ချစ်သူရဲ့ပွဲ

လောကကြီးမှာ ကိုယ့်ချစ်သူ မိန်းကလေး ၏ လက်ထပ် ဖိတ်စာကို မြင်ရ၍ အလွန် ဝမ်းသာ ကြည်နူး ရသော ယောက်ျားသား တစ်ဦးရှိသည် ဟုဆိုလျှင် ယုံကြည်ကြ မည်လော။ အမှန်တကယ် ရှိခဲ့ပါသည်။ လက်ထပ် သွားသူမှာ ကျွန်တော့် ချစ်သူဖြစ်ကာ ဝမ်းသာ ကြည်နူးနေမိ သူမှာ ကျွန်တော် ကိုယ်တိုင်ပဲ ဖြစ်လေသည်။

ဟိုးရှေ့ရှေ့က လာနေသူမှာ ကျွန်တော့်ချစ်သူ သုဝေဝေလွင် ဖြစ်သည်။ သို့သော် ကျွန်တော် နှုတ်ဆက်ခွင့် မရ၊ နှုတ်ဆက်လို့ မရတော့၊ သူမနှင့် ကျွန်တော် အပြီး အပိုင် ပြတ်စဲခဲ့ပြီး ဖြစ်သည်။ လွန်ခဲ့သော တစ်ပတ် ကပင် ကျွန်တော့် နှုတ်ဖျားမှ သူမကို လမ်းခွဲ ခွင့်ပြုပါရန် အတိအလင်းပြောခဲ့ပြီး ဖြစ်သည်။ ထိုနေ့က လမ်းခွဲ ခံရသူ သူမက ကျောက်ရုပ်လေး တစ်ရုပ်လို မလှုပ်မယှက်၊ လမ်းခွဲသူ ကျွန်တော်က ယောက်ျားတန်မယ့် မျက်ရည်ကျ ဖြစ်သည်။ ကျွန်တော်နှင့် သူမကြား တူမျှသော ချစ်ခြင်း များ ရှိခဲ့ပါလျက်၊ ချစ်သူ ကို ချစ်ပါလျက်နှင့် အစိမ်းဖြတ် ဖြတ်လိုက်ရသော ကျွန်တော့် အဖြစ်က အတော် စိတ်မချမ်းမသာ ဖြစ်စရာ ကောင်းလှသည်။ အသည်းနှလုံးက ချစ်တတ် သလောက် တွေးခေါ် ဆင်ခြင် အားတွေ ကောင်းလှသည့် ဦးနှောက်က အမိန့်တွေမှာ ပြတ်သားလှသည်။ ထို့ကြောင့်ပင် ကျွန်တော် သုဝေဝေလွင် ကို လက်လွှတ် ခဲ့ရသည်။

သုဝေဝေလွင် ဘေးနားမှ ဖြတ်သွားလေပြီ။ တစ်ရက်ခြား တစ်ခါ ခေါင်းလျှော်တတ်သော သူမအကျင့် အတိုင်း ရှမ်ပူနံ့လေးက သင်းလျက်၊ သူမ၏ စလင်းဘက်မှ ချူကလေး က လမ်းလျှောက်တိုင်း ကိုင်ထားသော စတီးချိုင့်လေး ကို ထိကာ အသံထွက် နေတာလည်း မပြောင်းမလဲ၊ လက်ထဲ မှာ ကိုင်ဆောင် လာတတ်သော တစ် ရှူးလေးနှင့် မကြာခဏ ဆိုသလို နှုတ်ခမ်းဖျားကို တို့ထိ သုတ်တတ်တာလေး ကလည်း အရင်အတိုင်း၊ သို့သော် ရွှန်းမြစွာ ကြည့်တတ်သော မျက်ဝန်းညို တစ်စုံကတော့ အရင်လို သူ့ထံရောက် မလာခဲ့တော့ပေ။ မြင်ပါလျက်နှင့် မမြင်ယောင် ပြုခဲ့တာလား၊ မြင်ကို မမြင်ခဲ့တာလား ဆိုတာ ခွဲခြားမရနိုင်ဘဲ သူမ ဘေးမှ ဖြတ်ကျော် သွားခဲ့ပြီ။ သုဝေဝေလွင် …လို့ အကျယ်ကြီး အော်ခေါ်ပစ်ချင် စိတ်ကို ထိန်းသိမ်းရတာ ပင်ပန်းလိုက်ပါဘိ။ အတ္တကြီးတယ် ဟုပဲပြောပြော ကျွန်တော် သုဝေဝေလွင် ကို အမှန် တကယ် တန်ဖိုးထား ချစ်ခဲ့ပါသည် ဆိုတာကို သုဝေဝေလွင် သိစေချင်သည် မှာ အမှန်ပါ။

ကုမ္ပဏီ ယူနီဖောင်းလေးကို သေသပ် ကျနစွာ ဝတ်ဆင်ထားသော မိန်းမချောလေး တစ်ဦးကို ရုံးဆင်းရုံးလာ လုပ်ရင်း ဖြတ်သွားဖြတ်လာ အဖြစ် ကျွန်တော် မကြာခဏ ဆုံရင်း သတိပြု မိလာသည်။ အမှန်တော့ ကျွန်တော့် အရည်အချင်း၊ ကျွန်တော့် ရုပ်ရည်၊ ကျွန်တော့် အကျင့်စာရိတ္တသည် မိန်းမ ချောလေးများကို ဆုံစည်း ပတ်သက်ဖို့ အတော့်ကို အခွင့်အရေး ပေးလေသည်။ သို့အတွက်လည်း မိန်းကလေး လှလှမြင်သည်နှင့် သမင်လည်ပြန်၊ စောင့်ကြည့် ပြုံးပြန်စသည့် အနေအထားမျိုးကို သိပ်တော့ အထူးတလည် လုပ်နေစရာ မလိုလှ။ သို့သော် သုဝေဝေလွင် ဟု နောင် သိကျွမ်းရမည့် မိန်းမချောလေး အလှည့်မှာတော့ ရေစက် ဆိုတာကို ကျွန်တော် စတင် ခံစားမိလေ သည်။ နေ့တိုင်း ခိုစာကျွေးတတ်သော မိန်းမလှလေးဟာ ဝဲပျံနေတဲ့ ခိုတွေကြားထဲမှာ အကြင်နာ နတ်သမီးလေးပမာ ခံစားရသည်။ တည်ကြည် ငြိမ်းချမ်းတဲ့ မျက်နှာပေးလေးကို ကျပြန်တော့ မြင်လိုက်ရသည့် အခါတိုင်း စမ်းချောင်း ဘေးထိုင်နေ ရသလို အေးမြသွားသည် ဟု သဘောကျပြန်၏။ ရာသီဥတု ပူခြင်း အေးခြင်း၊ လူတွေ ရှုပ်ခြင်း မရှုပ်ခြင်း ဒါတွေ သူမလေးနှင့် ဘာမှ မဆိုင်သလို အေးငြိမ့် သက်သာစွာ လှုပ်ရှား သွားလာတတ် ပုံလေးတွေကို အကျိုးပေး ကောင်းလှတယ် ဟု တွေးဖြစ်နေတတ်သည်။ ဒီလို အတွေးအမြင်တွေ များလာချိန်မှာတော့ ကျွန်တော် သူမလေး ကို ပေးမိသော အမှတ်များ တော်တော် များနေပြီ ဆိုတာကို အံ့သြတကြီး သိလိုက်ရင်း သူမကို ချစ်နေမိပြီ ဆိုတာကိုပါ ကိုယ့်ကိုယ်ကိုယ် သတိထား မိသွား တော့သည်။ ကျွန်တော့် အချစ်တွေကို သုဝေဝေလွင် သတိထားမိဖို့က အ ချိန် တော်တော် ကြာလေသည်။ ကျွန်တော့် နာမည်၊ ကျွန်တော့် အလုပ်အကိုင်၊ ကျွန်တော့် အချစ် ဒါတွေအားလုံး သူမ လေးသိအောင် အချိန်ယူခဲ့ ရသည်။ သူမ အချစ်ကို ရဖို့ ကျပြန်တော့လည်း ခုနက အချိန်ထက်ပင် ပိုပေးခဲ့ ရသေးသည်။ သို့သော် နည်းနည်းမှ ကျွန်တော် မညည်းမိ။ ကျွန်တော်က ချစ်ခဲ့သူကိုး။ သုဝေဝေလွင် ထံမှ ချစ်အဖြေ ရခဲ့သည့် နေ့ကဆိုလျှင် ကျွန်တော့် တစ်ကိုယ်လုံး လမ်းလျှောက်စရာ မလိုအောင် လေထဲ လွင့်မျောနေ သလို ခံစားရသည်။ တစ်ညလုံးလည်း အိပ်မပျော်ခဲ့။ အိပ်မပျော်တိုင်း သူမထံ ဖုန်းထထခေါ်နေ ခဲ့သည်မို့လည်း သူမလေးက တောင်းပန်ယူရသည် အထိပင်။ ထိုညက သူမ ဆက်ပြီး အိပ်ပျော်လား အိပ်မပျော်လား တော့ မသိ။ ကျွန်တော် ကတော့ တစ် ညလုံးမျက်လုံး တွေကြောင်ကာ နောက်နေ့မိုးလင်းမှ အိပ်ပျော်ပြီး မပျက်စဖူး ရုံးပျက် သွားခဲ့တာဟာ မှတ်မှတ်ရရ ရှိလွန်းလှသည်။

ကျွန်တော် သုဝေဝေလွင်နှင့် ချစ်သူဖြစ်ပြီး တစ်ပတ် အကြာမှာတော့ အမေ့ကို ချစ်သူ ရှိနေပြီဟု ခပ်ကြွားကြွား ပြောဖြစ်သည်။ အမေက ကြားကြားချင်း မှာတော့ ပြုံးစိစိ ဖြစ်သွားပြီး ဘယ်ကလဲဟု မေးလေသည်။ ပြီးတော့ မှ ဘယ်က ဖြစ်ဖြစ် ငါ့သားရွေးတဲ့ မိန်းကလေးကို အမေ ယုံကြည်ပြီးသား ပါဟု ကျွန်တော့်ကို စိတ်ချစွာ ဆိုပြန် ၏။ တကယ်လည်း အမေက ယုံကြည် စိတ်ချပေးကာ နောက်နောင် များမှာ ကျွန်တော့်ကို ဘာဆိုဘာမှ ထပ်မမေး တော့။ တစ်ချက် တစ်ချက်သာ ငါ့သား လက်ထပ်ရင် ဘယ်လို ဘယ်ဝါဆိုတာ လေးတွေသာ နောက်သလို ပြောင်သလို ပြောခဲ့သည်မှ အပပေါ့။ အမေ ယုံကြည်မည် ဆိုလျှင်လည်း ယုံကြည်စရာ။ ကျွန်တော့် ဘဝမှာ အမေ စိတ်ဆင်းရဲ ဖို့မပြောနှင့် မျက်နှာညိုအောင်ပင် တစ်ခါမျှ မလုပ်စဖူး။ ငယ်စဉ်ကလေး ဘဝကတည်းက အမေ စီမံသလို တစ်ချက် မတိမ်းမစောင်း ကြီးပြင်းခဲ့ကာ ဝန်းကျင်မှာ အမေဟာ သားသမီး ကံကောင်းလှချည့်လို့ ကျွန်တော့်ကြောင့် အမြဲ မျက်နှာပွင့်ခဲ့သူ ဖြစ်သည်။ အမှန်တော့ အမေက အိမ်ထောင်ရေး ကံလည်း ကောင်း သူဖြစ်ခဲ့ သည်။ အဖေ့ ရာထူးဂုဏ်ရှိန်၊ အဖေ့ ကိုယ်ကျင့် တရားတို့မှာ သေသည်အထိ မွှေးပျံ့နေခဲ့တာ ဖြစ်လေသည်။ ကျွန်တော် ယခုအရွယ်ထိပင် အဖေ့ အကြောင်း များသည် သူ့လုပ်ငန်းခွင် သူ့မိတ်ဆွေ များကြား ပြောလို့ မကုန်နိုင်သေး။ အမေသည်လည်း အဖေ့ဌာန ဆိုင်ရာ ပွဲလမ်းသဘင်များမှာ ယခုအချိန် အထိ ဂုဏ်သရေ ရှိ လူကြီးလူကောင်း တစ်ဦး၏ ဇနီးမယား အဖြစ် ပွဲတက်နေရဆဲ ဖြစ်လေသည်။ ကျွန်တော်နှင့် အမေကြားမှာ အတိုက်အခံ ဆိုလို့ ဘဝမှာ တစ်ကြိမ် တစ်ခါမျှ မကြုံဖူးခဲ့။ အမေ ဖြစ်စေချင်တာနှင့် ကျွန်တော် ဖြစ်နေသော အကြောင်းအရာ များဟာ အမြဲလို ထပ်တူကျနေ ခဲ့လေသည်။ အချစ်ရေးမှာလည်း ကျွန်တော် ရွေးခဲ့သော ချစ်သူကို အမေ သဘောကျ လိမ့်မည် ဆိုတာ ကျွန်တော် ယုံကြည်ပြီး သား။ သုဝေဝေလွင် ဘက်ကလည်း ဘာအခက်အခဲမှ ရှိပုံမရပါ။ သူ့ဘက် ကလည်း ကျွန်တော့် ဘက်လိုပင် စိတ်ချ ယုံကြည်ထားပုံပင်။ ကျွန်တော်တို့ရဲ့ သာယာကြည်နူးစရာ ချစ်သူဘဝလေး ဟာ အနှောင့်အယှက် ကင်းကင်းနဲ့ ချီတက်လာခဲ့တာ ချစ်သူ သက်တမ်း တစ်နှစ်ပြည့် တဲ့ အချိန်မှာ မျှော်လင့်မထားသော ရှုထောင့်မှ ဆိုရွားလှသည့် ထိုးနှက်ချက် တစ်ခု ပေါ်လာတော့သည်။ ဒီသတင်းဆိုးကို သယ်ဆောင် လာခဲ့တဲ့ သူကတော့ ကျွန်တော့် အဒေါ် အန်တီမာ ပဲဖြစ်လေသည်။ ”တူလေး မင်း စီစီမောင့် သမီးနဲ့ ကြိုက်နေကြတာ လား” ဆိုတဲ့ အန်တီမာရဲ့ မေးခွန်းကို ကြားကြားချင်းတော့ ကျွန်တော် ရုတ်တရက် ဆွံ့အသွားခဲ့သည်။ ကျွန်တော့် ချစ်သူ သုဝေဝေလွင်ရဲ့ အမေနာမည် ဒေါ်စီစီမောင် ဆိုတာကိုတော့ ကျွန်တော် အရင်ကတည်းက ကြိုသိထားပြီးသား။ အမှန် အတိုင်း ပြောရလျှင် ကျွန်တော်ကလည်း ကျွန်တော့် ယောက္ခမလောင်း၏ အမည်ကို ဒေါ်စီစီမောင် ဆိုတာက လွဲ၍ လူပင်မြင်ဖူးသေးတာ မဟုတ်ပေ။ အန်တီမာနှင့် ဒေါ်စီ စီမောင် ဘယ်လို ပတ်သက် သိကျွမ်းသွားလဲ ဆိုသည်ကို ကျွန်တော် တွေးမရ။ ပြီးတော့ အန်တီမာက ကျွန်တော့်ကို ထိုမေးခွန်း မေးနေသည့် အချိန်မှာ လည်း မျက်နှာပြင် ရာသီဥတုက မကောင်းလှပေ။ ဘာများလဲဟု အကြောင်းရင်း မသိခင်ပင် စိတ်ထဲထင့် နေမိခဲ့သည်။ အန်တီမာက ကျွန်တော် ၏ ဟုတ်တယ် ဆိုသော ဝန်ခံစကား ကိုကြား ပြီးချိန်မှာ ကျွတ်ခနဲ စုတ်သပ်ကာ ထိုင်လိုက်ထလိုက် သုံးကြိမ် လောက် ယောက်ယက် ခတ်ပြီးချိန် ကျွန်တော်နှင့် ပြောလို့ပြီးမှာ မဟုတ်ပါဘူး ဆိုသည့် ပုံဖြင့် အိမ်ရှေ့ခန်း ကို ပြန်ထွက်သွားတော့သည်။

အန်တီမာ ပြန်ထွက်သွား လေတော့ ကျွန်တော့် စိတ်တွေ ဝိုးတိုးဝါးတား ဖြစ်ကျန်ခဲ့လေသည်။ ဒီတိုင်း ထိုင်နေရတာ ထက်စာလျှင် ကြိုးစဆွဲ ထုတ်သွားသူ အန်တီမာ ကိုပဲ ကိုယ့် ချည်ခင် ကိုယ် ရှင်းခိုင်းဖို့ တွေးလိုက်ကာ ဧည့်ခန်းဘက် ထွက်လာမိတော့၏။ ဒီမှာတင် အန်တီမာနှင့် အမေနှင့် ပြောနေသော စကားများကို ကျွန်တော် ဧည့်ခန်း အဝင် အပေါက်ဝမှ ကြားကာ ဆက်ထွက်ဖို့ သင့်မသင့် ချိန်ဆရင်း မတ်တတ်ကြီး ဖြစ်နေခဲ့တော့သည်။ ထိုသို့သော မြင်ကွင်းမျိုးကို ရုပ်ရှင်များ ဗီဒီယို များထဲတွင် ကျွန်တော် အကြိမ် ပေါင်းများစွာ မြင်ဖူးလေသည်။ မကြားအပ်သော စကားကို တခြား လူများ ပြောနေချိန် ထို စကားများနှင့် သက်ဆိုင်သူ သရုပ်ဆောင် က အပေါက်ဝ မှာ ရပ်ကာ ချောင်း နားထောင်ရင်း သွေးလေ ချောက်ချားတတ် ပုံများ။ ကိုယ်တိုင် ကြုံမှပင် ဆိုးဝါးလေစွဟု တွေးဖြစ်တော့သည်။ အန်တီမာ့ စကားဆုံးချိန် အမေ့ မျက်နှာ မှာ သွေးမရှိသလို ဖြူဖျော့လျက် စိတ်နှလုံး မချမ်းမြည့်နေပုံမှာ ထိုပုံစံမျိုး ကျွန်တော့် တစ်သက် တစ်ခါမှ မမြင်ဖူးခဲ့ပါ။ ကျွန်တော်ကတော့ ခုတင်ပေါ်ကို ဘယ်လိုခြေလှမ်း မျိုးနှင့် ပြန်ရောက်ခဲ့လဲ ဆိုတာကိုပင် မသိတော့လောက် အောင် စိတ်ဓာတ်တွေ ကျဆင်း ပျက်ယွင်းသွားခဲ့ ရတော့သည်။ မနက်ဖြန် ကျွန်တော့် ချစ်သူ သုဝေဝေလွင် ၏ နှစ်ဆယ့်ငါးနှစ်ပြည့် မွေးနေ့။ သူနှင့် ကျွန်တော် ဆုံစည်းချိန်ဟာ အရင်လို ပျော်စရာ ကောင်းပါတော့မလား။

ကျွန်တော် စိုးရိမ်ခဲ့သည့် အတိုင်းပင် ကျွန်တော်တို့ နှစ်ယောက်တွေ့ဆုံ မှုမှာ ပျော်စရာ မကောင်းခဲ့ပါ။ တစ်ခုခု ခံစား တွယ်ငြိပြီဆို ဟန်မဆောင်တတ် သော ကျွန်တော့် အကျင့်စရိုက် အတိုင်း ကျွန်တော့်မျက်နှာက အုံ့မှိုင်းမှိုင်း ဖြစ်နေခဲ့မှာ သေချာသည်။ သုဝေဝေလွင်မှာ ပါးနပ်သော မိန်းကလေးမို့ ကျွန်တော့် ကို ဘာဖြစ်နေလဲ မေးခဲ့ပြီပေါ့။ ကျွန်တော် မညာနိုင်ပါ။ ကျွန်တော် ပြောချလိုက်သော စကားတစ်ခွန်းဟာ ကျွန်တော့်ကိုယ် ကျွန်တော်တောင် တော်တော် မုန်းစရာ ကောင်းလေသည်။ ”သုဝေရဲ့ အမေ အကြောင်းကို ကို အရင်က မသိခဲ့ဘူး”။ သနားစရာ သုဝေဝေလွင်။ ကျွန်တော့် ပါးစပ်ဖျားက ထိုစကားကို အကြားမှာ ဆတ်ခနဲ တောင့်မတ် သွားသော ခန္ဓာကိုယ်နှင့် အတူ စူးစိုက်စွာ ကြည့်နေသော မျက်လုံးအစုံ ရုတ်ခြည်းပင် တခြားကို လွှဲပစ် လိုက်လေသည်။ ကျွန်တော်တို့ နှစ်ဦး အချိန်တော်တော် ကြာကြာကြီး ကို တိတ်ဆိတ်ငြိမ်သက် သွားခဲ့ကြ သည်။ ကျွန်တော် ထိုအခြေအနေကို ချေဖျက်ဖို့ ကြိုးစားမိသော်လည်း ကျွန်တော့် ပါးစပ်က ဘယ်လို စကားမျိုး ထပ်ထွက်ရမည် ဆိုတာကို ကိုယ်တိုင် မဝေ ခွဲနိုင်။ ကျွန်တော် ကိုယ့်စိတ်နှင့် ကိုယ့်ကိုယ် ရုန်းရင်းဆန်ခတ် ဖြစ်နေချိန် မှာပဲ သုဝေဝေလွင် ထံမှ စကားတစ်ခွန်း ထွက်ကျလာခဲ့သည်။ ”ကိုက ဘာဖြစ်ချင်လဲ”။ ” ဟင်. .သြော်..ဘာမှ မဖြစ်ချင်ပါဘူး”။ ကျွန်တော့်ထံမှ ထိုစကားကို အကြား သုဝေဝေလွင်က ခပ်သဲ့သဲ့ ရယ်လေသည်။ ရယ်သင့် သည်ပေါ့။ ရယ်တာတောင် နည်းသေး ။ နောက်တော့ သုဝေဝေလွင်က ပြန်တော့မယ်နော်ဟု နှုတ်ဆက်ကာ ကျွန်တော် ကတော့ သုဝေဝေလွင် အတွက် ရက်များ စွာတည်းက ကြိုဝယ် ခဲ့သော မွေးနေ့ လက်ဆောင် လက်စွပ် လေးကို ကိုင်ရင်း ကျန်ခဲ့သည်။ ကျွန်တော် ထိုနေရာမှာပင် ထိုင်ကာစဉ်းစား နေလိုက်သည်မှာ သုံးလေးနာရီမက။ နောက်ဆုံး အဖြေတစ်ခု ထွက် လာသည်မှာ ကိုယ် အမြတ်တနိုးနှင့် တန်ဖိုးထား ရွေးချယ်ခဲ့သော မိန်းကလေး တစ်ယောက်ကို ကြားစကားများ ကြားရုံနှင့် တုန်တုန် လှုပ်လှုပ် ဖြစ်နေသည် မှာ ကျွန်တော်တော်တော် ညံ့သော ကောင်။ သုဝေဝေလွင်၏ မိသားစု အကြောင်းကို ကျွန်တော် သိအောင် လုပ်ဖို့ ဆုံးဖြတ်ကာ နေရာမှ ထလိုက် မိတော့သည်။

အမျိုးသမီးကြီး၏ မျက်နှာမှာ ပေါလစ်ခ်ျ တင်ထားသလို ပြောင်တင်း ဖြူစင်လွန်းလှသည်။ အသက်ကတော့ လေးဆယ်ကို တော်တော်ကျော် လောက်ပြီ ထင်သည်။ ဝတ်ထားသော စပို့ရှပ်မှာ တင်းတင်းရင်းရင်း ရှိလွန်းလှကာ ခြေသလုံးအလယ် စကတ်က လည်း ပုံကျပန်းကျ ရှိသည်မို့ ဘွားတော် တစ်ယောက် အနေအထားနှင့် တော့ ရှိုးကောင်း လှသည်ဟု ဆိုရမည်ပင်။ ဘွားတော်ကြီးက ကျွန်တော်နှင့် စတယ်လာ စကားပြောနေရာသို့ တန်းတန်းမတ်မတ် ဝင်လာကာ ”ဒေါက်တာ ရေ ထုံးစံ အတိုင်းပဲ ထိုးချင်ပါတယ်” ဟု ဆိုကာ စတယ်လာနှင့် ရင်းရင်းနှီးနှီး ပြောဆိုလျက် လူနာ ခုတင်ပေါ် တန်းတက် သွားလေသည်။ ကျွန်တော်က ထရှောင်ပေးဖို့ ကိုယ်ဟန်ကြွချိန် စတယ်လာမှ ”ရတယ် ထိုင်နေပါ” ဟု ဆိုလိုက်သဖြင့် စတယ်လာ့ စားပွဲပေါ်မှ ဂျာနယ်တစ်စောင် ကောက်ယူဖတ်ကာ ဆက်ထိုင်နေ မိတော့သည်။ နားထဲမှာ တော့ ဘွားတော်နှင့် စတယ်လာတို့ အချီအချ ပြောနေကြသော စကားသံ များက အတိုင်းသား။ ”ရက်က ကျော်သွားပြီ၊ မေ့နေတာ မေ့နေတာ စတယ်လာရေ၊ နည်းနည်း ပါးပါး ကျော်လည်း ပြဿနာမရှိဘူး မဟုတ်လား” ”အန်တီ ထိုးလာတဲ့ သက်တမ်းက ကြာပြီပဲ၊ ပြဿနာ မရှိလောက်ပါဘူး၊ မမေ့ ရင်တော့ ပိုကောင်းတာပေါ့ အန်တီ ရယ်”။ နောက်တော့ ထိုဘွားတော်ကြီး နှင့် စတယ်လာ တို့၏ နောက်နောက် ပြောင်ပြောင် စကားသံများက နားထဲကို နားစိုက် မထောင်ပါဘဲနှင့် ဝင်လာသည်မို့ ဘွားတော်ကြီးကို မလွယ်ပါလားဟု ယောက်ျားလေး တစ်ယောက် ၏ အာရုံဖြင့် သိလိုက်မိသည်။ ထို အချိန်မှာပဲ ဖုန်းဝင်လာသည်မို့ ဘွားတော်ကြီးက ဖုန်းပြောနေပြန် သည်။ ထိုတော့မှ ဘွားတော်ကြီး ပိုမလွယ်တာ ကို အတည်ပြု ဖြစ်ပြန်သည်။ ဖုန်းပြောသံ tone colour မှာ ချက်ချင်း ပြောင်းသွားကာ အသံ အိညှက်အိညှက် က ဆယ်ကျော်သက် ရှုံးလေသည်။ စတယ်လာနှင့် ကျွန်တော် မျက်လုံးချင်း ဆုံကာ ခပ်ကျိတ်ကျိတ် ရယ်ဖြစ်ကြသည်။ ဘွားတော်ကြီး သူ့ကိစ္စတွေ ပြီးသွား၍ ဆေးခန်း ထဲက ပြန်ထွက်သွား ချိန်မှာတော့ ကျွန်တော် ငိုရမည့် အလှည့် ဖြစ်လေသည်။ စတယ်လာက ”နင်တော့ ကံကောင်းတာလား ကံဆိုး တာလား မသိဘူး အောင်အောင်၊ အဲဒါ နင်တွေ့ချင် သိချင်နေတဲ့ နင့် ကောင်မလေးရဲ့ အမေ ဒေါ်စီစီမောင် ဆိုတဲ့ ဘွားတော်ကြီးပဲ၊ နင် လက်တွေ့ မြင်သွားရတာပေါ့” တဲ့လေ။ ငုတ်တုတ် မေ့တာ မဟုတ်ပါဘဲ ငုတ်တုတ်သေသလို ဖြစ်သွားသည် အထိ ကျွန်တော် ချောက်ချား သွားခဲ့သည်။ ချက်ချင်းလို ပြေးမြင်မိသည်က အခုအချိန် အထိ ဆံပင်ရှည် ဆံထုံး ကို သေသပ်စွာ ထုံးတတ်ကာ ခါးရှည် ရင်စေ့လည်ဝိုင်း ပုံစံ အင်္ကျီကိုသာ တစ်သက်လုံး မြတ်နိုးစွာ ဝတ်ဆင် တတ်သော အမေ့ကို ဖြစ်သည်။ ကျွန်တော့် မျက်နှာ ပျက်ခြင်း မလှ ပျက်နေသည်ကို မြင်သော စတယ် လာက ”နင်ကလည်း တည့်တည့်ကို တိုးတော့တာပဲဟယ်” ဟု စိတ်မသက် သာစွာ ရေရွတ်လေသည်။ ဘယ်လို ခြေလှမ်း များနှင့် ကျွန်တော် ဆေးခန်းထဲမှ ပြန်ထွက်ခဲ့ မိပါလိမ့်။ စတယ်လာ့ကို လည်း နှုတ်မှ ဆက်ခဲ့မိရဲ့လား မသေချာ။ ထိုနေ့က သုဝေဝေလွင် ကို အလုပ်အပြန် သွားကြိုဖို့ ပျက်ကွက် ခဲ့ပါတော့သည်။

နောက်တစ်နေ့ မှာတော့ ကျွန်တော် အန်တီမာ့ထံပဲ ဆိုက်ဆိုက်မြိုက်မြိုက် သွားခဲ့ မိတော့သည်။ ကျွန်တော် ၏ ”ဟုတ်မှ ဟုတ်ရဲ့လား အန်တီမာ ရယ်၊ ကောလာ ဟလ များ ဖြစ်နေမလား ”ဆိုသည့် စကားအပေါ် အန်တီမာက စိတ်မဆိုးခဲ့ပါ။ စာနာနားလည် ဟန်ဖြင့် ကြည့်ရင်း သူ့အခန်းလိုက်ကာ စကို ဆွဲတင်လျက် သုဝေဝေလွင်၏ အမေနေသော အခန်းကို လက်ညှိုးထိုး ပြလေသည်။ ပြီးတော့မှ ” သား အချိန် ရရင် ဒီပြတင်းပေါက်မှာ ထိုင်ပြီး ညနေ လောက်ထိ နေကြည့်လိုက်၊ အခန်းချင်း က လှမ်း ကြည့်ရင် မြင်နေရတာပဲဟာ၊ သူ့အမူအကျင့် သူ့စရိုက်ကို သားအားလုံး သဘောပေါက် သွားလိမ့်မယ်၊ မင်း ကောင်မလေးက အရင်ကတော့ သူ့ အမေနဲ့ အတူနေတယ်၊ မတွေ့တာတော့ ကြာပြီ၊ သူ့အဘွားနဲ့ သွားနေတယ် ဆိုလားပဲ၊ သမီးမရှိတော့ ပိုကဲလို့ ကောင်းနေတာပေါ့၊ အခု ယူထားတာ လေးယောက်မြောက် ယောက်ျား၊ အဘွားကြီး က စန်းတော့ ကောင်းတယ်၊ ယူသမျှ ယောက်ျားကတော့ ဘော့စ် တွေချည်းပဲ”။ ကျွန်တော် ထိုလိုက်ကာ လေးနောက်မှာ ထိုင်မကြည့် ဖြစ်ခဲ့ပါ။ ငူငိုင်နေသော ကျွန်တော့်ကို အန်တီမာက မေးခဲ့သည်။ ”မမက ဘာပြောလဲ” တဲ့လေ။ မပြော ….ကျွန်တော့် ကို အမေဘာမျှ မပြောခဲ့ပါ။ တစ်သက်လုံး တည့်မတ်စွာ ထိန်းကျောင်း လာခဲ့သော သားတစ်ယောက် ၏ တော်တည့် မှန်ကန် လွန်းနေသော ဆုံးဖြတ်ချက်ကို ယုံစားနေလို့ပဲ ဖြစ်ပေမည်။ အချစ်ဟာ အရာရာကို ကျော်ဖြတ်ရဲသည် ဆိုသော စကားကို ဘယ်သူ တီထွင် ဖန်တီးပြီး ပြောခဲ့ပါလိမ့်။ မဟုတ်တမ်း တရားဆိုသော သည်သကောင့်သား ၏ မေးရိုးကို သွေးချင်းချင်း ဖြာအောင် ကျွန်တော် ပြေးထိုး လိုက်ချင်သည်။ ကျွန်တော် သုဝေဝေလွင် ကို ချစ်သည်။ အသက် လောက် ချစ်သည်။ သို့သော် အချစ်က အချစ်တခြား၊ မကျော်ဖြတ်ရဲတာက မကျော်ဖြတ် ရဲတာ တခြား။ ဘာဆိုဘာမှ မဆိုင်ပါ ဆိုတာကို လက်တွေ့ကျကျ ကျွန်တော် သိလေပြီ။ ဒီနေ့လည်း ကျွန်တော် သုဝေဝေလွင် ထံကို ဖုန်းဆက် ဖြစ်လိမ့်မည် မဟုတ် ဆိုတာ သေချာနေ ခဲ့ပြန်သည်။

နောက်ထပ် တစ်ပတ်တိတိ အကြာမှာတော့ သုဝေဝေလွင်က ကျွန်တော့်ရုံးနှင့် မျက်နှာချင်းဆိုင်က အအေးဆိုင်တွင်းမှာ ထိုင်စောင့် နေလေသည်။ ထိုကဲ့သို့သော လုပ်ရပ်မှာ ကျွန်တော်နှင့် သုဝေဝေလွင်တို့ ချစ်သူ သက်တမ်း ကာလတွင်းမှာ သုဝေဝေလွင် ပထမဆုံး လုပ်ဖူးသော လုပ်ရပ် ဖြစ်လေသည်။ နှစ်ယောက်သား စကား အေးအေးဆေးဆေး ပြောလို့ရသော တစ်နေရာ အရောက်မှာတော့ ကျွန်တော့်ထက် ငါးနှစ်တိတိ ငယ်သော ချစ်သူလေးထံမှ ”ပြဿနာ တစ်ခုကို မဖြေရှင်း ဘဲ ရှောင်လွှဲနေ လို့မှ မရတာပဲကို” ဆိုသည့် စကားကို ဆိုကာ ချစ်သူက ကျွန်တော့် ထက် ရဲရင့် နေခဲ့လေသည်။ ကျွန်တော် ဘာပြောရမှန်း မသိ ဆွံ့အနေ ချိန်မှာ ”သုဝေ တို့က မောင်နှမ သုံးယောက် ရှိတာ၊ သုဝေက အလတ်လေ၊ မကြီးက အမေနဲ့ မတည့်လို့ ယိုးဒယားဘက် ထွက်သွားတာ၊ အခုထိ အဆက်အသွယ် မရှိတော့ဘူး ၊ မောင်လေး ကတော့ ဆုံးပြီ၊ သူ့ဟာသူ ရောဂါနဲ့ ဆုံးတာပါ၊ ရပ်ကွက်ထဲ မှာတော့ မျိုးစုံပြောကြတာပေါ့၊ သုဝေတို့ မိသားစုဘဝ အကြောင်းကို ကကြီးက နေ အ အထိ ကို့ကို သုဝေ ကိုယ်တိုင် ပြောပြမယ်၊ အမှန်တွေ ပြောမှာ၊ ယုံတာ မယုံတာက ကို့အပိုင်း၊ သုဝေ စကားတွေ နားထောင် ပြီးရင်တော့ သုဝေကို အဖြေ တစ်ခုပေးပါ”။ ဒီလောက် တည်ငြိမ်မှု ရှိအောင် သူမ ဒီတစ်ပတ်လုံး ဘယ်လိုများ ကြိုးစားခဲ့လေသည် မသိ။ ဖခင် ဆုံးပါးသွားချိန် မှစ၍ ဝါးအစည်း ပြေသလို ဖြစ်ခဲ့သော သူမတို့ မိသားစု အခြေအနေ၊ မိခင်၏ အိမ်ထောင်ဆက် များ မှုကစလို့ အုပ်ထိန်းမှု လျော့ရဲသော မိခင်၏ အုပ်ချုပ်မှု အောက်မှာ အစ်မနှင့် မောင်လေးတို့ သူတစ်လူ ငါတစ်မင်း ဖြစ်ခဲ့ကြပုံ များ၊ သူမ၏ တစ်ကိုယ်ရေစာ တိုးတက်မှု အတွက် စိတ်ညစ်စရာ ကောင်းလှသော မိသားစု အလယ်မှာ သူမရုန်း ကန်ခဲ့ရပုံများ စသဖြင့် ကျွန်တော် မမေးခဲ့ဖူးသော သူ့မိသားစု သူ့ပတ်ဝန်းကျင် အကြောင်းများကို ဆက်တိုက် ဆက် တိုက် ဆိုသလို ပြောပြလာသည်။ ”ပတ်ဝန်းကျင်မှာတော့ အမေက နာမည်ကောင်း မရဘူးပေါ့ ကို၊ ဒါတွေကို သုဝေ ဘာတတ်နိုင်မှာလဲ၊ သုဝေတတ် နိုင်တာက ကိုယ်မဖြစ်ချင်တာတွေ မှန်သမျှ ကိုယ်တိုင် မလုပ်မိဖို့ပဲ တတ် နိုင်တယ်၊ သူများကို ဘာမလုပ်ပါနဲ့ ဘယ်လို မနေပါနဲ့ ဘယ်လို ပြောလို့ရမှာလဲ၊ ပြီးတော့ အမေက သုဝေရဲ့ အမေလေ”။ ကျွန်တော် ဘာပြန်ပြောရမှန်း မသိတော့။ ဖြူနုနေသော ချစ်သူ မျက်နှာလေး ကို နှမြော တသလွန်းစွာ ငေးမောနေ မိသည်။ သပ်ရပ်စွာ စည်းနှောင်ထားသော ကျောလယ်လောက် ရှိ ဆံပင်သား အိထွေးထွေးလေး များကို နောက် ကိုင်တွယ်ခွင့် ရပါတော့ မလား တွေးမိနေသည်။ ပေါင်လယ် ပေါင်တို သုံးထပ် စကတ်စသဖြင့် စကတ် ဘောင်းဘီတို့ မျက်စိရှုပ် ရင်ပူစရာ ဒီခေတ် ဒီချိန်ကြီးထဲမှာ ခုချိန်ထိ ဗမာ လုံချည်လေး များကိုသာ လုံချည်ကွင်း စစ်စစ်ဖြင့် တစ်သမတ်တည်း ဝတ်ဆင် တတ်သော ယဉ်ယဉ်ကျေးကျေး ဒီမိန်းကလေးကို ဆုံးရှုံးရမှာ ကြောက်နေမိ ပြန်သည်။ ”သုဝေ စကားက ကုန်ပြီ ကို၊ ကို သုဝေကို ဘယ်လို သဘောထားမှာလဲ”။ ကျွန်တော် နားထင်မှ ချွေးများစီး ကျကာ လက်ဖျံပေါ်သို့ ပေါက်ခနဲ ပေါက်ခနဲ ကျလေသည်။ မရည် ရွယ်သော စကားများ ပါးစပ်ဖျားမှ အချိုး မကျစွာ ထွက်လာခဲ့သည်။ ”ကို သုဝေကို အရမ်းချစ်တယ်”

”သုဝေ သိပါတယ်”

”ဒါ.. ဒါပေမဲ့ ..ဟို ..စိတ် ညစ်နေတယ်”

”သုဝေ သိတယ်”

”မဟုတ်ဘူး၊ သုဝေ မသိတာ တွေ ရှိသေးတယ်”

”မရှိဘူး၊ ကိုနဲ့ ပတ်သက်ရင် သုဝေ မသိတာ မရှိဘူး၊ ကိုရော ကို့ အမေရော သုဝေလို အနေအထားမျိုး ကို လက်ခံဖို့ မဖြစ်နိုင်ဘူး၊ ဟုတ်တယ် မလား”

မဟုတ်ဘူးဟု ပြန်ဖြေလိုက်ချင် ပါသည်။ သို့သော် ကျွန်တော် ပြန်ဖြေ နိုင်စွမ်းအား မရှိ ။ ကျွန်တော့် ပါးစပ်ဖျား ကို ဘယ်လို နတ်ဒေဝါများ တားမြစ် ပိတ်ပင် ထားပါလိမ့်။

”ကို မဖြေရင် သုဝေ ဘာသာဖြေ မယ်၊ ကိုတို့ ဘက်က သုဝေကို လက်မခံ နိုင်ဘူး၊ ဒါဆို သုဝေနဲ့ ကို့ အချစ်ရေးက ဘယ်လိုလုပ်မှာလဲ”

ကျွန်တော် နှုတ်ပိတ်နေဖို့ မကောင်းတော့ပါ။ ကျွန်တော့် လည်ချောင်းတွေလည်း ပူလောင် အက်ရှနေပြီ။ မျက်နှာ တစ်ခုလုံးလည်း စပ်ဖျဉ်းဖျဉ်း ပူလောင်လှပြီ။ တကယ် ဆို ကျွန်တော် ငိုချင်နေပြီ ဖြစ်သည်။ ကျွန်တော်တောင် ငိုချင်နေ မှတော့ သုဝေဝေလွင် လေ ဘယ်လောက် ငိုချင်ရှာမည်လဲ။ ကျွန်တော် သူ့ကို အချိန် အကြာကြီး နှိပ် စက်နေ ဖို့မကောင်း တော့။ မျက်စိစုံ မှိတ်ကာ ပြောချလိုက် ရတော့သည်။

”ကို တို့ လမ်းခွဲကြပါစို့ သုဝေ”

စကား အဆုံးမှာ သုဝေဝေလွင်နှင့် ကျွန်တော့်ကြား အပ်ကျသံမှ မကြားအောင် တိတ်ဆိတ်သွားသည်။ ခဏ နေတော့ သုဝေဝေလွင် ထံမှ ”သွားပြီနော်” ဟု အသံလေး ကြားရကာ ကျွန်တော့်ရှေ့မှ ခြေထောက် ဖြူဖြူလေး ဖြတ်သွားသည်။ ကျွန်တော် မျက်ရည် ကျကာ ကျန်ခဲ့တော့သည်။

ဒီအဖြစ်အပျက် များဖြစ်ပြီး နှစ်နှစ်အကြာ မှာတော့ ကျွန်တော့် ထံကို ဖိတ်စာလေး တစ်စောင် ရောက်လာသည်။ ကျွန်တော့် ချစ်သူ သုဝေဝေလွင် ၏ မင်္ဂလာဖိတ် စာလေး ဖြစ်သည်။ သတို့သား အမည်၊ အရည်အချင်း၊ နေရပ်လိပ်စာ တို့ကို ကျွန်တော် အငမ်းမရ ဖတ်မိသည်။ သတို့သားမှာ အင်ဂျင်နီယာ တစ်ယောက် ဖြစ်ကာ မိဘ များက လည်း အဆင့် မသေးသော အငြိမ်းစား ဝန်ထမ်းများ ဖြစ်နေသည်ကို တွေ့လိုက် ရသည်။ ဝမ်းသာ ကြည်နူးလွန်း၍ ဖိတ်စာ ကိုင်ထားသော ကျွန်တော့် လက်များ တဆတ်ဆတ် တုန်လေသည်။ ဝမ်းသာ လွန်းသောကြောင့် ထလိုက် ထိုင်လိုက် ဂနာမငြိမ်။ ကျွန်တော့် ချစ်သူလေးသည် ကျွန်တော့်ထက် မသာတောင် ကျွန်တော့်ထက် ဂုဏ် မငယ်သောသူ တစ်ဦး နှင့် တင့်တောင့် တင့်တယ် လက်ထပ်နိုင်ခဲ့ပြီ။ သူ့အနား မှာ သူမ ဘဝကို ကျွန်တော့် ထက် နားလည် ပေးနိုင်သော ယောက်ျားကောင်း တစ်ယောက် တွေ့သွားခဲ့လေပြီ။ သေချာတာ ကတော့ ယခု ဖိတ်စာထဲမှ သတို့သားသည် ကျွန်တော့်ထက် ပိုသော ချစ်ခြင်း များဖြင့် သူမလေးကို လက်တွဲ ခဲ့ခြင်း ဖြစ်ပေ မည်။ အခု အချိန်ဆို သူမလေး ပျော်နေလောက်ပြီ။ ဒါတွေကို တွေးရင်း တွေးရင်း သူမ အတွက် ကျွန်တော် အလွန်ပျော် သွားသည်။ သူမအတွက် အလွန်ပျော်ရွှင် မိပါကြောင်း မက်ဆေ့ခ်ျ တစ်ခု အမြန်ပို့မိသည်။ ကျွန်တော့် ဖုန်းနံပါတ် ကိုတော့ သုဝေဝေလွင် မှတ်မိတန် ကောင်းပါရဲ့။ ဖိတ်စာပေါ် မှာတော့ ကိုအောင်အောင် နှင့် မိသားစု ဟု အမည်တပ်ကာ ဖိတ်ထားခြင်း ဖြစ်သည်။ မိသားစု ဆိုတာ ကျွန်တော့်မှာ အိမ်ထောင်စု ရှိပြီဟု သူမ ထင်လေသလား။ ဒါမှမဟုတ် အမေ့ကို ရည်ရွယ်ကာ မိသားစု ဟု ဆိုလိုလေသလား သူပဲ သိပေလိမ့် မည်။ ကျွန်တော် ကြည်ကြည်နူးနူးကြီး ပြုံးမိပါသည်။ ကျွန်တော် သုဝေဝေလွင် ကို မေ့လို့ မရသမျှ ဒီတစ်သက် မိန်းမ ယူဖြစ်တော့မည် မဟုတ်။ သုဝေဝေ လွင်ကို ချစ်မိသော အချစ်မျိုးနှင့်လည်း ဘယ်မိန်းကလေး ကိုမှ နောက်ထပ် ချစ် နိုင်လိမ့်မည့် မထင်။ ဒီလိုပြောလျှင် ကျွန်တော်က လွဲပြီး ဘယ်သူ ယုံမှာတဲ့လဲ။ ဘယ်သူ ယုံယုံ မယုံယုံ ကျွန်တော် ထပ်ပြောပါမည်။ ကျွန်တော် သုဝေဝေလွင် ကို သိပ်ချစ်ခဲ့ပါသည်။ သိပ် ချစ်သောကြောင့်လည်း ကျွန်တော် ချစ် သော မိန်းကလေး၏ လက်ထပ်ပွဲကို ဝမ်းသာ ကြည်နူးမှု များစွာဖြင့် တက်ရောက် ဖြစ်မှာ သေချာနေပါတော့သည်။

လောကကြီးမှာ ကိုယ့်ချစ်သူ မိန်းကလေး၏ လက်ထပ် ဖိတ်စာကို မြင်ရ၍ အလွန် ဝမ်းသာ ကြည်နူး ရသော ယောက်ျားသား တစ်ဦး ရှိသည်ဟု ဆိုလျှင် ယုံကြည်ကြ မည်လော။ အမှန် တကယ် ရှိခဲ့ပါသည်။ လက်ထပ်သွား သူမှာ ကျွန်တော့် ချစ်သူဖြစ်ကာ ဝမ်းသာ ကြည်နူးနေမိသူမှာ ကျွန်တော် ကိုယ်တိုင်ပဲ ဖြစ်လေသည်။

မီမိုး

Yatimagazine March 16th, 2012