကြည့်လာခဲ့ပြီး ”မောင်တင်မောင် ဆန်းမင်းဝင်းxxx တင်မောင်xx တင်မောင်xx ဆန်းမင်းဝင်း xx”ဆိုပြီး ခေါင်းလေး တထိုးထိုး မေးလေး တထိုးထိုး လုပ်နေခဲ့သေးတာ၊ ဘိုးဒီလိုလုပ်ပြီဆို နဂိုမျက်နှာ ပြင်အသားပြည့်ပြည့်ကို အနား ကွပ်ထားတဲ့ မေးနှစ်ထပ်က အသား ဆိုင်တွေက တလှုပ်လှုပ်နဲ့ရှိ နေတတ် တယ်။ ဘိုးကတော့ အဲ့ဒါ ငွေအိတ် တဲ့လေ၊ ချမ်းသာတဲ့သူတွေမှ ရှိ တာတဲ့၊ သူဝတာကျ ထည့်မပြော ဘူး။ ခုလည်း မလတ်ဖုန်းမှာ ring tone
လုပ်ထားတဲ့ ချမ်းချမ်း သီချင်း ကို နားထောင်ပြီး ပါးစပ်ထဲ စွဲ နေတာဖြစ်မှာ ဘိုးက သူ့ပက်လက် ကုလားထိုင် ထိုင်မကောင်းလို့ လျော့ ရဲရဲဖြစ်နေ တာကို ပြင်ရင်း သီချင်း ညည်းနေတာကို အမေက ဖြတ်သွား ဖြတ်လာ ကြားသွားပြီး ကျွန်တော့်ကို ကြည့်လုပ်ဦးဆိုတဲ့ ပုံနဲ့ မေးငေါ့ပြ သွားတယ်။ ကျွန်တော်ကတော့ အမေ့မျက်နှာပေးကို အဘိုးမြင် သွားမှာ အားနာတာနဲ့ ချက်ချင်း မျက်နှာလွှဲလိုက်မိတယ်။ အမေ က…အဲ အမေ တင် မဟုတ်ပါဘူး။ တစ်အိမ်လုံးက ဘိုး ကိုဆို အဲ့လို နုဖတ်သလပ်နေတဲ့ သီချင်းတွေ ဆိုရင် မကြိုက်ဘူး။ ဘိုး အဝတ် အစား နုနုစိုစိုလေးတွေ ဝတ်ရင်လည်း မကြိုက်ဘူး။ ပြီးတော့ အင်း ပြီးတော့ သူတို့ မကြိုက်တာတွေ ရှိ သေးတယ်။ အများကြီးပဲ။ ကျွန်တော် ကတော့ ဘိုးကိုချစ်တော့ နားလည်ပါတယ်။ ”ဟေ့ကောင် မင်းမရဘူး လား” ”ဘာလဲ ဘိုး” ”ဒီသီချင်းကို မင်းရလားလို့ မေးနေတာ”
”အာ ဘိုးကလည်း မိန်းမ သီချင်းတွေ သား ဘယ်လိုလုပ်ရ မှာလဲ” ဘိုး ဘာမှ ဆက်မပြော တော့ဘူး။ သူ့ဟာသူရတဲ့ အပိုဒ် လေးပဲ ထပ်ထပ်ကျော့ညည်းနေ တယ်။ ဘိုးက အဲ့လို ငြိမ်းချမ်းတဲ့သူပါ။ ဘယ်သူ့ကိုမှ ဇွတ်တောင်းဆို တာ မရှိဘူး။ အမိန့်ပေးတာ သူ့ စိတ်နဲ့ မတည့်လို့ ဂျီကျတာ ဒါမျိုး တွေမရှိဘူး။ ကျွန်တော်ကတော့ ဘိုးကိုချစ်တယ်။ သဘောကျတယ်။ ”မြေးရေ ညနေကြရင် ဝက် ခေါင်းသုပ် သွားစားရအောင်”
ဘိုးဆီက ဒီအသံကြားတော့ ကျွန်တော့်စိတ်ထဲ ထိတ်ကနဲ ဖြစ် သွားတယ်။ အဲ့ဒါ ရင်ခုန်တာလား။ ရင်ခုန်တယ်ဆိုတာ ဒါမျိုးလား။ ဒီ စကားပြောလာတဲ့ ဘိုးစိတ်ထဲမှာ ဘယ့်နှယ့်နေလဲ၊ ကျွန်တော်ဘိုးကို ပြုံးပြီး ခေါင်းညိတ်ပြလိုက်သည်။
(၂)
တကယ်တော့ ကျွန်တော်နဲ့ ဘိုးက နှစ်ကိုယ့်တစ်စိတ်လို့ ပြောရလောက်အောင် အကျင့်စရိုက်တော် တော်များများ တူကြတယ်။ ဘိုးရဲ့ ငယ်ပေါင်းကြီးဖော်မိတ်ဆွေတွေ က လည်း ကျွန်တော့်ကိုမြင်ရင် ‘မင်းမြေးက မင်းရုပ်ပဲ’လို့ အမြဲတမ်း ပြောတတ်ကြတယ်။ ကျွန်တော်က အဲဒီ့တစ်ခုတော့ သိပ်ဘဝင်မကျ ဘူး။ ဘိုးရဲ့ငယ်ဓာတ်ပုံလည်း ကျွန် တော်က တစ်ခါမှ မမြင်ဖူးတော့ ယုံ ကြည်ချက်တွေ လျော့လျော့သွား တယ်။ ဘိုးရဲ့အခုပုံနဲ့ ကျွန်တော့်ပုံ က ဘယ်လိုမှ ဆက်စပ်ကြည့်လို့ မရပါဘူးဗျာ။ သိပ်အစာ မကြေတာ နဲ့ပဲ ဘိုးရဲ့ငယ်ဓာတ်ပုံတွေပြပါလား လို့ တောင်းကြည့်ပြန်တော့လည်း ‘ငါ့ပုံတွေက အိမ်မီးလောင်တုန်းက ပါသွားပြီကွ’ လို့ကျွန်တော် ဘာပြောချင်မှန်း သိတဲ့ပုံနဲ့ ပြုံးပြုံးကြီး ဖြေတတ်တယ်လေ။ ပြီးတော့ လည်း ကျွန်တော် မခံချင်အောင်’ငါ မင်း အရွယ်တုန်းက မင်းထက်ပိုကြည့် ကောင်း တယ်’လို့လည်း ပြော တတ် သေးတယ်။ ထားပါတော့။ ဓာတ်ပုံ သက်သေမရှိတော့လည်း ကျွန် တော့်မှာ အောင့်သက်သက်နဲ့ ခံ နေရတာပေါ့ဗျာ။ ‘ဘာမှာမလဲ’ ကောင်မလေးအသံက သြ တောတောလေး၊ တကယ်ဆို မိန်းက လေးတစ်ယောက်ရဲ့အသံ က ချိုချို အီအီလေး ဖြစ်နေရမှာနော်။ မင်းသမီးသက်မွန်မြင့်လို အသံမျိုးနဲ့ဆို ဒီကောင်မလေးပုံနဲ့ ကွက်တိပဲ။ သူ့ အသံကနဂိုသြဆိုတော့လည်း ပြင်ပြောလည်း ရတော့မယ်မထင်ပါ ဘူး။”ဟေ့ကောင် ဘာစားမှာ လဲလို့” ဘိုးကတံတောင်နဲ့ တွက်ပြီး မေးမှပဲ ကျွန်တော်အသက်ဝင် တော့တယ်။ ကောင်မလေးနဲ့တွေ့ ရင် ကျွန်တော်ဒီလိုပဲ အူကြောင် ကြောင်ဖြစ် ဖြစ်သွားတာ ရှက်စရာ ကောင်းလိုက် တာနော်။ ကောင်မလေး ကလည်း ဒါကိုသိတဲ့ပုံနဲ့ ပါးစပ် တင်းတင်းစေ့ပြီး ပြုံးနေတယ်။ သူ ပြုံးရင် မရှိမဲ့ရှိမဲ့ ပါးချိုင့်က ပေါ် ပေါ်လာတတ်တာ သင်း သိထားတာ နေမှာ သူ့ပါးချိုင့်ကလည်း အဆန်း၊ ဒီလို နှုတ်ခမ်းတင်းတင်းစေ့ပြီး ပိတ် ထားမှ ပါးချိုင့်က ပေါ်တာဆိုတော့ မှန်ရှေ့မှာ အတော်လေ့ကျင့်ယူ ထားတာနေမှာပေါ့။ ”ဘိုး အတွက် ဝက်ခေါင်း သုပ်…သူ့အတွက် ဆီချက်ပဲ လုပ် လိုက် သမီးရေ” ဘိုးက ကျွန်တော့်ကို စိတ်မ ရှည်တော့တဲ့ပုံနဲ့ သူ့ဟာသူပဲ မှာ လိုက်တော့တယ်။ ကောင်မလေးက တော့ လှစ်ခနဲ ပြန်လှည့် ပြေးထွက် သွားတယ်။ သေချာတယ်။ အစား အသောက်တွေ လာချရင် မေမေ ရိုစီပဲ လာချမှာ။ မေမေရိုစီဆိုတာ ကောင်မလေးရဲ့ အဘွားလေ။ အဘိုးက အခု အသက်ခုနစ်ဆယ် ဆိုတော့ အဘိုးနဲ့တော့ ငါးနှစ် လောက်ကွာတယ်။ ဘိုးနဲ့ မေမေ ရိုစီက အဘိုးကြီး အဘွားကြီးတွေ ဆိုပေမယ့် ကြည့်ကောင်းနေဆဲ ဒီဇိုင်းတွေလို့ ပြောရမယ်။ ဘိုးက ချောတော့ မချောတော့ပါဘူး။ နု လည်းမနုပျိုဘူး။ ဒါပေမဲ့ ကိုယ့်ကိုယ် ကိုယ် လန်းဆန်းကြည့်ကောင်း အောင်နေတတ်တော့ ကြည့် ကောင်းတယ်ပေါ့။ မေမေရိုစီ ကတော့ အသက်နဲ့ မမျှအောင်နုတာ။ ကောင်မလေးက ငါ့အဘွားလို့ ပြော ပြတုန်းကဆို အဘွားလို့ ခေါ်ရမှာ တွန့်နေ တယ်။ ကောင်မလေးက သူ့ အဘွားကို ငယ်ငယ်လေးတည်းက မေမေရိုစီလို့ ခေါ်တာဆိုတော့ ကိုယ်လည်း ရောကြိတ်ပြီး မေမေ ရိုစီလိုက်တာပေါ့ ဟား ဟား၊ ဟော.. .မေမေရိုစီ ပန်းကန်တွေ ကိုယ်တိုင် လာချပေးနေပြီ။ ကျွန်တော် အသာလေး ထရှောင် ပေးလိုက်တယ်။ ရှောင်တယ် ဆို တာကလည်း ဘာရယ်မဟုတ်ပါဘူး။ ဘိုးနဲ့မေမေရိုစီ စကားအေးအေး ဆေးဆေးပြောရအောင်ပါ။ ကျွန်တော့်စိတ်ထဲ ကျွန်တော်ရှိနေရင် ဘိုးမလွတ်မလပ်များဖြစ်နေ မလားလို့။ ဒါဘိုးက ဖွင့်ပြောတာ မဟုတ်ဘူးနော်။ ကျွန်တော်က စိတ်ထဲ အလိုလိုထင်နေတာ၊ ဘိုးနဲ့ ကျွန်တော်က ပါးစပ်က သိပ်ဖွင့် ပြောစရာမလိုဘူးဗျ။ ကိုယ့်စိတ်ထဲ ထင်နေတာဆိုရင် သူ့စိတ်နဲ့ ကွက် တိပဲ၊ အပြင်မှာ ကောင်မလေးက သူ့ကြောင်လေး ပေါင်ပေါ်တင်ပြီး တတွတ်တွတ်နဲ့ ဘာတွေ ပြောနေ မှန်းမသိဘူး။ ကျွန်တော်လည်း သူနဲ့ မလှမ်းမကမ်းက အုတ်ခုံလေးမှာ ထိုင်ပြီး ယူလာတဲ့စာအုပ်လေး ထုတ်ဖတ်နေမိ တယ်။ စာထဲ စိတ်လည်းမရောက်ပါဘူး။ ဒါပေမဲ့ သိပ်စိတ်ပါဝင်စား နေသလို ပုံစံမျိုး လုပ်ထားတယ်။ အထာပေါ့။ ”ဟေ့ကောင် လာစားလေ” ”ဘိုး စားနှင့်ပါ၊ အေးဆေး ပေ့ါ” ရယ်ရတယ်။ ဘိုးကလည်း တာဝန်ကျေခေါ်တယ်။ ကျွန်တော် ကလည်း တာဝန်ကျေပြန်ပြော တယ်။ဘိုးက အေးအေးဆေးဆေးပဲ မေမေ ရိုစီနဲ့ စကားဆက်ပြောနေတယ်။ကျွန်တော့်စိတ်ထဲ ဘာရယ် မဟုတ် ဘူး။ ဘိုးနဲ့ ကျွန်တော် မေမေ ရိုစီနဲ့ ကောင်မလေးကို စတွေ့တဲ့ပုံကို သတိရသွားမိတယ်။ အဲဒီ့နေ့က ကျွန်တော်တို့ ညနေခင်း အေးအေး ဆေးဆေး စကားတပြောပြောနဲ့ လမ်းလျှောက်ထွက်လာကြတာ။ ကျွန်တော်တို့ လမ်းထိပ်ကိုရောက် ခါနီး အရင်တုန်းက အိမ်ရောင်းမည်လို့ ကပ်ထားတဲ့ အိမ်လေးက လူသံသူသံကြားလို့ ဘိုးရော ကျွန် တော်ရော ပြိုင်တူလှည့်ကြည့်မိခဲ့ ကြပါလေရော၊၊ ကျွန်တော့်အရွယ် ကောင်မလေးတစ်ယောက်နဲ့ ဟော့ ရှော့ အန်တီကြီးတစ်ယောက် သေတ္တာကြီးတစ်လုံးကို မ နေကြတဲ့ မြင်ကွင်းကို တွေ့လိုက် ရတယ်။ သူ တို့သာ အားနဲ့ မနေကြတာ သေတ္တာကြီးက မရွေ့ဘဲ အန်တီကြီးပဲ ဖင် ထိုင်ကျသွားတယ်လေ။ သူတို့ အချင်းချင်းလည်း ရယ်ကြတယ်။ သူတို့ကို ကြည့်မိနေတဲ့ ကျွန်တော် တို့လည်း ရယ်မိကြတယ်။ အဲဒီ့နေ့ မှာပဲ ကျွန်တော့်စိတ်ထဲ အခုမှ စမြင် ဖူး တဲ့ကောင်မလေးကို ဟိုးတုန်း တည်းက ရင်းနှီးမြင်ဖူးသလို ခံစားမှု ကြီးဖြစ် သွားတယ်။ ဘိုးလည်း ဖင် ထိုင်ကျသွားတဲ့ ဟော့ရှော့ အန်တီ ကြီးကို ကျွန်တော့်လိုပဲ ခံစားမိသွား တယ် ထင်ပါရဲ့။ ကျွန်တော်နဲ့ ဘိုးနဲ့ကြားမှာ သူတို့နဲ့ ပတ် သက်ပြီး ပြော စရာစကားလေးတွေ ဖြစ်ဖြစ် လာတယ်။ ကျွန်တော်က ဟိုကောင်မ လေးကို ဂိမ်းဆိုင်မှာတွေ့ခဲ့တယ်လို့ ပြောရင် ဘိုးကဘယ်ကောင်မလေး လဲလို့မမေး ဘဲ အလိုလိုပေါက်တယ်။ ဘိုးက ဟိုတစ်ယောက်က ဆံပင် အရောင်ဆိုးထားတာကွလို့ ပြော ရင် ကျွန်တော်ကကောင်မလေး အဘွားကို ဆိုလိုမှန်း ချက်ချင်း သဘောပေါက်တယ်။ နားလည်မှု ပေါ့ဗျာ။ နားလည်မှုပေါ့။ သိတယ် မဟုတ်လား။ ဒီလိုနဲ့ပဲ ကောင်မ လေးတို့က ရပ်ကွက်ထဲမှာ ဝက် ခေါင်းသုပ်လို၊ လက်ဖက်သုပ်လို ဆီ ချက်လို အစားအသောက်မျိုးလေး တွေ ရောင်းလာတော့ ကျွန်တော်တို့ မြေးအဘိုးအတွက် ပွဲတော်တည်စရာ သူတို့နဲ့ ရင်းနှီး ခင်မင်စရာ လမ်းစ ပွင့်သွားတာပေါ့။ တစ်ခုဆန်းတာက ရင်းနှီး ခင်မင်တယ်သာ ပြောတယ်။ ကျွန်တော်နဲ့ ကောင်မလေး ကြားမှာ တော့မြုံစိမြုံစိပါပဲ။ ဘာမှန်းကို မသိ ဘူး။ ဒီနေ့စကားပြော ဖြစ်ပေမယ့် မနက်ဖြန်တွေ့ရင် ပြောဖြစ်ချင်မှ ပြောဖြစ်တာ။ သူခေါ်နိုး ကိုယ် ခေါ် နိုးနဲ့ မသိသလို နေနေကြတာမျိုးက ခဏခဏ၊ ဘိုးနဲ့ မေမေရိုစီကတော့ တော်တော့်ကို သူငယ် ချင်းဖြစ်နေ ကြပြီ၊ ဘိုးကလည်း သီချင်းဆို ခေတ်ဟောင်း၊ ခေတ်လယ်၊ ခေတ် နှောင်း အကုန်ကြိုက်ပြီးရင် နှစ် ယောက်လုံးက စာပေဘက်မှာလည်း နှံ့နှံ့စပ်စပ်၊ သူက မြသန်းတင့် ဆို တာနဲ့ တစ်ယောက်က ဓားတောင် ကိုကျော်ပြီး မီးပင်လယ်တောင် ဖြတ်ပြီးနေပြီ။ အေးရော။ ဒီတော့ သူတို့အချင်းချင်းလောက်ပေါင်းလို့ သင်းလို့ ကောင်းတာ ရှိဦးမလား။ ကျွန်တော်ကတော့ ဘိုးပြုံးနေ ပျော် နေရင် ကျေနပ်ပါတယ်။ သူစိတ် ချမ်းသာနေတယ်လေ။ ဒါကောင်းတဲ့ လက္ခဏာတစ်ခုပဲ။ အိမ်မှာက ဘိုး အတွက် ကျွန်တော်မှမရှိရင် အဖော် မရှိဘူး။ အဖေနဲ့အမေကလည်း သူ့အလုပ်နဲ့သူ အားတာ မဟုတ်ဘူး။ ပြီးတော့ အမေနဲ့ဘိုးက သားအဖ သာဆိုတယ်။ သိပ်အစေးကပ်တာ မဟုတ်ဘူး။ သားမက်ဖြစ်တဲ့ အဖေ ကလည်း ဘိုးကို ဆို ခပ်ရှောင်ရှောင်ပဲ နေတတ်တာ ကိုကြီးတို့ မလတ်တို့ ကလည်းဘိုးနဲ့ လုံးလုံးထွေးထွေး ရှိလှတာမဟုတ်။ ကျွန်တော်ကလည်း ဆယ်တန်းအောင်ခါစဆိုတော့ ဟို သင်တန်းတက်၊ ဒီသင်တန်းတက်နဲ့ အိမ်ပြန်ရောက်ရင်တော့ ဘိုးနား ကပ်ပါတယ်။ ဒါပေမဲ့ ကျွန်တော် မရှိရင်တော့ ဘိုးမှာ အဖော်မဲ့နေတာ ပေါ့လေ။ အခု ဘိုးမှာ မေမေရိုစီ ရှိ လာတာ ဝမ်းသာတယ်။ သူ့အတွက် အဖော်တစ်ယောက်ရတာပေါ့။
(၃)
ဘိုးက မေမေရိုစီနဲ့ ဘော်ဒါ ဖြစ်ပြီးကတည်းက ကျွန်တော့်ကို တောင် အဖော်သိပ်မလုပ်တော့ ဘူး။ လမ်းလျှောက်ချိန်ကိုလည်း မနက်ခင်းကိုပြောင်းလိုက်တယ်။ မနက်ခင်းစာဆိုလည်း မေမေရိုစီ့ လက်ရာတွေပဲ စားစားလာတယ် ထင်တယ်။ အိမ်သားတွေနဲ့ သိပ် မစားဖြစ်တော့ဘူး။ တစ်ခါလည်း ဘိုးနဲ့ဘွား မင်္ဂလာဦးတုန်းက ရိုက် ထားတဲ့ ဓာတ်ပုံကို အမေတို့ မသိ အောင် ဖွက်ယူသွားတယ်။ ကျွန်တော်က ဘာလုပ်ဖို့လဲ မေး တော့ မေမေရိုစီကို ပြဖို့တဲ့လေ။ သေချာတယ်။ မေမေရိုစီ တစ် ယောက်တော့ ဘိုးရဲ့ နောက် ကြောင်းပြန်လွမ်းမောဖွယ်အတိတ် ဇာတ်လမ်းကို နားညည်းအောင် နား ထောင်လိုက်ရရှာမှာပဲ။ ဘိုးက ဘွား အကြောင်းများ စကား မစပ် လိုက်နဲ့ အနားကလူ နားရွက်ပြတ်ကျ လောက်အောင် ပြောတာနော်။ သူ တို့ ဘယ်လိုစတွေ့တာ တွေ့တုန်း က ဘွားက ဘယ်လို၊ ဘိုးက စတော့ ကက်ကက် လန်အောင် ရန်တွေ့တာ ဘွားထဘီကို ညီအောင် မဝတ် တတ်တာကအစ၊ သူတို့ အိမ်ထောင် ကျခါစမှာ ဘိုးကို အိပ်ရာစောထ မှာစိုးလို့ လုံချည်နဲ့ ပုဆိုးနဲ့ကို တွယ် ချိတ်နဲ့ ခိုးတွယ်ပြီး ကလေး ဆန် တတ်တာတွေအဆုံး ပြောပြပါ လိမ့်မယ် တစ်လှေကြီး။ နောက်ပြီး ဘိုးပါးစပ်က seven october ဆိုတဲ့ စကားကလည်း ခဏ ခဏ ပြောတတ်သေး၊ သူတို့လက်ထပ်တဲ့ ရက်ဟာ ဘိုးပါးစပ်ဖျားမှာ နှစ်တွေ ဒီလောက် ကြာနေတာတောင် ပြော ဖို့ တော် တော်ချိုမြိန်တယ် ထင်ပါရဲ့။ ဘွားဆုံးတာ ဆယ်နှစ်ကျော်သွား ပေမယ့် တစ်နှစ်မပျက် ဘွားအတွက် အလှူအတန်း လုပ်ပေးဖို့လည်း သတိရတတ်တဲ့သူဟာ ကျွန်တော့် ဘိုးပါပဲ။ ဘိုး ဓာတ်ပုံပြန်ယူလာတဲ့ အချိန်မှာ ကျွန်တော်ကလည်း မေးဖြစ်အောင်မေးလိုက်သေး တယ်။ မေမေရိုစီ ဘာပြောလဲလို့ လေ။ ဘိုးက သိပ်ကျေနပ်နေတဲ့ ဟန်နဲ့ ”သူကမင်းတို့ အဘွား ကို တော်တော်ကြည့်ကောင်းတဲ့ အမျိုး သမီးပဲတဲ့။ ငါပြောပြတဲ့အကြောင်း တွေကို နားထောင်နေတာများ ငြိမ်လို့။ အောင်မာပြီးတော့ ဘာ ပြောတယ် မှတ်လဲ။ တော်တော် လွမ်းမောစရာကောင်းတဲ့ ဇာတ် လမ်းလေးပဲတဲ့။ ရှင်သူ့ကို ခိုးပြေးတဲ့ နေ့တုန်းက ရှင့်အမျိုးသမီး ဘူတာရုံ မှာ ယောက်ယက်ခတ်နေမယ့်ပုံလေး ကို ကျွန်မ မြင်ယောင်ပြီး သနားလိုက် တာတဲ့။ ပြီးတော့ ငါတို့ မော်ချီးမှာ နေတုန်းက အိမ်ကို ရုံးက အစောင့် ကြီး တံခါးလာခေါက်တာ။ မင်း အဘွား သူပုန်မှတ်ပြီး ဖင်ဘူး တောင်းထောင် ဘုရားစာတွေ အော်ဆိုနေတာ ပြောပြလိုက်တော့ ရယ်တာများ မျက်ရည်တောင် ထွက် တယ်” ကျွန်တော် ဒီစကားတွေကို ကြားတော့ ဘိုးကို ကျွန်တော် နား မလည်ဘူး။ ဘာလို့လဲဆိုတော့ ကျွန်တော်အထက်တန်းကျောင်း တုန်းက တောက်လျှောက် ကြောင် ခဲ့တဲ့ မိန်းကလေးကို ရပ်ကွက် ထဲမှာ တော်တော် များများက သိကြတယ် ဗျ။ သူကလည်း နှစ်အိမ်ကျော်မှာနေ တာကိုး။ အဲ့ကောင်မလေးကို ကျွန် တော်ဘာလို့ ကြိုက်ခဲ့လဲဆိုတာ စဉ်း စားလို့ကို မရဘူး။ ကျွန်တော်က ငယ်ငယ်တုန်းက သွားခေါခေါ ကောင်မလေးတွေဆို သိပ်ကြိုက် တာ။ ကျွန်တော်ကြိုက်မိတဲ့ ကောင် မလေးက သွားကခေါတဲ့အပြင် ထပ်ထပ်တွေတောင် ဖြစ်နေသေး တယ်။ ငယ်ကြိုက်နဲ့တော့ ကွက်တိ ပေါ့ဗျာ။ ခုချိန်မှာတော့ မျက်လုံးက ကြည့်တတ်လာပြီ။ အသည်းနှလုံးက အမှန်အကန်ခံစားတတ်လာပြီ ပြော ရမလား။ တကယ်လှမှ လှတယ်လို့ မြင်တတ်လာပြီ။ ဥပမာ- ကောင်မ လေးလို ပုံစံမျိုးပေါ့။ အခု ကောင် မလေးက ကျွန်တော့်အရင် ခေါခေါ လေး အကြောင်းများ သိသွားမှာ အလွန်ဆိုး။ တစ်ယောက်ယောက် က ပြောပြလို့ပဲဖြစ်ဖြစ် အကြောင်း အပေါင်းတိုက်ဆိုင်လို့များ သိသွား ရင် ကျွန်တော်တော့ တော်တော် လေးကိုရှက်မိမှာပဲ။ ဒါက ကျွန်တော် တို့ လူငယ်တွေ အပိုင်းပေါ့နော်။ ဘိုးကတော့ သူ့မိန်းကလေး မိတ် ဆွေရှေ့မှာ အရင်က အကြောင်းတွေ အေးအေးဆေး ဆေးပြောပြနိုင်တာ တစ်မျိုးပဲ။ အေးပေါ့နော် လူကြီးနဲ့ လူငယ် မတူဘူးထင်ပါရဲ့။
(၄)
ကျွန်တော် အိပ်ရာကလန့်နိုး တဲ့အချိန်မှာ ရန်ပွဲက တော်တော် အရှိန်ရနေပြီ။ အမေကလည်း ငိုလို့ ယိုလို့၊ ဘိုးကလည်း တော်တော် ပေါက်ကွဲနေတယ်။ ကျွန်တော့်မှာ အိပ်ချင်မူးတူးနဲ့ ဒါနေ့လား ည လား အတော်စဉ်းစား ယူရသေးတယ်။ သူတို့ ဘာတွေဖြစ်နေကြတာလဲ။ အမေနဲ့ဘိုးက သိပ်အဆင်မပြေဘူး ဆိုပေမယ့် ဒါမျိုးတော့ တစ်ခါမှ ဖြစ်ဖူးကြတာ မဟုတ်ဘူး။ အသံ တွေနားစွင့်ကြည့်တော့ ”ငါက နင်တို့အတွက်ပဲ တစ်သက်လုံးစဉ်း စားခဲ့တာ။ နင်ငါ့ကို မစော်ကားနဲ့” လို့ ဘိုးက ကျုံးအော် တယ်။ အမေ ကလည်း ”တစ်သက်လုံးစဉ်းစား လာခဲ့ပြီးမှ အခုမှ ဘာလို့ အရှက် ခွဲနေရတာလဲ။ အဲဒီ့အဘွားကြီး ဆိုင်မှာ အဖေ ညနေတိုင်း သွား သွား ထိုင်ပြီး လေပန်းနေ တာ တစ်ရပ်ကွက်လုံးက ဟားနေကြပြီ” လို့ ပြန်အော်နေတယ်။ ဟာ ဘိုးဘိုး ကို မေမေရိုစီနဲ့ စွပ်စွဲနေကြတာ ပဲ။ ကျွန်တော် တော်တော် အံ့သြသွား တယ်။ ဘာလဲ ဘိုးနဲ့ မေမေရိုစီက အမေတို့ စွပ်စွဲရလောက်အောင် အဆင့်မြင့်တိုးတက်နေတာလား။ ပြဿနာက အမေ့ဒေါသ ကျွန်တော့် ဘက် လှည့်လာမှာ စိုးရိမ်ရတယ်။ ဘာလို့လဲဆိုတော့ အမေက ကျွန် တော်တို့ကို မကျေနပ်ဘူးဆို နင်တို့ မြေးအဘိုးတွေက ဆိုတဲ့စကားနဲ့ ပတ်ပတ်ရမ်းတတ်လွန်းလို့။ ဘိုးတို့ ရန်ဖြစ်နေ ကြတာ ဘယ်သူမှလည်း ဝင်မတား ကြပါလား။ အဖေအဖေ ဘာလုပ်နေလဲ။ ကိုကြီးနဲ့ မလတ် ရော။ ကျွန်တော် ကုတင်ပေါ် ငုတ်တုတ်ထိုင်နေချိန်မှာပဲ အခန်းထဲကို ကိုကြီးပြန်ဝင်လာတယ်။ ကျွန် တော့်ကို တွေ့တော့ ပြုံးစိစိနဲ့ ပခုံး တွန့်ပြတယ်။ ကျွန်တော်ကတော့ သူဘာပြောမလဲ မျှော်လင့်ချက်နဲ့ ကြည့်ဖြစ်တယ်။ ကိုကြီးက ဘာမှ မပြောဘူး။ စကားဝိုင်းနားရောက် သွားတာ အတော်ပင်ပန်းသွားတဲ့ ပုံနဲ့ ဝုန်းခနဲပက်လက်လှန်ချပြီး အိပ် တော့တာပဲ။ ကျွန်တော်မနေနိုင် တော့ဘူး။ သူ့ကို အတင်းနှိုး ပြီး မေး ရတော့တာပေါ့။ သူက မပြောချင် ပြောချင်နဲ့ မေမေရိုစီနဲ့ ဘိုးတွဲသွားတွဲလာ ပြောသွားပြောလာ လုပ် နေတာကို အမေက မကြိုက်ကြာင်း၊ ပတ်ဝန်းကျင် ကလည်း ပြောနေတာ ရှက်ဖို့ကောင်းကြောင်း၊ ကျွန်တော်ခုနက ကြားထား သလောက်ပဲ သူက ပြန်ပြောပြ နေတယ်။ ပြီးတော့”မင်းလည်း ကြား ထဲက ဝင်ရှုပ်မနေနဲ့” တဲ့လေ။ အဆစ် အဟောက်ခံလိုက်ရသေးတယ်။ ကျွန်တော် တော်တော် စိတ်ရှုပ်သွားတယ်။ ဘာပြောရမှန်းလည်း မသိ တော့ စောင်ခေါင်းမြီး ခြုံပြီး ပြန်အိပ်နေ လိုက်တော့တယ်။ အိပ်လို့ ကတော့ ဘယ်ပျော်ပါ့မလဲ။ ဘိုး အတွက် စိတ်မကောင်းဘူး။ ဘိုး တော်တော်နဲ့ အိပ်မပျော်နိုင်ဘူးဆိုတာ ကျွန်တော်သိနေတယ်။ စိတ်မကောင်းပါဘူး ဘိုးရယ်။ နောက်နေ့ကျတော့ ကျွန် တော် ဘိုးအခန်းကိုသွားပြီး အလျင် စလို မေးမိတာရှိတယ်။ ဘိုးနဲ့ မေမေရိုစီက အမေတို့ စွပ်စွဲသလို တကယ်ပဲ ဇာတ်လမ်းရှိနေလားဆို တာကိုပေါ့။ မေးပြီးမှ ကျွန်တော် ဘိုးကို သနားလိုက်တာလေ။ ဘိုး ချက်ချင်းမဖြေဘူး။ ကျွန်တော့်ကို ငေးကြည့်နေတာ အကြာကြီးပဲ။ ဘိုးက တုံးတိုက်တိုက်ကျားကိုက် ကိုက်သမား။ ဒီလို စကားတစ်ခွန်း ဖြေဖို့ တွေဝေနှောင့်နှေးတယ်ဆို တာ ရှိမှမရှိခဲ့တာ။ ကျွန်တော် လည်း ဘာမှန်းမသိ အနေရအထိုင် ရခက်ပြီး ကန်တော့နော်ဘိုး။ ကန် တော့ ကန်တော့လို့ ပြောလိုက်မိတော့ ဘိုးက ရပါတယ်ဆိုတဲ့ပုံနဲ့ ခပ်ယဲ့ယဲ့ ပြုံးတယ်။ အဲဒီ့နေ့ကစပြီး ဘိုးနဲ့ ကျွန် တော် ညနေဘက်လမ်းအတူမ လျှောက်ဖြစ်တော့ဘူး။ မေမေ ရိုစီ တို့ဆိုင်မှာလည်း အတူမထိုင်ဖြစ် တော့ဘူး။ အတူမထိုင်ဖြစ်တော့ဘူး ဆိုတာက ကျွန်တော်ကတော့ သွားတယ်လေ။ ပုံမှန်ပဲ။ ဘိုးပဲ မလိုက်တော့တာ။ အမေကျေနပ် အောင် အနေအထိုင်ဆင်ခြင်ပေး တဲ့ သဘောပေါ့။ ပထမပိုင်းရက် တွေကတော့ မေမေရိုစီက ဘိုးမပါ ဘူးလားဆိုတာလောက်ပဲ။ မရိပ်မိ သေးဘူး။ နောက်တော့ ပါမလာ ဖန်များတာရယ် သူ့ဟာသူလည်း တစ်နေရာရာက ဘယ်ကဘယ်လို ကြားလာတယ်မသိပါဘူး။ ဘိုးမပါ ဘူးလား ဆိုတဲ့စကားကို မမေး တော့ဘူး။ ရုပ်ရှင်တွေထဲကလို အမေကများ ကျွန်မအဖေနဲ့ ရှင့်ကို သဘောမတူပါဘူးတွေ ဘာတွေ သွားလုပ်သေးလား မသိပါဘူးဗျာ။ ကောင်မလေးနဲ့ ကျွန်တော်နဲ့က တော့ အရင်ကထက် ပိုခင်လာ တယ်။ ဘာလို့လဲဆိုတော့ သူနဲ့ ကျွန်တော်က ကွန်ပျုတာသင်တန်း အတူတက်ဖြစ်ခဲ့ တာဆိုတော့ တစ် ရပ်ကွက်တည်းသားချင်းစည်းလုံးတဲ့ သဘောပေါ့။ ဒါပေမဲ့ဆန်းတာက ကောင်မလေးက သူ့အဘွားနဲ့ ကျွန် တော့်အဘိုးအကြောင်းကို ယောင် လို့တောင်မှ စကားမဟဘူးဗျ။ ကျွန် တော်ကတော့ ဘိုးနဲ့ မေမေ ရိုစီဟာ ရိုးရိုးလား ဆန်းဆန်းလားဆိုတာ သိပ်သိချင်တာပဲ၊ ဒါပေမဲ့ ဘယ်သူ့ မေးရမှန်းမသိတော့ သိချင်လျက်နဲ့ ငြိမ်နေလိုက်ရတာပဲလေ။ နည်းနည်း ကြာလာတော့လည်း မေးဖို့ကို မေ့ ချင်ချင် ဖြစ်လာတယ်။ ဘိုးက အခုနောက်ပိုင်း ဓမ္မာရုံဘက် ခြေဦးလှည့်နေတယ်။ ရွယ်တူအဘိုးကြီးတွေနဲ့ ဘုရား အကြောင်းတရားအကြောင်း၊ ရပ် အကြောင်း ရွာအကြောင်း ပြောကြ ဆိုကြပေါ့။ ဒါပေမဲ့ ဘိုးပါးစပ်က အရင်လို သီချင်းညည်း သံလေး တွေမကြားရတော့ဘူး။ ကျွန်တော် နဲ့ရယ်စရာမောစရာ တောင်တောင် အီအီလေးတွေ မပြောတော့ဘူး။ အိမ်မှာလည်းဘိုးက သီးသီးခြား ခြားကြီး တိတ် ဆိတ်နေတော့ တယ်။ ဒါဟာ ဘိုးရဲ့အသည်းကွဲ ဇာတ်လမ်းလား၊ ကျွန်တော်စိတ်မ ကောင်းရုံကလွဲပြီး ဘာမှမတတ်နိုင် ခဲ့ပါဘူး။
(၅)
ဘိုး တော်တော်နေမကောင်း ဖြစ်နေတယ်။ ပထမတော့ ရိုးရိုးဖျား တာနာတာလောက်ပဲ ထင်ထား တာ။ နောက်ပိုင်း ဟိုဟာစစ် ဒီဟာ စစ်နဲ့ ဆေးတွေစစ်ရင်း၊ စစ်ရင်း ဘိုးရောဂါက တော်တော်စုံလာ တယ်။ ဘိုးနဲ့ ရန်ဖြစ်တုန်းက ဖြစ် ထားပြီးမှ ဘိုးမှာ ရောဂါတွေရှိမှန်း လည်းသိရော အမေက အခန်းထဲမှာ သွားသွားငိုတော့တာပဲ၊ အိမ်မှာ လည်း လူတွေ မျက်နှာမကောင်း ကြတော့ဘူး။ ကျွန်တော်ဆို ဘိုးကို လက်လွှတ်ရတော့မယ်လို့ သိတဲ့ အချိန်စိတ်ထဲမှာ ဘယ်လိုဖြစ်သွား မှန်း မသိဘူး။ ဘိုးအတွက် ကျွန် တော်ဘာလုပ်ပေးနိုင်မလဲဆိုတာ နေ့ရောညရော တွေးနေမိတယ်။ အဖြေတစ်ခုရတဲ့ အချိန်မှာတော့ ကျွန်တော် မေမေရိုစီကိုသွားတွေ့ ခဲ့ပါတယ်။ ကျွန်တော်ပြောပြနေတဲ့ ဘိုးရဲ့ နောက်ဆုံးအချိန်ကို နား ထောင်ပြီးတဲ့အချိန်မှာ မေမေရိုစီ မျက်ရည်ကျတယ်။ ပြီးတော့ သူလာ တွေ့ပါဦးမယ်လို့ပြောတယ်။ တကယ် တမ်း မေမေရိုစီအဲ့လို ပြော တဲ့ အချိန်မှာ ကျွန်တော် ထိတ်ခနဲ ဖြစ်သွားတာ အမှန်ပဲ၊ ဘာလို့လဲ ဆိုတော့ မေမေရိုစီ လာတွေ့ရင် အိမ်ကလူတွေနဲ့ အထူးသဖြင့် မေမေနဲ့ အဆင်ပြေပါ့မလား၊ ဘာ တွေဖြစ်လာမလဲ ကျွန်တော် မသိ နိုင်ဘူးလေ ဒါပေမဲ့ ကျွန်တော် ဘိုး အတွက် စွန့်ကြည့်လိုက်တဲ့ သဘော နဲ့ ဟုတ်ကဲ့လို့ စကားပြန် ပြောဖြစ် ခဲ့တယ်။ ဒါပေမဲ့အံ့သြစရာကောင်းတာ က မေမေရိုစီက အဆင်ပြေအောင် အားလုံးဖန်တီးသွားတယ်၊ သူ ဘယ် လိုလုပ်ပြီး ဆေးရုံချိန်တွေ စုံစမ်း လိုက်လဲမသိ ဘူး။ ဆေးရုံမှာ တက် နေတဲ့ ဘိုးနားမှာ အိမ်သားတွေ မရှိတဲ့အချိန်၊ နာ့စ်တစ်ယောက် တည်းရှိမယ့်အချိန် အဲ့လိုအချိန် တွေမှာပဲ ဘိုးကိုသွားတွေ့ တယ်။ တော်တော် အံ့သြစရာ ကောင်း ပါတယ်ဗျာ၊ ကျွန်တော် သွားနေကျ အချိန်မဟုတ်ဘဲ ဆေးရုံကိုရောက် သွားတဲ့တစ်နေ့ ဘိုးနဲ့မေမေရိုစီကို ဘယ်လိုမြင်ကွင်းမျိုးနဲ့ တွေ့လိုက် ရတယ်ထင်လဲ။ မေမေရိုစီက ဘိုးလက်သည်း တွေကို ညှပ်ပေးနေတယ်။ ပါးစပ်က လည်း သီချင်းလေး တစ်ပုဒ်တိုးတိုး ညည်းလို့ နေတယ်လေ။ ဘိုးက အားလျော့ပျော့ခွေ နေပေမယ့် ကြည်လင်ချမ်းမြေ့နေတဲ့ဟန်နဲ့ ငြိမ် နေတယ်။ သူတို့နှစ် ယောက်ကို ကျွန်တော်အပေါက်ဝကနေ မြင်နေ ရပြီး အနှောင့်အယှက် မပေးရက် တော့ဘူး။ ဒါ ကဗျာတစ်ပုဒ်လား။ ဒါရိုးစင်းတဲ့ ပန်းချီကားတစ်ချပ်လား။ အဲဒီ့နေ့က ကျွန်တော် ဘိုးအခန်း ထဲမဝင် ဖြစ်တော့ဘူး။ အသာလေး လှည့်ပြန်လာရင်း အပြန်လမ်းမှာ မျက်ရည်တွေဝဲ နေမိတယ်ဗျာ။ အဲဒီ့ရက်တွေနောက်ပိုင်းမှာ တော့ အမေကိုယ်တိုင်က မေမေရို စီကို လိုလားပုံပြလာတယ်။ သက် တမ်းကုန်ခါနီး သူ့အဖေအနားမှာ ဒီမိန်းမဘာကြောင့် ရှိနေလဲဆိုတာ သူကိုယ်တိုင် မတွေးတတ်တော့လို့ အရှုံးပေးလိုက်ပြီထင်ပါရဲ့။ ဘိုးရဲ့ ရောဂါကလည်း သည်းသည်း လာ တယ်။ ကျွန်တော်တို့အိမ်ကလူတွေ မှာလည်း အလုပ်တွေက တိုက် ဆိုင်စွာပဲ ရှုပ်ရှုပ်လာတယ်။ မလတ်ခိုးရာလိုက်သွားလို့ အမေ တို့က ရင်ဘတ်စည်တီး ဖြစ်ကြ၊ ရှာ ကြ၊ ဖွေကြ၊ ကိုကြီးက နိုင်ငံခြား ထွက်ခါနီးအချိန်မို့ စီစဉ်စရာရှိ တာတွေ စီစဉ်လှုပ်ရှားကြ အဖေ က နယ်ပြောင်းမိန့်ကျလာလို့ အဖေ့ အတွက် အဆင်ပြေအောင် စဉ်းစားပေးကြရ။ အမေဝယ်ထား တဲ့ တိုက်ခန်းက အိမ်ငှားတွေ ဆင်းမပေးလို့ အမှုရင်ဆိုင်ကြနဲ့ အိုး များလိုက်တဲ့ ဗာဟီရတွေဗျာ။ ဘိုး တက်တဲ့ဆေးရုံကို ကျွန်တော်ပဲ ည ဘက်မှာ အပြေးအလွှားလာ လာ ကြည့်ပြီး လိုအပ်တာတွေ လူကြီး လုပ်စီစဉ်ပေးနေရတယ်။ လူနာရှင် လို ဘိုးဘေးနားမှာ မညည်းတမ်း အချိန်ပြည့် ရှိရှိလာတတ် တာ က တော့ မေမေရိုစီပဲပေါ့။ မေမေရိုစီ့ ပါးစပ်ဖျားက သီချင်းသံလေးတွေ အစား ဘုရားစာရွတ်သံလေးတွေ ပြောင်း လဲလာတာကတော့ ထူးခြား မှုပါပဲ။ ကျွန်တော်ဆေးရုံရောက်တိုင်း မေမေရိုစီကို အမြဲပြောဖြစ်တဲ့ စကားလုံးကတော့ ကျေးဇူးတင်ပါ တယ်ဆိုတဲ့စကားပါ။ အဲဒီ့အခါ တိုင်း ‘ရပါတယ်သားရယ်’ လို့ အမြဲ ပြန်ပြောတတ်တာကလည်း မေမေ ရိုစီရဲ့ စကားသံပါ။
(၆)
ဘိုး မနေ့က ဆုံးသွားပါပြီ။ နေ့ချင်းပြီး သဂြိုလ်လိုက်ကြတယ်။ ကျွန်တော်တို့ရပ်ကွက်က စည်းရုံး တော့ လူတိုင်းလိုလို လိုက်ပို့ကြ တယ်။ ကောင်မလေးလည်း လိုက် ပို့တယ်။ ဒါပေမဲ့ မေမေရိုစီတော့ မပါဘူး။ ကျွန်တော် ဘိုးကို သဂြိုလ် ပြီး အပြန်မှာ ကောင်မလေးနဲ့အတူ သူတို့အိမ်ကိုလိုက်ပြီး မေမေရိုစီကို လိုက်တွေ့ ဖြစ်တယ်။ တွေ့ ချင်လို့ပါ။ ခုချိန်မှာ ဘာလို့မှန်း မသိဘူး။ မေမေရိုစီ့ကို အရမ်းတွေ့ချင်နေ တယ်။ ကျွန်တော်သူတို့အိမ်ကို ရောက်သွားတော့ မေမေရိုစီ သနပ် ခါး ဖွေးဖွေးလိမ်းလို့ သူဝတ်နေကျ နုဆင်လေးတွေဝတ်ပြီး ပန်းပင် ရေ လောင်းနေတယ်။ ကျွန်တော် အရမ်း အံ့သြသွားတာပဲ။ ကျွန်တော် ထင် နေတာက မေမေရိုစီ ဟာ ခုချိန်မှာ ဘိုးအတွက် ဝမ်းနည်းကြေကွဲ နေ မယ်။ ကျွန်တော်က တတ်နိုင် သမျှ နှစ်သိမ့်ပေးရမယ်။ ဒီလို ထင်နေ တာ မေမေရိုစီက ကျွန်တော်တို့ ဝင် လာတာမြင်တော့ ပြန်လာ ခဲ့ပြီလား လို့မေးရင်း အိမ်မှာ ဘာချက်ထား တယ် ဘာချက်ထားတယ် ဆိုတာ တွေ သူ့မြေးကို ပြောပြလို့ ကျွန်တော့် ကိုတောင် တစ်ခါတည်း စားသွား ပါလားလို့ ဖိတ်နေသေးတယ်။ ကောင်မလေး အိမ်ထဲဝင်သွားတဲ့ အချိန်မှာတော့ ကျွန်တော် မနေ နိုင်တော့ဘူး။ မေမေရိုစီကို မေးခွန်း တစ်ခုမေးလိုက်မိတယ်။ ကျွန်တော့် မေးခွန်းက ကလေးဆန်သွားမလား။ အရမ်းကသုတ် ကရက်နိုင်သွားမ လား မတွေးအားပါဘူးဗျာ။ သိချင် တာနဲ့ မေးချလိုက်တာ။
”မေမေရိုစီ…ဘိုးအတွက် မခံစားရဘူးလားဟင်” မေမေရိုစီက ပန်းပွင့်လေး တစ်ပွင့်ကို သာသာလေးကိုင်ကြည့် ရင်းက ကျွန်တော့်ဘက်ကိုလှည့် လာတယ်။ ပြီးတော့မှ ခပ်လေး လေးအေးအေးနဲ့ ပြန်ဖြေတယ်။ ”ခံစားရတာပေါ့သားရယ်.. ဒါပေမဲ့ မေမေရိုစီက ကိုယ့်သူငယ် ချင်းအတွက် အကောင်းဆုံး လုပ် ပေးပြီးပြီလေ။ တာဝန်ကျေပြီလို့ ထင်တော့ ဖြေသာပါတယ်။” မေမေရိုစီရဲ့ တိုးတိုးလေးဖြေ လိုက်တဲ့အသံက ကျွန်တော့်နားထဲ မှာ အကျယ်ကြီးကြားလိုက်ရသလို ပဲ။ သူငယ်ချင်း သူငယ်ချင်းတဲ့။ လှပရိုးရှင်းပြီး ချစ်စရာကောင်းလှ တဲ့ အသုံးအနှုန်းတစ်ခု၊ ကျွန်တော် ငိုင်တိုင်တိုင်နဲ့ ပြန်ထွက်လာမိတဲ့ အချိန်မှာ မေမေရိုစီကို နှုတ်ဆက် မိ လား နှုတ်မဆက်မိလားတောင် သတိမထားမိတော့ပါဘူးဗျာ။ ကျွန် တော်တစ်လမ်းလုံး တွေးလာမိတာ က အထီးကျန်ဆန်နေတဲ့ အသက် ကြီးကြီး အဘိုးကြီး တစ်ယောက်မှာ သူနဲ့ ရွယ်တူ အမျိုးသမီးသူငယ် ချင်းရှိနေနိုင်တာ ကျွန်တော်တို့ ဘာလို့ နားမလည်ပေးနိုင်ခဲ့ကြလဲ ဆိုတာပါပဲ။
မီမိုး
ရတီမဂ္ဂဇင်း