အရီ အခန်းထဲကို ၀င်လာချိန် အဘွားညွန့်က ဧည့်ခန်းမှာ ထိုင်ကာ ငါးဘဲများကို ကျကျနန ကိုင်နေလေသည်။
အ၀င်အထွက် တံခါးက စေ့ထားသည်မို့ အသာလေး တွန်းဖွင့် ၀င်လာပြီး အရီသာ ဧည့်ခန်းထဲ ရောက်လာသည်။ အဘွားညွန့်ကတော့ သူ့အိမ်ထဲ ဧည့်သည် တစ်ယောက် ရောက်လာသည်ကို နည်းနည်းမှ အသိအမှတ် မပြုပေ။ အန္တရာယ် များလိုက်သည့် ဖြစ်ခြင်း၊ တကယ်ဆို သက်ကြီးရွယ်အို အဘွားကြီး တစ်ဦးတည်း အိမ်မှာ ရှိနေချိန် ဒီလို တံခါးစေ့ ထားခြင်းဟာ အန္တရာယ်ကို ဖိတ်ခေါ်ခြင်းပေပေါ့။
တစ်လောကလေးတင် တစ်ရပ်ကွက် ခြားမှာ လူသတ်မှု ဖြစ်သွား ခဲ့သေးတာရော၊ အရီတို့ ဒီမှာ နေလာသည်မှာ နှစ်လေးဆယ် ရှိပြီ။ လူသတ်မှု ဆိုတာ တစ်ခါလေးမှ မကြားဖူးခဲ့။ အခုတော့ ပစ္စည်း လိုချင်လို့ကို မြေးအဘွား နှစ်ယောက်လုံးကို ရက်ရက်စက်စက် သတ်သွားခြင်းတဲ့လေ။ တရားခံကလည်း သိပ်မကြာခင်မှာပဲ မိခဲ့တာပင်။ တရားခံကို သူ ဘယ်လို အမှု ကျူးလွန်ခဲ့သည် ဆိုတာ အမှုဖြစ်သည့် နေရာမှာ ပြန်သရုပ် ပြခိုင်းလေတော့ အရီတို့ ရပ်ကွက်က ရပ်ကွက်လုံးကျွတ် နီးပါး သွားကြည့်ခဲ့ကြသေးသည်။ စိတ်ထဲ ထင်သည်က တရားခံလည်း လုပ်တုန်းကသာ လုပ်ခဲ့တာ ခုချိန်ဆို သွေးပျက် နေလောက်ပြီ ထင်ထားသော်ငြား လားလား မျက်နှာကြော မာမာနှင့် သူ့လုပ်ရပ်သူ နောင်တ မရသည့်ပုံ။ အရီကတော့ ကြည့်လိုက် မြင်လိုက်မိတာနှင့်ပင် ကြက်သီးဖြန်းဖြန်း ထကာ တစ်ချိုးတည်း ပြန်ပြေးခဲ့သည်မို့ အစအဆုံးပင် မမြင်ခဲ့တော့။ မျက်စိထဲမှာလည်း ဒီတရားခံ ရုပ်ကိုသာ ဖျောက်မရ၊ ဖျက်မရ ကြောက်မိနေသည်က နှစ်ရက် သုံးရက်လောက် အထိ။
ကိုယ့်စိတ်ထဲမှာ စားသတိ၊ သွားသတိတွေ ဖြစ်လိုက်တာမှ ကိုယ့်အခန်း အ၀င်အထွက် တံခါးကို သေချာ ပိတ်ပြီးပေမယ့်လည်း စိတ်မချနိုင်ဘဲ ထ ထကြည့်ရတာ အကြိမ်ကြိမ်၊ ဆွေမျိုးတွေ တံခါး လာခေါက်တာတောင် ချောင်းကြည့်ပေါက်က မြင်နေလျက်နှင့် ဘယ်သူလဲ မေးပြီး ရုပ်နှင့် အသံပါ တွဲစစ်လိုက်သေးတာ။ အကြောက်ကြီးမိ ပုံများ ပြောပါရဲ့။ ကြောက်တတ်တော့လည်း အန္တရာယ် ကင်းသည်ပေါ့။ အခုတော့ အဘွားညွန့် လုပ်ပုံက ကြောက်ပဲ မကြောက်တတ်တာလား။ ကြောက်ဖို့ပဲ မေ့နေတာလား မသိပါ။ တံခါးကို ဒုတ်ဒုတ်ချဖွင့်ပြီး လူတစ် ယောက်လုံး သူ့အနား ရောက်တာတောင် မသိတာမို့ အေးရောပေါ့။
“အဘွား၊ ငါးဘဲရိုးစူး ဦးမယ်။ ကျွန်မ လုပ်ပေးရမလား”
“အမလေး၊ အရီ ညည်း လေးကလည်း အသံ မပေး ဘာမပေး”
“အဘွားက ဘာလို့ တံခါးကြီး ဖွင့်ထားသေးလဲ။ ပိတ်ထားမှပေါ့။ ပေး ကျွန်မ ဆက်ကိုင်လိုက်မယ်။ အဘွား လက်သွား ဆေးလိုက်တော့”
“နေ နေ ပြီးတော့မှာ၊ မောင်ပု စားချင်တယ် ဆိုလို့ လုပ်နေတာလေ”
ဒီဦးပုကလည်း တော်တော် ခက်သည်ပဲ။ အသက် ရှစ်ဆယ်ကျော် အမေကို ငါးဘဲ စားချင်တယ်များ ပြော ရက်ပါ့။ တကယ်ဆို အာသီသ ရှိတယ် ထားဦး၊ တော်ရာ ၀ယ်စားရင် ၀ယ်စား၊ မစားလည်း ကိုယ့်ဘာသာ စီစဉ် သင့်သည်ပေါ့။ သား ယောက်ျားလေးတွေများ အသက် ဘယ်လောက်ကြီးကြီး မိဘအပေါ် သိတတ် တယ်ဆိုတာကို မရှိပေ။ ဒါကြောင့်လည်း အန်တီနှစ်နှင့် ဦးပုတို့ မောင်နှမ မတည့် ခြင်းနေမှာ။
“ငါးဘဲ အိုးကပ်လေး ချက်ပြီး ငါးပိရည်အတို့ အမြှုပ်လေးနဲ့ဆို မောင်ပုက ခေါင်းမဖော်တော့ဘူး။ သိပ်ကြိုက်တာ”
ပြောလည်းပြော လက်ကလည်း ဆိုးဆတ်နှင့် ခေါင်းဖြုတ်လိုက်၊ ချေးထုတ်လိုက် လုပ်နေတာများ အဘွားညွန့် တို့အသက်နှင့်တောင် မလိုက်ပေ။ ဘယ်သူကများ သူ့ကို အသက်ရှစ်ဆယ် ထင်ပါ့မည်လဲ။ မျက်နှာမှာ အခု အချိန်ထိ ပရိုမီနာ ရေးရေးခံတုန်း။ ပွဲ လမ်းသဘင်ရှိလျှင် နှုတ်ခမ်းနီ ပါးပါးဆိုးကာ မဆိုးသယောင် တစ်ရှူးနဲ့ ပြန်ဖျက်ပြီး နဂိုနေ နှုတ်ခမ်းသား ဖြစ်အောင် လုပ်တတ်တုန်း။ အပေါ်အောက် လိုက်ဖက်တာလေးတွေ ၀တ် တတ်လိုက်တာမှ ဘယ်သူ့ အကူအညီမှကို မလို။ ပိုက်ဆံလေး လက်ထဲ ပိုပိုလျှံလျှံ ရှိပြီဆို သူ့သွားတုတွေ ပြန်လုပ်ဖို့၊ အမေရိကန် ဗွီးရှင်းသွားကာ မျက်မှန်ကိုင်း လဲဖို့ လုံးဝ မမေ့မလျော့၊ သူ့တစ်ကိုယ်ရေ တင့်တယ်ဖို့များ ပြေလည်အောင် သိပ်စီစဉ်တတ်သူ ဖြစ်လေသည်။ အခုလည်း ကြည့်၊ အိမ်မှာ နေရင်းတောင် အပေါ်က နံ့သာရောင်အောက် က အညိုပွင့် ပါတိတ်နဲ့ အိမ်နေရင်း လှအောင် ဆင်ထားသေး၏။ အဘွားညွန့်ကို ကြည့်ကာ အရီ့စိတ်ထဲက ချစ်စနိုး ဖြစ်လာသည်မို့ ရုတ် တရက် စလိုက်မိသည်။
“အဘွား၊ အဘွား အဲ့လို အကုန်လိုက် လုပ်ပေးနေနော်။ ဦးပုကြီး မိန်းမ မယူဘဲ နေလိမ့်မယ်။ နေရာတကာ လိုက်လုပ်မပေးနဲ့လေ”
“ဒီအရွယ်ကြီးမှ ယူမလားအေ။ ပေါက်ကရ”
အဘွားညွန့်မှ ခပ်ပြုံးပြုံး လေး ပြန်ပြောရင်း မျက်နှာက ရုတ်ခြည်း ပျက်သွားကာ အရီ့ကို တစ်စုံတစ်ခု ပြောချင်ဟန် ဖြင့် ငေးကြည့်လာသည်။ တွဲကျနေသော အောက်နှုတ်ခမ်းသားများဟာ စကားလုံးတွေ ထွက်အန်ကျလုမတတ် တလှုပ်လှုပ်။ အရီမှာ အဘွား ဘာပြောလာမလဲ စောင့်စား နေမိသော်လည်း အဘွားညွန့် က စကားသံ ထွက်မလာသေးဘဲ ၀န်းကျင်ကို ဝေ့၀ဲကြည့် ပြန်လေ၏။ ပြီး ထိန်းချုပ် လိုက်ဟန်ဖြင့် ဘာစကားမှ မပြောလာတော့ပြန်။ အရီ မနေသာတော့ဘဲ
“အဘွား ဘာပြောချင်လို့လဲ”
အဘွားညွန့် ခေါင်း ထောင်ကြည့်လာကာ မပြောသာ ပြောသာ ခပ်လေးလေးကြီး ပြောချလာ၏။
“မောင်ပုကို ဟိုကောင် ဖျက်ဆီးနေတာအေ့၊ စိတ်ညစ်ပါတယ်”
“ဖျက်ဆီးနေတယ်။ ဟို ကောင်ဆိုတာ ဘယ်သူလဲ အဘွားရဲ့”
“ဘယ်သူရှိမတုံး။ စံအောင်လေ။ စံအောင်ဆိုတဲ့ အကောင်ကို ပြောနေတာပေါ့။ သေချင်ပါတယ်အေ”
အဘွားညွန့်၏ လေသံမှာ ကြားသာရုံ တိုးတိုးလေး ပေမယ့် အရီကတော့ အနီးကပ် ထိုင်နေသည်မို့ သေချာ စွာကြားလိုက်ရပါသည်။ သို့သော် ကိုယ့်နားကိုယ် မယုံ၍ နားကြားများ မှားလေသလား ဖြစ်မိသွား၏။ စဉ်းစားကြည့်၊ အရီဆိုတာက ဒီအိမ်နဲ့ အမြဲ အ၀င်အထွက် ရှိနေသည့်သူ။ ဆွေမျိုး မဟုတ်သော်ငြား ဆွေ မျိုးအရင်းတွေ ထက်ပင် ပိုခင် မင်နေခဲ့သူလေ။ မရောက်ဘူးဆို တစ်လကို အနည်းဆုံး သုံးလေး ခေါက်လောက်တော့ ရောက်ဖြစ်ခဲ့မြဲချည်းသာ။ အဲ တစ်ခုတော့ ရှိသည်။ ပြီးခဲ့ သည့်လကတော့ အရီကိုယ် တိုင် ရာသီဥတု အပြောင်းအလဲမှာ ခြေညောင်းလက် သေတွေဖြစ်ကာ အဘွားဆီ မရောက်ဖြစ်ခဲ့။
သို့သော်ငြား အဘွားရဲ့သမီးကြီး အန်တီနှစ် နှင့်တော့ ဖုန်းအဆက်အသွယ် မပြတ်ခဲ့ပါ။ သတင်းဦး သတင်းထူး ဆိုလျှင် အရီ ရသင့်သည်ပေါ့။ အဘွားပြောသော စံအောင်ဆိုတာ အန်တီ့ နှုတ်ဖျားက ယောင်လို့မှ မပြောခဲ့ချေ။ တစ်ခုခုတော့ လွဲနေပြီ ထင်ပါရဲ့။ အရီတို့ နှစ်ဦးနှစ်ဖက်မှာ ခင်လာခဲ့တာ သက်တမ်းက ကြာပြီ။ တကယ်ဆို ဟိုးအရင် ကာလများဆီက အရီတို့၊ အဘွား၊ အန်တီနှစ်၊ ဦးပုတို့ ဆိုတာ အခန်းချင်း ကပ်နေလာခဲ့ကြ တာ။ နောက်တော့ သူတို့ မိသားစုတွေမှာ အန်တီနှစ်တို့က တစ်ဖွဲ့၊ လူပျိုကြီး ဦးပုနဲ့ အဘွားက တစ်ဖက် သတ်သတ် စီ အိမ်ခွဲ သွားကြပြီး ပြောင်းရွှေ့ သွားကြလို့သာ နည်းနည်း ဝေးသွားခဲ့ကြတာ ဖြစ်သည်။
ဘယ်လောက်ဝေးဝေး ဒီရပ်ကွက်ထဲမှာပဲ ဆိုတော့ အခင်မင် မပျက် အသွားအလာ မပျက်ခဲ့ကြ။ အထူးသဖြင့် လူငယ်ဖြစ်တဲ့ အရီကပင် အန်တီတို့ဆီ သွားလိုက်၊ အဘွားတို့ဆီ သွားလိုက် လုပ်ဖြစ်မြဲပါ။ ကိုယ့်စိတ်ထဲမလည်း သူတို့ မိသားစုတွေ နှစ်ဖွဲ့ ကွဲသွားတာကို လည်စရာအိမ် တိုးတယ်လို့တောင် သတ်မှတ်ဖြစ်သေးရဲ့။ ဒီလိုမျိုး ခင်မင်မှုကြားမှာ မသိဘူး ဆိုလိုက်သော ကိစ္စ ရှိကို မရှိခဲ့ဘူး။ ဒီစံအောင် ကိစ္စကျမှ အရီ မသိဘူး ဖြစ်သွားရသည်ကို စိတ်ထဲ နည်းနည်းတော့ နေမထိထိုင်မသာ ဖြစ်သွားသလို ခံစားလိုက်ရသည်။
“အဘွား နေပါဦး။ အရီ့ကို ပြောစမ်းပါဦး။ စံအောင် ဆိုတာက ဘယ်သူလဲ။ အရီလည်း မသိရပါလား”
“စံအောင်လေအေ။ အခု အိမ်မှာ ရှိနေတဲ့ကောင်ပေါ့။ လူမိုက် လူမိုက်”
အဘွားက သိသိသာသာ တိုးချလိုက်တဲ့ အသံနဲ့ အခိုင်အမာ ပြောလာပါသည်။ အရီ့မှာ အံ့သြပြီးရင်း အံ့သြရင်း။ အဘွားပြောပုံ အရဆိုရင် စံအောင်ဆိုသည့် လူဟာ ယခုတောင် ရှိနေသည့်ပုံမို့ မျက်လုံး ကို ကျီးကန်းတောင်းမှောက် ကြည့်လိုက်မိသည်။ အရီပဲ မျက်စိ ချော်လေသလား။ မြင် သမျှတော့ သာမန်အရင်မြင် နေကျ အဘွားနှင့် ဦးပု၏ အသုံးအဆောင်များသာ တွေ့နေရသည်ပင်။ အတပ်တော့ မပြောနိုင်ပါ။ အဘွားတို့ အခန်းက အိပ်ခန်းနှစ်ခန်းပါ အခန်းမို့ ဟိုးအနောက်ခန်းမှာ ဧည့်သည်က ရှိချင်ရှိနေနိုင် သည်ပဲ။ အရီလည်း အဘွား လေသံလိုက်နင်းကာ ခပ်တိုး တိုး ပြန်မေးဖြစ်တော့၏။
“အခု ဧည့်သည်ရှိနေလား”
အဘွားက နှုတ်ခမ်း တစ်ချက်မဲ့ကာ ခေါင်းခါပြ ပြီး အခန်းထောင့်ကို မေးငေါ့ ပြလျက် “ဟိုမယ်လေ သူ့ အိတ်၊ အိတ်ထဲမလည်း အိမ်က ပစ္စည်းတွေ ဘယ်လောက် တိုလျှိုထားလဲ မသိဘူး။ သူ့ အလစ်မှ စစ်ရဦးမယ်”
ဟု ဆိုလာသည်။ အရီပါးစပ် အဟောင်းသားဖြစ်သွားကာ အဘွားပြရာ ကြည့်လိုက်ချိန် တကယ်ပဲ ဖောင်းကားနေ သော ကျောပိုးအိတ် တစ်ခုက နံရံမှာ ကပ်လျက်သားလေး။ အရီ့စိုးရိမ်စိတ်များ ငယ်ထိပ်ထိ တက်ဆောင့်လေသည်။
အဘွားညွန့်တို့ အိမ်မှာ ဘာတွေများ ဖြစ်ကုန်ပြီလဲ။ ဒီအကြောင်းများကို အန်တီနှစ်က ဘာကြောင့် မသိရတာလဲ။ အဘွားကရော ဒီလောက် စိတ်မချရတဲ့ သူတစ်ယောက်ကို ဘာကြောင့်များ အိမ်ပေါ် ခေါ်တင်ထားရတာလဲ။ အဘွားညွန့်ဟာ ဦးပု အပေါ်မှာ ချစ်သော်လည်း သူ့သြဇာက တော့ အခုထ ညောင်းတုန်း ဆိုတာ အရီတို့သိနေသည့် ဟာ။ ဘာတွေ ဖြစ်ကုန်လို့ပါလိမ့်။ အရီ အတွေးများ ရှုပ် ထွေးစွာနဲ့ပဲ အဘွားရဲ့ငါးဘဲ ကိုင်နေတဲ့ လက်ကို ဆွဲရပ်ရင်း အသိချင်ဆုံး မေးခွန်းကို မေးလိုက်မိတော့သည်။
“အဘွားတို့က အဲ့ လောက်စိတ် မချရတဲ့ သူကို ဘာလို့ အိမ်ပေါ်ခေါ် တင်ထား ရတာလဲ။ အန်တီနှစ်ရော ဒီ အကြောင်းသိလား”
“ရှူး”
အရီ့ကို ဖြေအံ့ဆဲ အဘွားမှာ အိမ်ပေါက်ဝမှ အသံတစ်ခုကို အကြားမှာတော့ တိတ် တိတ်နေရန် အသံပေး အမူ အရာပြကာ ကိုင်လက်စ ငါးခွက်ကို ကမန်းကတန်း သိမ်းလျက် နောက်ဖေးကို ထွက်သွားလေတော့သည်။ အရီ ကတော့ အရေးကောင်းဒိန်း ဒေါင်းဖျက်သူကို လှည့်ကြည့် လိုက်ချိန် အိမ်ထဲ ၀င်လာသူက အပြင်မှ မောကြီး ပန်းကြီးဟန်နှင့် ပြန်လာသူ ဦးပု။
“ဟဲ့ ညည်း ဘယ်တုန်းကရောက်၊ ညည်းခုတစ်လော ပျောက်နေသလားလို့ ငါနဲ့ အမေတောင် မနေ့ကပြောဖြစ် သေးတယ်”
“ဟုတ်၊ အရီခုတစ် လော ချူချာပူနာ ဖြစ်နေလို့”
“ဟားဟား ညည်း အရွယ်က ပြောနေတယ်။ ငါ တို့၊ အမေတို့ ပြောဖို့များ ထားပါဦးဟာ”
ဦးပုက အရီ့စကားကို ရယ်ရယ်မောမော တုံ့ပြန်ကာ ထိုင်ခုံပေါ်ထိုင်ရင်း မျက်နှာပေါ် သီးထနေသော ချွေးများ ကို ဘယ်ပြန်ညာပြန် သုတ်နေလေ၏။ ဦးပုအသံကို နောက်ဖေး မီးဖိုချောင်မှ ကြားသွားပုံ ရသော အဘွားညွန့်က တော့ ကပျာကယာလေး ထွက်လာကာ လက်ထဲမှာလည်း မျက်နှာသုတ်ပ၀ါလေး ကိုင်လို့ရယ်။ ပါးစပ်ကလည်း သုတ်လိုက်ဦး၊ သုတ်လိုက်ဦးနှင့် ရင်ခွင်ပိုက်သားလေး ချွေးအအေးပတ်မှာ စိုးရိမ်ကာ ပြောနေသည့် အတိုင်း၊ အရီမှာ ရှစ်ဆယ်ကျော် အမေနှင့် ခြောက်ဆယ် ကျော်သားတို့၏ မေတ္တာ တရားကို ကြည့်ကာ မျက်ရည်တောင် လည်ချင်ချင်ရယ်ပါ။
သူများတွေများ ဒီအရွယ်ဒီ အသက်ထိ ဂရုစိုက်မည့် အမေရှိတုန်း။ အရီ့မှာတော့ ပြေးကြည့်စရာ အမေ မရှိ တော့တာ သုံးနှစ်စွန်းခဲ့ပြီ။ အမေ ရှိတုန်းကဆို အဘွားညွန့်နှင့် အမေက အလွန်ချစ်ခင် ခဲ့သူများ ဖြစ်ကြသည်။ အန်တီ ညွန့်ရယ်၊ လွင်လွင်ရယ်နှင့် ဘော်ဒါ အရင်းကြီးတွေ၊ အဘွားညွန့်က သူ့လိုအလှ ကြိုက်သော အရီတို့ အမေနှင့် ပုလဲနံပ ရှိလှတာ ဆန်းတော့ မဆန်းလှပေ။ အဘွားညွန့်က သူ့သား ချွေးသုတ်ပြီး ပြန်ပေးသော လက်ကိုင်ပ၀ါလေး ကိုင်ကာ အထဲ ပြန်ဝင်သွားချိန် မတော့ အရီလည်း အတွေးစ ဖြတ်ကာ ဦးပုကို သိချင်တာ များမေးဖို့ ပါးစပ် အဟမှာပင်
“ဟေ့ကောင် အဆင် သင့်ဖြစ်ပြီလား။ သွားကြ မယ်လေကွာ”
“သွားမယ်။ ငါက အားလုံး ရယ်ဒီပဲ။ မင်း စောင့်နေတာ”
“အောင်မာ လခွီး။ ငါကပဲ နောက်ကျတဲ့ အချိုး။ လုပ်လုပ် ဟိုကောင်မတွေ တမျှော်မျှော် လုပ်နေမယ်။ သွားမယ်လာ။ သူတို့က စောင့်နေရရင် အချိုးက မပြေချင်ဘူး”
အရီ့မှာ အာကျယ်ပါကျယ် အသံနှင့် ရောက်ရှိလာ သော ချစ်ခင်နှစ်သက်ဖွယ် မရှိသည့် ဦးပုတို့အရွယ်ရှိ ထိုယောက်ျားကြီးကို မနှစ်မြို့စွာ ကြည့်နေမိတော့သည်။ ဘယ်သူလဲ ဆိုသော အတွေးနှင့် အကဲခတ်နေဆဲမှာပင် ထိုလူကြီးက အခန်းထောင့်ကို ဆိုးဆတ်ဖြင့် သွားကာ ကျောပိုးအိတ်ကို ယူလျက်လွယ်လိုက်ချိန် အရီ့စိတ်တွေ ထိတ်ခနဲ။ ကြည့်စမ်း။ ဒါအဘွားပြောသော စံအောင်ဆိုသည့် လူကြီးများလား။ ထိုလူကြီးက ကျောပိုးအိတ်လွယ်ကာ ပေါ့ ပါးသွက်လက်စွာ ရှေ့က ထွက်သွားချိန် ဦးပု တစ်ယောက်ကတော့ အရီ့ကို တောင် နှုတ်မဆက်နိုင်ဘဲ အူယားဖားယား ပါသွားလေတော့သည်။ ကျောပိုးအိတ်ကြီး ပါသွားပြီဆိုသော အသိ နှင့်အတူ အရီ့မှာ အဘွားကို အကျိုးအကြောင်းပြောဖို့ ထလိုက်ချိန် အဘွားညွန့်ကလည်း သူ့အလုပ်တွေ ပြီးသွားပုံနှင့် ဧည့်ခန်းကို ပြန်ထွက်လာ လေသည်။ သူ့လက်ကို ငါးညှီနံ့တွေ နံမှာစိုး၍ထင့် လက်ကို ပေါင်ဒါလေး တပွတ်ပွတ် လုပ်ကာ ပြန်နမ်းလို့ ကြည့်နေသေးသည်။
“အဘွား၊ အဘွားသားတော့ ပါသွားပြီ”
“ဟုတ်လား”
“ကျောပိုးအိတ်လည်း ပါသွားပြီ အဘွားရေ။ အရီ လည်း အဘွားကို အသံပြုဦး မလို့ မမီတော့ဘူး”
“သြော် အေး အေး”
“အဘွား ဒီကိစ္စတွေ အန်တီနှစ် သိလား။ တကယ်ဆို အန်တီနှစ် ဖြေရှင်းပေး ရမှာ”
“ငါးဘဲ ကျတော့မယ်။ တစ်ခါတည်း စားသွားပါလား။ မောင်ပု မရှိတော့ တစ်ယောက်တည်း စားရမှာ ပျင်း စရာကြီးဟဲ့။ နေပါဦး ဘယ် နှနာရီလဲ။ ဟောတော့ ဆယ့်တစ်နာရီ ခွဲနေပြီပဲ။ အဲဒါကြောင့် ဆာတာတာ ဖြစ်နေတာ၊ သွားပြင်လိုက်ဦးမယ်။ ခဏလေး ခဏ ခဏ”
အဘွားညွန့်က ပြောချင် ရာပြောကာ ထွက်သွားပြန်လေသည်။ လူကြီးကို ဇွတ်အတင်း သွားမေးနေလို့လည်း မတော်ဘူးထင်ပါရဲ့။ စားသောက်ပြီးကာမှ အခြေအနေ ကြည့်ကာ ထပ်မေးဖို့ စိတ်ထဲ ပြင်ဆင်ထားမိသည်။ ကိုယ် သိထားတော့ အန်တီနှစ်ကို သူမပြော ကိုယ်ပြောလို့ရ သည်ပေါ့။ အရီ့မှာ ကိုယ့် ဆုံးဖြတ်ချက်နှင့်ကိုယ် ဟုတ် နေပြီး အဘွားကို ထမင်း ကူပြင်ပေးရန် ထိုင်လိုက်ချိန် “အမေရေ” ဆိုသော အသံနှင့် အတူ အပေါက်ဝမှာ ရောက်ချ လာသူက အန်တီနှစ်။ နတ်သိကြားများ မလိုက်သလား ထင်ရအောင် ဆိုက်ဆိုက်မြိုက် မြိုက်ရောက်ချလာသည်မို့ အရီ ၀မ်းသာလိုက်သည်ဖြစ် ခြင်း၊ အန်တီနှစ်ကို အမေရေ ထပ်မအော်ဖြစ်အောင် တားရင်း ထိုင်ခုံများဆီ ဆွဲခေါ်ကာ အရီ့မှာ ကိုယ်သိသမျှ၊ အံ့အား သင့်သမျှ အခြေအနေများကို တတွတ်တွတ် တိုင်တန်းနေမိ တော့သည်။ အဘွား ပါးစပ်က စံအောင်ဆိုသော နာမည်၊ အခန်းထောင့်က ကျောပိုး အိတ်၊ အဘွားရဲ့စိတ်ညစ်မှု၊ ဦးပုကို လာခေါ်တဲ့သူစသဖြင့် စသဖြင့်....။
အန်တီနှစ်ကတော့ အရီ ပြောသမျှကို တငေးတမော နားထောင်နေလေသည်။ သို့သော် ပြောနေသူ အရီကသာ မျက်နှာမှာ ရသကိုးပါး ပေါ်အောင် ဖော်ကျူးဖြစ်နေသော် လည်း အန်တီနှစ်ကတော့ တစ်သမတ်တည်းသော မျက်နှာသေလေးနှင့် နားထောင် နေတာမို့ အရီမှာ ပြောနေရင်းက အားမလို အားမရ ဖြစ်မိကာ
“အန်တီနှစ် အရီပြောတာ ကြားရဲ့လား”
“ဟေ အေး။ ကြားပါတယ် အရီရယ်။ အန်တီနှစ် နားထောင်နေတာပဲ။ အန်တီ နှစ်လည်း ဒီအကြောင်းတွေ သိပါတယ်”
“ဟမ်၊ သိတယ်။ ဘယ်သူ ပြောပြတာလဲ”
“အမေလေ”
“ဒါတောင် အန်တီနှစ်က တစ်ခုခု မလုပ်ပေးဘူးလား။ စံအောင်ဆိုတဲ့ လူက သားအမိနှစ်ယောက် စလုံးကို သတ်သွားမှ ဟုတ်ပေ့ဖြစ်နေ မယ်”
“မဟုတ်တာ အရီရယ်”
“အမလေး၊ အန်တီနှစ်က လျှော့တွက်နေတယ်။ ဒီလောက်အမှုအခင်းတွေ ပေါ နေတဲ့ဟာ၊ ပေါ့လိုက်တာ အန်တီနှစ်ရယ်”
“ဟင်း ဟင်း ဟင်း”
“အန်တီနှစ်ရယ် နေနော်။ စံအောင်ဆိုတဲ့ လူကြီးက ကြောက်စရာကြီး။ အရီဖြင့် သူ့ပုံမြင်ရုံနဲ့ လန့်တယ်”
“စံအောင်”
“အင်းလေ။ ခုနလေးတင် ဦးပုနဲ့ထွက်သွားကြပြီ လေ။ အိမ်က ပစ္စည်းတွေလည်း သူ့အိတ်ထဲပါသွား တယ်။ အဘွားပြောတာပဲ”
“ဟောတော့။ အရီ မှား နေပြီ။ အရီမြင်လိုက်တာ ကိုပုနဲ့ အလုပ်အတူ တွဲလုပ်တဲ့လူ။ အန်တီနှစ်နဲ့တောင် အောက်မှာ ဆုံလိုက်သေးတယ်။ ရုပ်ကြမ်းပေမယ့် စိတ်ရင်း ကောင်းပါတယ်ဟယ်”
ဒီတစ်ခါတော့ အရီ့ ပါးစပ်ပိတ်ရသည့် အလှည့်ပဲ ဖြစ်တော့သည်။ အန်တီနှစ်က အခုတစ်လောမှာ ဖောက်ပြန် လာသည့် အဘွား၏ ကျန်းမာရေး အခြေအနေများကို ပြောပြနေလေသည်။ စားစားသောက်သောက် သွား သွားလာလာ အပိုင်းတွေမှာ ပုံမှန် ရှိပါလျက် အဘွားက သူချစ်သောသား ဦးပုကိုကျ နှစ်ကိုယ်ခွဲ ထင်မြင်နေကြောင်း ဘယ်လို အစွဲရယ်ကြောင့် စံအောင်ဟု နာမည် ပေးထားမှန်းလည်း မသိကြောင်း၊ ဦးပုနဲ့ တည့်လျှင် သူ့သားကို ကိုပုမှန်း သိတတ်ပြီး သူမ ကြိုက်တာတွေကို ဦးပု လုပ်လျှင်တော့ စံအောင်ဟု စွပ်စွဲကာ သူခိုး၊ ဓားပြဖြစ်အောင်ထိ ပုဒ်မ တပ်တတ်ကြောင်း၊ အဘွား ပါးစပ်ထဲမှာ ဦးပုမှာ ကိုပုဖြစ်လိုက်၊ စံအောင် ဖြစ်လိုက် နာမ်စား ကွဲနေရ ကြောင်းများ ပြောပြနေသည်။ အရီမှာ အန်တီနှစ် ပြောသမျှ တအံ့တသြ နား ထောင်နေရင်း
“ဖြစ်ရလေ အန်တီနှစ် ရယ်။ နေပါဦး အဘွားက အဲဒီ စံအောင် ဆိုတာကြီး ဘာလို့ နာမည်တပ်ရတာတုံး”
“အေး၊ အဲဒါကို ငါတို့လည်း အံ့သြတာ အရီရေ။ မှန်းကြည့်တာတော့ သူ့စိတ်ထဲ မုန်းခဲ့တဲ့ လူတစ်ယောက် ယောက်နေမှာပေါ့”
“ဘာပဲဖြစ်ဖြစ် အန်တီ နှစ်တို့က အဘွား လွဲနေတာကို သေချာရှင်းပြဖို့ ကောင်း တယ်။ အဘွားအဲဒီလို ထင် ယောင်ထင်မှားနဲ့ စိတ်ဒုက္ခ ရောက်နေတာ သနားပါတယ်။ သူစိတ် ပင်ပန်းနေမှာပေါ့ အန်တီနှစ်ရယ်”
အရီ့စကားအဆုံးမှာ တော့ အန်တီနှစ်က ပြုံးပြုံး လေးငေးကြည့်ရင်း
“ဘာလုပ်မလဲ အရီ ရယ်၊ သူ့အလွဲလေးနဲ့သူ အသား ကျနေပြီးပဲဟာ။ လွဲစရာ မရှိရင် အမေပျင်းတောင် နေဦးမှာ” တဲ့လေ။
အရီ ဘာစကားမှ ပြန်မပြောနိုင်အောင် အန်တီနှစ်ရဲ့ ဖီလော်ဆော်ဖီမှာ နစ်မျော သွားတော့သည်။ ထိုအချိန် မှာပင် အဘွားညွန့်က နောက်ဖေးဆောင်က ထွက်လာပြီး
“ဟဲ့ ဟိုနှစ်ယောက် ဘာတွေ တွတ်ထိုးနေလဲ။ စံအောင် မရှိတုန်း ထမင်း အေးအေးဆေးဆေး စားရ အောင် လာကြလေ”တဲ့။
အန်တီနှစ်က “ဟုတ် ကဲ့ အမေ”လို့ အသံပြန်ပြုရင်း အရီ့ကို ဘယ်နှယ့် ရှိစဆိုတဲ့ ပုံနဲ့ လှမ်းကြည့်နေလေရဲ့။ ကဲ ပျင်းမှာစိုးလို့ လွဲနေတာ တောင် ပြန်မပြင်တဲ့ ဒီအရပ်မှာ အရီကရော ၀င်ပြင်ပေး လို့ ဖြစ်မတဲ့လား။ လက်ဆေး ထမင်းစားပြီး နေသာသလို နေရုံသာ ရှိတော့သည်ပေါ့။ အဘွားက အသား ကျနေပြီလို့ အန်တီနှစ်က ပြောနေတာကိုး။
မီမိုး
(ရွှေအမြုတေ၊ မဂ္ဂဇင်း၊ဖေဖေါ်ဝါရီလ ၂၀၁၁)
Where to Play Dragon Tiger Casino | Oklahoma Casino Guide
ReplyDeleteThis is an all-in-one casino in Oklahoma with a 888 스포츠 100000 게임종류 square foot casino and 50 e sport poker tables. It's also a casino that was launched 가상 화폐 란 in 1992 in 슬롯 꽁 머니 Thunder City